கங்கைக்கரை ரகசியங்கள்
இலக்கியம் என்பதை தேர்வு செய்ததும் ஏனோ முதலில் கையிலிருந்த இந்தப்புத்தகம் தான் எழுத, படிக்க ஈர்த்தது !
கதை, சிறுகதை, நாவல், கவிதைத்தொகுப்புகள் என்றிருக்க..சமூகம் சார்ந்த , எதோ ஒரு ஈர்ப்பை..இன்னமும், இனி வரும் காலங்களிலும் புனிதத்தை தன்பெயரில் கொண்டுள்ள கங்கையைப்பற்றிய புத்தகம் என்றதும் கைகள் தானாக தழுவியது இதனை !
யார் எழுதியது..என்ன மாதிரியான புத்தகம் இது ?
பயணக்கட்டுரைகளின் தொகுப்புதான் இந்த நூல் ! பயணக்கட்டுரைகளில் சில ,
நேராக உள்ளதை உள்ளபடி சொல்லும் கட்டுரைகள், சில பயணத்தின் போதே பார்த்தது , எண்ணக்கிடங்கில் விளைந்தது என நம் மனதிலும் விதைக்கும் கட்டுரைகள் ! இரண்டாவது ரகம் இந்தப்புத்தகம்.மொத்தமே 112 பக்கங்கள்.
ஆனால் ஒவ்வொரு வரிகளும் பலமுறை படிக்க வைப்பவை. அப்படியென்ன ஸ்பெஷல்..?
மேலே படிங்களேன் !
இந்த கங்கைக்கரை ரகசியங்கள் அப்படித்தான் நம்முள்ளும் பல ரகசியங்கள், ஆசைகள்..வேட்கைகளை விதைக்கின்றன, எழும் எண்ணக்கேள்விகளுக்கு விடைகளையும் அளிக்கின்றன.
காலைப்பொழுது , கடலாக விரிந்திருக்கும் அறுபது அடி ஆழம் கொண்ட நதி, படித்துறைகளில் நாக்குகளாய் நாவாய்கள்
இப்படித்தான் இழுத்துப்போடுகிறது இழைந்தோடும் வர்ணனை. மெல்ல எழுத்தாளரின் கைப்பிடித்து சிறுப்பிள்ளையாய்
அவர் கால்களுடனே..பயணிக்க நாமும் ஆரம்பிக்க , பிரமிப்பை தன் தோள்களில் ஏற்றிக்காட்ட , கைப்பிடித்து தோழமையுடன் எண்ண அலைகளோடு அழைத்துச்செல்கிறார்.
கங்கைக்கரை என்றதுமே நினைவில் வருவது காசி நகரம் தான் !
கிரேக்க், எகிப்திய, பாரசீக நாகரீகங்கள் அழிந்து உருமாறியப்போதும் மாறாத இந்திய நாகரீகத்தின் அந்த தொன்மையினைப் பாதுகாப்பது சக்தியை, ஆற்றலை பிரதிஷ்டை எனும் கருவியாகக்கொண்டு எழுப்பப்பட்ட ஆலயங்கள், அதனால் உருவான நகரங்கள் தான் என்கிறார் ஆசிரியர்.
காசி..சிவனே வாழ்ந்த ஊர், அவரது சூலாயுதத்தின் நேர்க்கோட்டில் அமைந்த ஊர்.. 25,000 கோயில்களைக்கொண்ட
ஊர் தற்போது 648 கோயில்களாகவும்
மையப்புள்ளிகளாக மூன்று கோயில் கள், வடக்கே ஆம்கார் ஈஸ்வர், மையத்தில் விஸ்வ நாதர் , தெற்கில் கேதார் ஈஸ்வர் என அனைத்துக்கோயில்களுமே
ஐந்தடுக்குப்பாதையில் அமைந்திருப்பதாக விளக்குகிறார் ஆசிரியர் அதற்கான மேற்கோள்களுடன் !
ஈஷா யோகமையம் ஏற்பாடு செய்யும் யாத்திரை யில் பங்கேற்பவர், அதன் சிறப்பான செயல்பாடுகளையும், நடு நடுவே தனக்கான சந்தேகங்களை நம் மன மொழியைப்போலவே எதிரொலிக்கும் விதமாக சத்குரு ஜக்கி குரு வாசுதேவ் அவர்களிடன் கேட்டு நமக்குமான பதில்களைப் பெற்றுத்தருகிறார்.
காசி நகரம் கங்கையின் கரையில் உள்ளதையும் , கங்கையின் அழகையும் வாய்ப்புக்கிடைக்கும்
போதெல்லாம் ஆசிரியரது
பார்வையில் அவர் மயங்கியதை நமக்கும் கடத்தி மயங்கச்செய்கிற்து அவர் நடை!
எல்லாக்கோவில்களுக்கும் செல்லும் குறுகலான பாதை, அதிகாலையில் செல்லும்போது ஏற்படும் அசௌகர்யங்கள், அங்கே நகரத்தார் கட்டிவைத்த நாட்டார் கோட் சத்தர் , அவர்கள் செய்யும் பால் வழங்கும் திருப்பணி, கட்டிவைத்த கோயில்கள் என முதல்
நாள் பார்த்ததில் பகிர்கிறார்.
3 நாட்கள்..இதில் விஸ்வ நாதர் ஆலயம் பற்றிய பகிர்வில் அவரது சிலிர்ப்பையும், அங்கு ஏற்படும் அதிர்வையும் நாமும் உணரமுடிகிறது ! சைக்கிள் ரிக்ஷா , படகுக்காரர்களின் தன்மை, அணுகும் விதம் என அணைத்து செல்லும் நடையில் பல காட்கள் எனப்படும் படித்துறைகளிலும் அவருடன் ஏறி நாம் இறங்குகிறோம் !
குளித்து எழுகிறோம் !
