அமெரிக்காவின் லாஸ் ஏஜென்ஸ்ல் நகரிலிருந்து நியூயார்க்குச் செல்லும் அந்த விமானம் புறப்படத்தயாராகிக்கொண்டிருக்கிறது. அனேகமாக எல்லா சீட்களும் நிறைந்து விட்டன.விமானப் பணிப்பெண்களும் பைலட்களும் பரபரப்பாக இயங்கிக்கொண்டிருக்கின்றனர்.
ஆறு அல்லது 7 வயதிருக்கும் ஒரு சிறுவன் இங்கும் அங்கும் அழுதுகொண்டே ஓடிக்கொண்டிருக்கிறான். பயணி ஒருவர் அவனை அழைத்து தன் அருகிலிருக்கும் ஜன்னல் ஓர சீட்டில் உட்காரவைக்கிறார். பேசி சமாதானப்படுத்த முயற்சிக்கிறார். பையன் ஸ்பானிஷ் மொழியில் ஏதோ சொல்லுகிறான். இவருக்குப் புரியவில்லை. பையன் அழுகையை நிறுத்தவில்லை.
அருகில் வந்த விமானப் பணிப்பெண், பையன் ஏன் அழுகிறான்? என்று கேட்கிறார்.
தெரியவில்லை. அதிபர் டிரம்ப் தேதசத்தை விட்டு வெளியேறச் சொல்லும் அறிக்கையைக் கேட்டிருப்பானோ என்கிறார். அந்தப் பயணி சிரித்தபடி.
அப்படிச்சொல்லாதீர்கள் . அதிபர் செய்வதில் எந்தத் தவறும் இல்லை. என்கிறார் கோபமாக என்கிறார் அந்தப் பணிப்பெண்
நீங்கள் டிரம்ப் ஆதரவாளரா? என் கோபப்படுகிறீர்கள்? நான் சொன்னதை ஒரு ஜோக்காக எடுத்துக்கொள்ளுங்கள் என்கிறார் அந்தப்பயணி
. ஏன் இந்தப்பையன் ஜன்னல் அருகே உட்காருகிறான்?. இம்மாதிரி தனியாக பயணம் செய்யும் சிறுவர்கள் அங்கே உட்காரக்கூடாது.
எனக்கு எப்படித்தெரியும். அது உங்கள் வேலையில்லையா? என்கிறார் பயணி.
அவ்வளவுதான். அந்தப்பணிப்பெண் பைலட்டின் காபினுக்குள் செல்லுகிறார். ஸ்டார்ட் செய்யப்பட்ட எஞ்சின் நிறுத்தப் படுகிறது. கண்ட்ரோலுக்குச் செய்தி பறக்கிறது.. பாதுகாப்பு அதிகாரிகள் விமானம் உள்ளே வந்து அந்தப் பயணியை வெளியே அழைத்துச் செல்லுகிறார்கள்.
“விமான ஊழியர்கள் சொல்லும் பாதுகாப்பு விதிகளை நீங்கள் பின் பற்றமறுப்பதால் உங்களை விமானத்திலிருந்து இறக்குகிறோம்” என்று அவரிடம் சொல்லுகிறார்கள்.
வெளியேற்றப்பட்ட அந்தப் பயணி அமெரிக்காவில் மிகப்புகழ்பெற்ற பல்மருத்துவர். வெறும் மருத்துவர் மட்டுமில்லை பல் அழகுக்கலை நிபுணர். ஹாலிவுட் நட்சத்திரங்கள்:, அரசியல்வாதிகள், தொழிலதிபர்கள் போன்ற பணக்காரர்களின் டாக்டர். லட்சக்கணக்கில் பீஸ் வாங்குபவர். நாட்டின் நான்கு நகரங்களில் கிளினிக் வைத்திருப்பவர். பெயர் ஷவான் சத்திரி( Shawn Sadri) ஈரான் நாட்டுக்காரர். அடுத்த வாரம் நடைபெறப்போகும் ஆஸ்கார் விருதுவிழாவில் பங்குகொள்ளும் நட்சத்திரங்களில் சிலரின் பற்களை அழகாக்க வந்தவர்.