காசி , வாரணாசி என்ற அழைக்கப்படுவதில்..பனாரஸ் என்பது தனி நகரம் என்றும் அங்கு பட்டுத்தறி நெய்யும் நெசவாளர்களின் வாழ்வில் வண்ணங்கள் இல்லை எனவும் பதிகிறார்!
அச்சச்சோ என நாமும் இரக்கம் கொள்ள உடனே படகுப்பயணம் , அங்கிருந்து..மணிகர்ணிகா காட் என தாவும் எழுத்துக்களால்..மாறினாலும் கனத்துப்போகிறோம் !
ஒரு நாளைக்கு குறைந்தது 50 இறந்த உடல்கள் (இப்படித்தான் குறிப்பிடுகிறார்..பிணங்கள் என்றில்லை) வர..பாதி எரிந்த உடல்கள் அடியே தள்ளப்பட, இதனை 6 உதவியாளர்களுடன் நிர்வகிக்கும் சத்திய நாராயண சௌத்ரி என்பவரது நிலையையும் குறிப்பிட.. ஆவென திறந்த வாய் மூட மறுக்கின்றன.
பனாரஸ் மன்னர்களுக்கான குளியல் கட்டம் அதில் கங்கை உள் நுழைவதென அனைத்துப்படித்துறைகள் , அதன் கரையில் அமைந்துள்ளக்கோயில்கள் என விவரிக்கப்பட்டு அங்கு ஆங்கிலேயர், முகலாயர் , புத்த மத ஈடுபாட்டினையும் சொல்லி..புத்தருக்கும் காசிக்குமான தொடர்பு, அவர் ஞானம் பெற எப்படி வந்தார் என்ற தகவல்களுடன்
மெதுவாக அவருடன் நாமும் சார நாத் பயணிக்கிறோம்.
அங்குள்ள காட்சியகம் அதிலுள்ள உண்மைகள் , அதைச்சார்ந்த தகவல்கள், புகைப்படங்கள் என ஆசம் ஆசம் என்ச்சொல்லி நம்மை நகர வைக்கின்றன பக்கங்கள் .
சார நாத் அடுத்து புத்த கயா..!
சார நாத்ல் புத்தர் சமணர்களுடன் இணைந்து தவமிருந்து, வெறும் உடல் மட்டும் மெலிந்து ஞானத்திற்காக போதி மரம் தேடி கயா க்கு செல்கிறார். அதை விளக்கும் காரணங்கள்,
செல்லும் வழியில் தம்மை பாதித்த விஷயங்கள் என அனைத்தையும் ரசிக்கும் விதத்தில் அள்ளித் தருகிறார்.
புத்தகயா அமைந்துள்ளது காசியிலிருந்து 250கிமீ தள்ளியுள்ளது எனவும் அங்கு அமைந்துள்ள புத்த விஹார்கள், புத்த சபாக்கள், அங்கு ஒவ்வொரு விஹார்கள் , வழிபடும் முறை..ஏன் புனிதத்தன்மைப்பெறுகிறது அங்கெல்லாம் புத்தர் என்ன போதித்தார் என தகவல்களைப்படிக்க முடிகிறது!
நாளந்தா.. கிமுவில் ஆரம்பிக்கப்பட்ட பல்கலைக்கழகம் வானியல், மருத்துவம், மொழி, ஆன்மீகம் சார்ந்த படிப்புகள்..மாணக்கர்களைக்கொண்டிருந்ததை வரிகளால் விளக்கி , படங்களுடன் நம் மனதில் பதியமாகிறது!
கில்ஜி படையினரால் அழிக்கப்பட்ட பல்கலைக்கழகம் படிக்கும் போதே கண்ணீர்துளிக்க, நாகரீகமே தெரியாத உலகில்..சிகரமாக வாழ்ந்திருக்கிறோமே என்ற உணர்வை எழுப்புகிறது!
கில்ஜி யின் அழிப்பினால்..தொடர்ந்து பாதிக்கப்பட்ட காசி நகரம், நம் மன்னர்கள் கோட்டைகள், கயா, நாளந்தா என மனம் புரண்டு அழுகிறது படிக்கும் போது !
சமணர்கள் தவம் செய்த, புத்தரின் புனித இடமாகவும் அவர் சீடர்களுக்கு போதித்த இடமும் ஆன ஏழு மலைகளுக்கிடைப்பட்ட ராஜ் கீர் என்ற இடமும் முன்னர் மகத நாட்டின் தலை நகர் அதற்கான விவரிப்புகள் அங்கு செல்லும் வழி என நகைச்சுவை இழையோட நமக்கும் தெரிவிக்கிறார்.
மீண்டும் பாட்னா வருகை, அங்குள்ள தானியம் சேமிக்கும் கோடவுன், படகு சவாரி, கங்கைக்குளியல் என நாமும் களிக்கிறோம்!
கடைசியாக எதோ மிஸ்ஸிங் போலவே என நாம் நினைக்கும் போதே..கங்கையின் ஆர்த்தியும் கண்களில் காமிக்கப்பட்டு..புத்தகம் நிறைவுறுகிறது !
வழுவழுப்பான கவிதா பப்ளிகேஷனில் வெளிவந்துள்ள இந்தப்புத்தகம் கல்கியில் தொடராக வெளிவந்ததன் தொகுப்பாக வெளியிடப்பட்டுள்ளது.
மிக அழகான படங்களுக்கும், வர்ணனைகளுக்கும், வரிகளுக்கும், சிந்தனைகளுக்கும் சொந்தக்காரரன அந்த ஆசிரியர், எழுத்தாளர் திரு. ரமணன் அவர்கள்.
Ramanan Vsv அவர்கள்.
இவர் வங்கியில் உயர்பதவி வகித்தவர், சமூகம்,அரசியல், வரலாறு என பல ஜான்ர்களில் விரிவாக தன் படைப்புக்களை புத்தகங்களாக வெளியிட்டிருக்கிறார்.
அவரது முன்னுரை, பதிப்பாளரது பதிப்புரை..நம் ஆவலைத்தூண்டி உள் தள்ளிட..நிறைவான நெகிழ்வான பயண அனுபவத்தைப்பெறுகிறோம்
!
ஆனாலும்..நாமும் பார்க்கவேண்டுமே இந்த இடங்களை என்ற ஆர்வமும் அதிகமாகி, இவரைப்போலவே இணைந்தப்பல விஷயங்களைக்கூச்சமின்றி கேட்டு தெளிவுறவேண்டும் என நினைக்கிறது மனம் !
கங்கைக்கரை ரகசியங்கள் , கங்கை காசியை உணர்ந்துக்கொள்ளவேண்டிய பார்க்கவேண்டிய சக்தி அதிர்வுகளின் ஆணி வேராக அறிய வைக்கும் பயணப்படத்தூண்டும் புத்தகம் .
அகோரிகள், கங்கையில் மிதக்கும் பிணங்கள் பற்றி நாம் டாகுமெண்ட் ரி க்களில் பார்த்தவை இதில் இல்லாமல் போனாலும் கங்கையின் வாசத்தை புராதனத்தை , அறிவை நிறைவைத்தருகிறது !
கங்கைக்கரை ரகசியங்கள் பற்றிய ரகசியத்தை உங்களுடன் பகிர்ந்த நான் நாளை ..வேறொரு புத்தகத்துடன் சந்திக்கிறேன் !
கவிதா பதிப்பகம், ஏப்ரல் 2016 ல் வெளியிட்டுள்ள இப்புத்தகத்தின் விலை 140 ரூ.
சுமிதா ரமேஷ் ஷார்ஜா
---------
கடைசிக் கோடு: இந்தியாவின் வரைபடம் பிறந்த கதை
கருணை (சிறுகதைத் தொகுப்பு)
கல்கி
இதழின் முன்னாள் ஆசிரியர் திரு வி. எஸ். வி. ரமணனின் இந்தத் தொகுப்பில் மொத்தம்
பன்னிரெண்டு கதைகள். எல்லாக் கதைகளுமே நம்மைச் சுற்றி எங்கோ நடந்த உணர்வை
ஏற்படுத்துகிறது. ஒவ்வொன்றும் வேறு வேறு களம். வேறு வேறு பிரச்சனைகள். சில சொல்லப்பட்ட
தீர்வுகள். சில சொல்லப்படாமல் படிப்பவரின் புரிதலுக்கு விடப்பட்ட தீர்வுகள்.
முதலில்
”முகம்”. போரில் மாண்டு போகும் ஒரு ராணுவ வீரனின் இறுதி சடங்கை விவரிக்கும் கதை.
கதையைப் படிக்கும் போது இத்தனை விதிமுறைகளா என்று யோசிக்கத் தோன்றுகிறது. அதுவும்
குண்டு பட்டு சேதமடைந்த அந்த வீரனின் முகத்தைப் பார்க்கக் கூட உறவினர்கள்..
முக்கியமாக கர்ப்பிணி மனைவி அனுமதிக்கப் படாமல்.. படித்து முடித்ததும் நெஞ்சு
கனத்தது. கண்கள் கலங்கின.. பாதிப்பு நீங்கி அடுத்த கதைக்குச் செல்ல ரொம்பவே
அவகாசம் தேவைப் பட்டது.
”செருப்பு” கதையில் வரும் கணபதிக்காக
நம் மனம் அழுகிறது. காதர் பாய் கடையில் பார்த்து வைத்திருக்கும் செருப்பை வாங்க
பணம் சேர்க்க வேண்டும். அதற்காக அரசியல் கூட்டத்தில் பிளாஸ்கைத் தூக்கிக் கொண்டு
மாங்கு மாங்கென்று டீ விற்கிறான். ஆனால் இறுதியில் நடப்பது என்ன? நாமே
கணபதிக்கு அந்த செருப்பை வாங்கிக் கொடுத்து விடலாமா என்று நினைக்க வைக்கிறது
இந்தக் கதை.
புத்தகத்தின்
தலைப்புக் கதை ”கருணை”. பிறந்ததிலிருந்து பலவிதமான உடல் உபாதைகளுக்கு ஆளாகி
இயங்காமல் கிடக்கும் மகளின் கருணைக் கொலைக்கு மனு தாக்கல் செய்து வழக்கு
தொடுக்கிறாள் ஒரு அபலைத் தாய். ஆனால் நடைமுறையில் இருக்கும் சிக்கல்கள் அவளை மன
உளைச்சலுக்கு ஆளாக்குகிறது. இறுதியாக ஒரு வழியாக தீர்ப்பு வரும் சமயத்தில்.. தீர்ப்பு
எப்படி இருக்கும் என்று தெரியாத குழப்பத்தில்.. கருணை அடிப்படையில் இயற்கையின்
தீர்ப்புடன் இன்னல்கள் முடிவடைகிறது. முகம் கதையைப் போலவே இந்தக் கதையைப் படித்த
பின்னும் நெஞ்சில் பாரம் ஏறியதை தவிர்க்க முடியவில்லை.
புலம்பெயர்ந்த
கட்டிடத் தொழிலாளர்களின் பிரச்சனையை அலசும் ”இடைவெளி”, காணாமல்
போகும் மறதிக்கார ”அப்பா”வை தேடும் தவிப்பு, பள்ளிக்குச் சென்ற குழந்தை வீடு
திரும்பாமல் போக பெற்றவர்களின் ”தேடல்” தவிப்பு.. அப்பாவி இளைஞர் எப்படி அரசியல்
விளையாட்டுக்கு அடிமையாகிறான் என்பதை விவரிக்கும் “ஆடு”.. இப்படி ஒவ்வொரு கதையும்
நிச்சயம் மனதைத் தொடும்.