அழைத்துப்போன பாதுகாப்பு அதிகாரிகளுக்கு அவர் யார் என்று தெரிந்தவுடன் அவசரஅவசரமாக அடுத்த விமானத்தில் நியூயார்க் அனுப்பிவைக்கிறார்கள். இந்தச் செய்தி வாட்ஸப்பில் வந்திருந்தால் ஒதுக்கிவிடலாம். வந்திருப்பது வாஷிங்டன் போஸ்டில் அதுவும் அந்த டாக்டரின் பேட்டியுடன்.
டிரம்ப் ஆதரவாளர், நாட்டைவிட்டு வெளியேற்றம் என்ற என் வார்த்தைகள் அந்தப் பெண்ணை ஆத்திரமடைச் செய்ததற்கு காரணம் நான் ஈரானியன் என்பதே. விமானப்பைலட்டும் ஒரு வார்த்தை கூட என்னிடம் கேட்காமல் கன்ட்ரோலுக்கு புகார் செய்தது தான் ஆச்சரியம் என்று சொல்லுகிறார் டாக்டர் ஷவான் சத்திரி. இவர் பள்ளிப்படிப்பு, கல்லூரி படிப்பு மருத்தப்படிப்பு எல்லாம் அமெரிக்காவிலேயே படித்தவர் 22 ஆண்டுகளுக்கும்மேலாக இஸ்லாமியக் கொள்கைகளை பின்பற்றாமல் வாழ்பவர்.
இந்தச் செய்தி வெளியானதும் அந்த டாக்டருக்கு கொலைமிரட்டல் உட்பட வெறுப்பை ஊமிழும் செய்திகளுடன் பல ஈ மெயில்கள் வருகின்றனவாம்.
பதவியேற்றவுடன் அதிபர் டிரம்ப் விசாகொள்கையில் செய்த அதிரடி அறிவிப்பினால் ஆயிரக்கணக்கான பயணிகள் விமானநிலையங்களில் தவித்ததும் பின்னர் நீதிமன்ற ஆணைகளினால் அவர்களால் அமெரிக்காவில் காலடி எடுத்துவைக்கமுடிந்ததும் உலகமே பார்த்து அதிர்ந்த விஷயம். இரண்டு இந்தியர்கள் சுட்டுக்கொல்லபட்டது நமது நாட்டில் தலைப்புச் செய்தியான விஷயம். நமது வெளியுறவு அமைச்சர் சுஷ்மா அங்கொன்றும், இங்கொன்றுமாக நடைபெறும் இந்தச் செயல்களை .பெரிதுபடுத்த வேண்டாம். நமது அரசு அமெரிக்க நிர்வாகத்துடன் பேசிக்கொண்டிருக்கிறது என்றார்.
தீவிரவாதிகள் அமெரிக்காவிற்குள் ஊடுவுறுவதைத் தடுக்க, நாட்டின் பாதுகாப்பிற்காகத்தான் இந்த விசா நிறுத்தம் போன்ற கெடுபிடிகள் என்று டிரம்ப் சொன்னாலும் அவரது ஆதரவாளர்கள் முஸ்லிம் நாட்டிலிருந்து வந்து குடியேறி அமெரிக்கர்களாகவே வாழும் மக்கள் மீது தங்கள் வெறுப்பை வெளிப்படையாக பொதுஇடங்களில் துணிவுடன் காட்டத்துவங்கியிருக்கிறார்கள் என்பது தான் உண்மை. சாதாரணமாகஅமெரிக்க அதிபர், அரசியல் பற்றி ஜோக் அடித்துக்கொண்டிருக்கும் அமெரிக்காவாழ் வெளிநாட்டவர்கள் மட்டுமில்லை பெரும்பான்மையான அமெரிக்கர்களே இப்போது அச்சத்தால் அமைதியாகி பொது இடங்களில் அதிகம் பேசாமலிருக்கிறார்கள்.
V,Ramanan
9444902215
கருத்துகள் இல்லை :
கருத்துரையிடுக
உங்கள் கருத்துக்கள்