எத்தனையோ
நிரபராதிகள் தீவிரவாதிகளாக குற்றம் சாட்டப்பட்டு பல சிறைகளில் அடைக்கப்
பட்டிருக்கிறார்கள். அவர்களில் ஒருவனான காஷ்மீரைச் சேர்ந்த அப்ஸலின் கதி என்ன
ஆகிறது? அவனை விடுவிக்க போடப்பட்ட வழக்கின் தீர்ப்பு அவனுக்கு சாதகமாக முடியுமா? இது
தான் “தீர்ப்பு” கதையின் ஓட்டம். அப்ஸலின் தீர்ப்பை அறிவிக்காமலே கதை முடிகிறது.
முடிவு.. வாசகரின் கற்பனைக்கு..
போர்
மூண்ட யுக்ரேன் நாட்டில் தவிக்கும் இந்திய மாணவர்களின் தவிப்பை படம் பிடித்துக்
காட்டியது “நம்பிக்கை” என்ற கதை.
ன“வைராக்கியம்”
எதிர்பார்த்த முடிவு தான் என்றாலும் பல கோபால்சாமி நாயகர்கள் இருக்கத் தான்
செய்கிறார்கள். அதே சமயத்தில் கிரிஷ் தம்பதியரைப் போல் நல்லுள்ளங்களும் இருக்கத்
தான் செய்கின்றன.
“கடிதம்” ஒரு விழிப்புணர்வு கதை.
மனைவியை மதிக்காமல் தவறு செய்கிறோம் என்பது உரைக்காமலே இருக்கும் கணவன்மார்களுக்கு
ஒரு பாடம். அதுவும் வி.ஆர்.கே. மனைவியின் குற்றச்சாட்டு கடிதத்தை பத்திரிகையில்
பிரசுரிக்கச் சொல்வது வித்தியாசம். தொடர்ந்து மனைவியின் எழுத்தாற்றலை ஊக்குவிப்பது
பிராயசித்தம். பெண் என்பவள் கணவனையும் புகுந்த வீட்டையும் விட்டுக் கொடுக்க
மாட்டாள் என்ற நம்பிக்கையில் ஆசிரியர் கதையை முடித்திருக்கிறார்.
ஆடம்பரமில்லாத
சாதாரண வார்த்தைப் பிரயோகங்கள். எளிதான அதே சமயத்தில் வழுக்கிக் கொண்டு போகும்
நடை.
ஒரே
மூச்சில் படித்து விடலாம் என்று நான் சொல்ல மாட்டேன். காரணம் ஒவ்வொரு கதையைப்
படித்த பின்பும் அதில் ஆழ்ந்த்து அசை போடவேண்டிய கட்டாயம் ஏற்படுகிறது. அவ்வளவு
தாக்கம்..
அவசியம்
படிக்க வேண்டிய புத்தகம்..
--- எஸ். எல் நாணு
----------------------------------- ------------------------------------
அவரது 'கடைசிக் கோடு' புத்தகம், ஒவ்வொருவரும்
அவசியம் படிக்க வேண்டிய ஒன்று!
பள்ளி நாட்களில் இந்தியாவின்
வரைபடத்தையும், அதில் தலைநகரங்கள், ரயில்,விமான மார்க்கங்கள் எனக் குறிப்பது பரிட்சையில் மார்க் வாங்க மட்டும்
தெரிந்து கொண்டது! அந்த வரைபடம் உருவான கதையை, ஆதாரபூர்வமாக மிக சுவாரஸ்யமாக
எழுதியிருக்கிறார் திரு ரமணன் !
அன்றைய பிரிட்டிஷ் ராணுவ அதிகாரிகள், கர்னல், கவர்னர்கள், அவர்கள்
எண்ணங்கள், திட்டங்கள், நடைமுறைகள் என 19 ஆம் நூற்றாண்டுக்கே நம்மை அழைத்துச் சென்று விடுகிறார்.
லாம்டன், எவரெஸ்ட், ஸ்காட்
வாக் ஆகியோரது விடாமுயற்சியும், உழைப்பும் பிரமிப்பூட்டுபவை! வசதிகளே இல்லாத காலத்தில், குறுக்கும்
நெடுக்குமாக இந்தியாவை சர்வே செய்து - மிமி கூட பிசகாமல் - இந்திய வரைபடத்தை -
எல்லைகள் மட்டுமின்றி, நீள,அகல உயரங்களையும் அளந்து - நமக்களித்துள்ளனர்!
அதே அளவு முயற்சியெடுத்து, இப்புத்தகத்தை
உருவாக்கியிருக்கிறார் ரமணன் என்றால் அது மிகையல்ல!
மூன்று அடி உயர தியோடோலைட் , நூறு
அடி நீளமுள்ள சங்கிலி (இரண்டரை அடி நீளமுள்ள 40 சிறிய இரும்புப் பாளங்கள் பித்தளைக்
கீல்களால் இணைக்கப் பட்டது) இவை இரண்டும் பயன் படுத்தப் பட்டத்தையும், இவற்றின்மீது
கர்னல் லாம்படனுக்கு இருந்த காதலையும், டிரிக்னோமெட்ரிக் சர்வே செய்முறையையும்
உணர்ச்சிபூர்வமாய் விவரித்துச் செல்கிறார்!
அன்றைய இந்திய சமஸ்தானங்களின் ஒற்றுமை, வலிமையையும், தென்னிந்திய
தொழிலாளிகளின் அறிவு கூர்மை, உழைப்பு, திறமையையும் பெருமையுடன் சொல்கிறார்!
எவரெஸ்ட் சிகரம்தான் உலகிலேயே உயரமானது
என்பது கண்டறியப் படுவதை, ஒரு துப்பறியும் நாவலின் சுவையுடன் சொல்கிறார்! சீடன் மேஜர் வாக், தன்
குருநாதர் எவரெஸ்டின் பெயரை அந்த உயரமான சிகரத்துக்கு சூட்டி மகிழ்வதை, "குருபக்தியின்
எவரெஸ்ட்" என வியக்கிறார்!
கர்னல் லாம்படன், டிபி
நோய் தாக்கப்பட்டு, இந்தியாவிலேயே இறக்கிறார். நாகபூரிலிருந்து 50 மைல் தொலைவில் உள்ள ஹன்ஸ்காட் என்ற
கிராமத்தில் அவரது கல்லறை கேட்பாரற்றுக் கிடக்கிறது. 20 ஆண்டுகள்
இந்திய வரைபடத்தின் சர்வேக்காகத் தொடர்ந்து உழைத்து, உயிரை விட்ட நல்ல அதிகாரிக்கு, இங்கு
அளிக்கப்படும் மரியாதை குறித்து வருத்தப் படுகிறார் - ஆத்மார்த்தமான வருத்தம்.
'குமர்ப்பூ' என்ற தமிழ்நாட்டுப் பெண்ணை லாம்படன் மணந்து கொண்டுள்ளார்.
பதேபூர் சிக்கரியில் சர்வே
செய்யும்போது, அக்பர் சமாதியின் பெரிய தூணின் உயரம் குறைக்க, மேல்பகுதியில்
கொஞ்சம் உடைத்துவிடுகிறார்கள். உள்ளூர் காஜியின் படை வீரர்கள் இவர்களைக் கைது
செய்துவிட, எவரெஸ்ட் ( லாம்படனின் முதல் உதவியாளர்) மன்னிப்புக் கேட்டுக்கொண்டு, தூணையும்
சரி செய்தபிறகே மேலே சர்வேயைத் தொடர முடிகிறது!
இடையே எழும் இயற்கைக் சீற்றங்களும், எதிர்பாரா
நிராகரிப்புகளும், ஆச்சர்யமான திருப்பங்களும், மலேரியாவும், இறப்புகளும்
ஒரு சுவாரஸ்யமான நாவல் வாசிக்கும் அனுபவத்தைத் தருகின்றன!
" ஒரு தேசம் உருவானத்தைச் சொல்வது சரித்திரம். அந்த தேசத்தின் வரைபடம்
நமக்குச் சொல்லுவது பூகோளம். இந்த கடைசிக் கோடு ஒரு இந்திய பூகோளப் படம் எழுந்த
சரித்திரத்தைச் சொல்லுகிறது!"
இன்றைய தினமலர் வாரமலர் மூத்தபத்திரிகையாளர்
சுதாங்கன் எழுதியிருப்பது
பார்த்தது,படித்தது,
ரசித்தது.
அந்த நெல்லைக் காரரின் புத்தகம் தபாலில் வந்தது!
பிறகு படிக்கலாம் என்று தான் புரட்டினேன்!
ஆனால் அந்த புத்தகம் என்னை அப்படியே உள்ளே
இழுத்தது!
151 பக்கம் புத்தகத்தை ஒரே மூச்சில் படித்து
முடித்தேன்!
புத்தகத்தின் தலைப்பு: நேருவின் ஆட்சி ! பதியம்
போட்ட 18 ஆண்டுகள்!
எழுதியவர் ரமணன்!
இவரை எனக்கு 1980 களுக்கு
முன்னாலிருந்தே தெரியும்!
நடுவில் பல ஆண்டுகள் அவருடைய வங்கி அதிகாரி வேலை
அவர் அதிகமாக எழுதுவதிலிருந்து தள்ளி வைத்திருந்தது!
இப்போது படுவேகமாக எழுத ஆரம்பித்திருக்கிறார்!
எழுதுவதற்காக படிப்பது ஒரு வகை!
படிப்பதை ஒரு ஆர்வமான காதலாக கொண்டவர்கள்
இன்னொரு வகை!
ரமணன் இரண்டாவது வகை!
அதனால்தான் இந்திய சுதந்திர ஆரம்ப நாட்களை
இத்தனை ஆழமாகவும் அழுத்தமாகவும் இவரால எழுத முடிந்திருக்கிறது!
இது ரசனையுள்ள வாசகனுக்கான புத்தகம் மட்டுமல்ல!
அரசு பணியில் சேர விரும்புகிறவர்களுக்காக ஒரு இந்திய சரித்திரத்தின் சுருக்கமான
வரலாறு!
பா.ஜ.க ஆட்சிக்கு வந்தபிறகு நேரு ஆட்சி குறித்து
பல விமர்சனங்கள் எழுந்திருக்கிறது!
திடிரென்று புதிய ஆட்சியாளர்கள் மறந்து போன
வல்லபாய் படேலை தூக்கி வைத்துக் கொண்டாடுகிறார்கள்!
அவரை மதவாதி என்கிறது காங்கிரஸில் ஒரு கூட்டம் !
ஆனால் ஆர்.எஸ்.எஸ்.. இயக்கத்தை தடை செய்ய
வேண்டுமென்று தீவிரமாக இருந்து அதை செய்தவர் அன்றைய உள்துறை அமைச்சர் படேல் என்பதை
ஆழமாக பதிய வைத்திருக்கிறது இந்த நூல்!
பாரபட்சமற்ற ஒரு பத்திரிகையாளனுக்கே உரிய ஒரு
நேர்மையான எழுத்தாளப் பார்வையை இந்த புத்தகத்தில் பார்க்கமுடிகிறது!
நேருவை போற்றவும், தூற்றவும்
செய்வதற்கு முன்னால் படிக்க வேண்டிய மிக முக்கியமான புத்தகம் இது!
இன்றைய இந்தியாவின் பெருமைகள், சிறுமைகள் இரண்டிலுமே நேரு தான் கதாநாயகர்!
ஜனநாயகம்,நேர்மை, நல்லாட்சி , தொலைநோக்குப் பார்வை இவை நேரு ஆட்சிக்
காலத்தின் அடையாளங்கள்!
மொழிப் பிரச்னை, எல்லைப்
பிரச்னை, நதிநீர் விவகாரம், வெளியுறவுக்
கொள்கை குளறுபடிகள் இதன் தொடக்கப் புள்ளியும் நேருவின் ஆட்சிக் காலமே!
காஷ்மீர் பிரச்னையை ஐ.நா. சபைக்கு கொண்டு
போனதும் நேருதான் என்கிறார்கள்!
உண்மைதான்! அதை எந்தப் பின்னனியில் கொண்டு
சென்றார்?
அதற்கு பதில் இங்கே உள்ளது!
சீனாவுடனான யுத்தத் தோல்விக்குக் காரணம்
நேருவின் தவறான கணிப்பு என்கிறார்கள்!
இதன் பின்னனி என்ன ? இங்கே
பதிவு உண்டு!
அடுத்த தலைமுறை மீது அக்கறை கொண்ட ஒரு சரியான
மனிதரின் அக்கறையான பதிவு இந்த புத்தகம்!
இது சிக்ஸ்த் சென்ஸ் பப்ளிகேஷன் வெளியிடு!
(நன்றி: நெல்லை தினமலர் வாரமலர்!)
____________________________
காற்றினிலே வரும் கீதம்.
சொற்களால் ஒரு சினிமா
சொன்னால் நம்புவதற்கு
சிரமமாகத்தானிருக்கும். ஆனாலும் சொல்கிறேன். நான் திரைப்படம் பார்த்து
வெகுநாளாயிற்று.அரங்கிற்குச் சென்று மட்டுமல்ல, வீட்டிலிருந்தே கூட. நான்
எந்த ஓடிடி தளங்களுக்கும் சந்தாதாரர் இல்லை. பிரைமில் சேர்ந்து கொள் டெலிவரி
இலவசம் என்று அமேசான் ஆசை காட்டிய போதும் அதை திடமாக நிராகரித்திருக்கிறேன்.
பார்க்கக் கூடாது என்ற வைராக்கியம் ஏதுமில்லை. என்னவோ அதற்கான உந்துதல் இல்லை, அவ்வளவுதான்.இத்தனைக்கும் ஒரு
காலத்தில் இணை சினிமா என்று சொல்லப்படுகிற உள்நாட்டு, வெளிநாட்டுத்
திரைப்படங்களைப் பார்ப்பதற்காக ஒவ்வொரு வாரமும் தஞ்சாவூரிலிருந்து திருச்சிக்கு
ஓடி வந்தவன்தான் நான். 70களின் தொடக்கத்தில் நானே கூட ஒரு குறும்படம் -16 எம்
எம்மில்- தயாரித்திருக்கிறேன்
வெகு நாள்களுக்குப் பின் இன்று ஒரு திரைப்படம் பார்த்தேன்.. வண்ணத்திரையிலோ
சின்னத் திரையிலோ அல்ல. என் மனத்திரையில். அரங்கிலோ, இணையத்திலோ அல்ல. புத்தகத்தில்!
ஆம்! புத்தகத்தில்! இதோ உங்கள் கையிலிருக்கும் புத்தகத்தில் நீங்களும்
பார்க்கலாம். கற்பனை செய்யும் திறமை என்றெல்லாம் தனியே எதுவும் வேண்டாம். வெறுமனே படித்துக் கொண்டே வாருங்கள்.
உங்கள் மனதில் காட்சிகள் தானே விரியும். அப்படி ஒரு எழுத்து நடை
அப்படி ஒரு வாழ்க்கையும் கூட.! மனைவி என்ற அந்தஸ்தைப் பெறாத தாய், அவருக்கு ஒரு சாதனைப் பெண்,
அந்தக் குழந்தைக்காகத் தன்னைத் தியாகம் செய்து கொள்ளும் அம்மா,
மகளுக்கு அந்த அன்னையின் மீது மட்டற்ற பாசம் ஆனால் அதே நேரத்தில்
கைவிடமுடியாத காதல், பெறாத குழந்தையைப் பேணி வளர்க்கும் தாய்,
எதிர்பாராத சினிமா பிரவேசம், அதில் இமாலய
வெற்றி, வெற்றியைத் தொடர்ந்து விலகல், உலகப்
புகழ், தேசத்தின் உச்ச பட்ச விருது, அநாதை
இல்லங்களுக்கு வாரி வாரிக் கொடுத்த கை சொந்த வீடு இல்லாமல் நொடிக்கும் துயரம்,
அந்த நேரத்தில் அவர் மீது பொழியப்படும் ஆண்டவன் அருள்!
இதை திரையில் பார்க்க நேர்ந்தால் பார்ப்பவர்கள் வியப்பிலும் திகைப்பிலும்
ஆழ்வார்கள். விழியோரம் நீர் துளிக்க விசும்பலோடு எழுந்து வருவார்கள்.
எம்.எஸ்.சுப்புலட்சுமியைப் பற்றி எவருக்கேனும் என்றைக்கேனும் ‘பயோபிக்’ எடுக்கும்
எண்ணம் எழுந்தால் இந்தப் புத்தகத்தைப் பயன்படுத்திக் கொள்ளுங்கள். ஏனெனில் இந்தப்
புத்தகமே வார்த்தைகளால் அமைந்த ஒரு பயோபிக்தான். A verbal biopic. தமிழுக்கு இது ஒரு
புதுவகை
நானும் கூட விழியோரத்தில் நீர் திரளத்தான் நூலை மூடி
வைத்தேன். உலகத்தையே தன் குரலால் வசப்படுத்திய இசை அரசி தன் இறுதி நாள்களில், இசைக் கச்சேரி கேட்க
நேர்ந்தால் ‘ஐயோ, அதை கொஞ்சம்
நிறுத்துங்களேன்’ எனக்
கோருவது எத்தனை பெரிய துயரம்!
என் நினைவுகளை அது கிளறியது. அபூர்வ சகோதரர்கள் படம்
வெளியானபோது கமல்ஹாசன் பற்றி இந்தியா டுடேயில் ஒரு கட்டுரை எழுதத் தீர்மானித்தோம்.
அதில் சிவாஜிகணேசனின் ஒரு மேற்கோள் இடம் பெற்றால் நன்றாக இருக்கும் எனத்
தோன்றியது. சிவாஜி அப்போது இதயத்தில் பிரசினை ஏற்பட்டு உடல் நலம் தேறிக்
கொண்டிருந்தார். அப்பாயின்மெண்ட் வாங்கிக் கொண்டு அவரை சந்திக்க ‘அன்னை இல்லம்’ போனபோது ராம்குமார்
என்னை வரவேற்றார். “அப்பாவை டாக்டர்கள் அதிகம் பேச வேண்டாம் எனச்
சொல்லியிருக்கிறார்கள். நீங்கள் ஐந்து நிமிடத்தில் வேலையை முடித்துக் கொண்டு வந்து
விடுங்கள்” என்றார். “எனக்குத் தேவையானது ஒரு ஐந்து வரி மேற்கொள். அதனால் அதிக
நேரம் வேண்டியிருக்காது’ எனச்
சொன்னேன்.
நான் சிவாஜியின் அறைக்குள் நுழைந்த போது அவர் வீடியோ
பார்த்துக் கொண்டிருந்தார். ஏதோ கெளபாய் படம். குதிரைகள் மணலை வாரி இறைத்துக் கொண்டு
பறந்து கொண்டிருந்தன. டுப் டப் என்று இரண்டு நிமிஷத்திற்கொரு முறை ஒருவரையொருவர்
சுட்டுக் கொண்டிருந்தார்கள். “என்ன இதைப் பார்த்துக் கொண்டிருக்கீங்க?” என்று நான் கேட்டேன்.
இதழியலில் அது ஒரு உத்தி. ஐஸ்பிரேக்கிங் என்று சொல்வார்கள். பேட்டி அளிப்பவரை
அவருக்கு செளகரியமான இடத்திலிருந்து பேசத் தொடங்க வைக்கப் பயன்படும் உத்தி.
“அதையேன் கேக்கறீங்க” என்றார் அந்த அறையில் அமர்ந்திருந்த அவரைக் கவனித்துக் கொள்ள
அமர்த்தப்பட்டிருந்த செவிலியர்.” நானும் சொல்லிட்டிருக்கேன். தில்லானா மோகனாம்பள்
போடுங்க, கட்ட
பொம்மன் போடுங்க, கப்பலோட்டிய
தமிழன் போடுங்கனு. அவர் கேக்கமாட்டேங்கிறாரு!” என்றார்.அடுத்த கணம் சிவாஜி
பட்டென்று சொன்னார்: “ஐயோ அதையெல்லாம் பார்த்தால் நான் செத்துருவேன்!”
சிகரங்களைத் தொட்டவர்களுக்கு தங்கள் உடல்
நலிவுற்றிருக்கும் போது அதைத் திரும்பிப்பார்த்தால் இப்படியொரு எண்ணம் எழும்
போலும்!
ஆனால் நான் என் மரணத்தறுவாயில் ஏதேனும் கேட்க
விரும்பினால் அது எம்.எஸ்சின் விஷ்ணு சகஸ்ரநாமமாகத்தானிருக்கும். எனக்கு
சமஸ்கிருதம் தெரியாது. அந்தத் தோத்திரத்தின் அர்த்தம் தெரியாது. ஆனால் அந்தக்
குரலில் இருக்கும் கம்பீரம்,குழைவு, இனிமை! அதற்கு இணையேதும்
இல்லை.
இன்னும் அது யுகங்களுக்கு நீடிக்கும். அவர் குரல்
நீடிக்கும் வரை அவர் நினைவு நீடிக்கும். அவர் நினைவு இருக்கும் வரை இந்தப்
புத்தகம் நின்று நிலைக்கும்
ஏனெனில் அவர் குரலில் நாம் சந்திக்கிற அதே கம்பீரத்தை
இதன் நடையில் காணலாம். சாதனைகளுக்குப் பிறகும் செருக்கில்லாத அவரது எளிமையை இதன் விவரிப்பில் காணலாம். இதில்
அவரைப் பற்றிய புகழ்ச்சி ஏதும் இல்லை.ஆனால் அவர் மீதான வாஞ்சை இருக்கிறது. மிகையாக
ஏதும் சொல்லப்படவில்லை.ஆதாரங்களோடு அவர் வாழ்க்கை பேசப்படுகிறது.
ஒருவகையில் இது சதாசிவத்தின் வரலாறும் கூட. எளிய மனிதர்கள்
எம்.எஸ்ஐ அறிந்த அளவு அந்த மனிதரை அறிய மாட்டார்கள். இதழியலில் புழங்கிய ஒரு
தலைமுறையினருக்கு அவர் ஒரு லெஜண்ட், எம். எஸ் க்கு வேராக இருந்ததும். வேருக்கு நீராக இருந்ததும் அவர்தான். எம்.எஸ்
என்ற பறவை இமயத்தின் முகடுகளுக்கும் மேலே எழுந்து பறந்ததென்றால் அதன் சிறகாக
இருந்ததும் அவர்தான்
இந்த நூலைப் படிக்கும் முன் எம் எஸ் என்பவர் என்
மரியாதைக்குரியவராக இருந்தார். அதற்குக் காரணம் அவர் கல்கி என்ற இதழ் தொடங்க நிதி
அளித்தார் என்பது. என்னைப் பொறுத்தவரை கல்கி இதழ் தமிழ் இதழியலில் ஒரு சாதனைக்
கல்.தமிழ்ப் புனைவுலகிற்கு அது அளித்த கொடைகள் ஏராளம். தேசியச் சிந்தனையை விதைத்து
வளர்த்த முன்னோடி.
ஆனால் இந்த நூல் எம்.எஸ்சின் வேறு பல பரிமாணங்களை
எனக்கு அறிமுகப்படுத்தியது.அவரது தன்னம்பிக்கை, அவரது முற்போக்கான
பார்வை, கடைசிவரை
இருந்த கற்கும் ஆர்வம். கடின உழைப்பு இப்படி அவரது ஆளுமையின் பல பக்கங்களை இதன்
மூலம் அறிந்து கொண்டேன். நூலாசிரியர் ரமணனுக்கு நன்றி
அவர் இன்னும் பல சொற்களால் அமைந்த வாழ்க்கைச் சித்திரங்கள் (verbal biopics) அளித்து தமிழின் அந்தத்
துறையை வளப்படுத்த வேண்டும் எனக் கேட்டுக் கொள்கிறேன்
மாலன்
__________________________________________-----------------
· வாய்ப்பு
ஒன்ஸ் மோர்
Last Updated on : 02nd October 2016 12:00
AM | அ+அ அ- |
அடையாற்றின் கரையில் உள்ள கோட்டூர்புரம் ஓர் அமைதியான பகுதி. நுங்கம்பாக்கத்திலிருந்து மாறி இந்த அதிகம் சந்தடியில்லாத இடத்திலிருந்த "சுபம்சிவம்' இல்லத்தில்தான் சதாசிவமும் எம்.எஸ்ஸும் வசித்து வந்தனர். சிறிய அந்த அழகான வீடு எப்போதும் இசையால் நிரம்பியிருக்கும். நுழையும்போதே தம்பூரா ஒலி பூஜை அறையிலிருந்து பரவிக் கொண்டிருக்கும்.
கல்கி தோட்டம்போல பரபரப்பாக இல்லாவிட்டாலும், தினசரி சந்திக்க வருபவர்களுக்குக் குறைவில்லை. வருபவர்களை அவருக்கே உரிய இயல்பான இன்முகத்தோடு வரவேற்று உபசரிப்பார் எம்.எஸ். வருபவர்களை இளையவர்களானால் வாஞ்சையோடு, "பாட்டு கற்றுக் கொள்கிறீயா?'' எனக் கேட்டு பாடச் சொல்லிக் கேட்பார்.
ராதாவின் துணையில்லாததால் மனம் சோர்ந்திருந்தவருக்கு உடல் நலமும் குன்ற ஆரம்பித்தது. சர்க்கரை நோய், மூட்டு வலி போன்ற உபாதைகளினால் அவதிப்பட்டுக் கொண்டிருந்தார். கச்சேரிகள் செய்வதற்கான அழைப்புகளை ஏற்காதிருந்தார். இந்தக் கட்டத்தில்தான் எதிர்பாராமல் நிகழ்ந்தது சதாசிவத்தின் மரணம். இது அவரை மிகவும் தாக்கியது. வாழ்க்கையே இருண்டு போனதுபோல் உணர்ந்தார். எப்போதும் அவரின் நினைப்பில் தனிமையில் இருந்தார். பூஜை அறையில் மட்டும் பாடிக் கொண்டிருந்தார். மகள் ராதா, பேத்தி கௌரி, விஜயா வந்தால் அவர்களுடன் சேர்ந்து ஏதாவது பாடுவார்.
கனத்த மனத்துடன் வாழ்க்கையில் பற்று குறைந்துகொண்டு வந்த நிலையில்தான் "பாரத ரத்னா' அறிவிக்கப்பட்டது. ஆத்மா போன்றவர்களின் வற்புறுத்தலால் தில்லி சென்றாரே தவிர, முழு மனமகிழ்வுடன் அதை அவர் பெற்றுக் கொள்ளவில்லை. இதைத் தொடர்ந்து தில்லி அரசு அறிவித்த வாழ்நாள் சாதனை விருதைப் போய் வாங்கவில்லை. அவரது அன்புப் பேத்தி சீதா ரவி (கல்கி இதழின் ஆசிரியர்) தான் அவர் சார்பில் பெற்றார். அதில் கிடைத்த பரிசுத் தொகை 11 லட்சத்தையும் உருவாகிக் கொண்டிருந்த காஞ்சி முனிவரின் நினைவு மண்டபப் பணிக்குத் தரச் சொல்லிவிட்டார்.
நாட்கள் செல்லச் செல்ல உடல்நிலை மோசமாகிக் கொண்டே இருந்தது. பல நாட்கள் அமைதியாகி, பூஜை அறையில் பாடிக் கொண்டிருந்ததையும் நிறுத்தியிருந்தார். ஒருநாள் ராதாவின் வீட்டுக்குப்போன இடத்தில் விழுந்து இடுப்பில் அடிபட்டது. எலும்பு முறிவு இல்லையென்றாலும் அதற்கான சிகிச்சை பல மாதங்கள் தொடர்ந்தது. அது முழுவதும் சரியானபோது மறுபடியும் அதேபோன்று விழுந்ததில் எலும்பு முறிவு ஏற்பட்டுவிட்டது. அதனால் அறுவை சிகிச்சை, அதைத் தொடர்ந்து நீண்ட நாள் சிகிச்சை என்று துன்பங்கள் தொடர்கதையாயின. சிகிச்சைகள் மெல்ல பலன் அளித்துக் கொண்டிருந்தாலும், மனம் அமைதியாக இல்லாமல் தவித்தார். அந்தக் கட்டத்தில் அவரைத் தாக்கியது மறதி நோய். இரண்டாயிரம் பாடல்களையும் ராகங்களையும் நினைவிலிருந்து எதையும் பார்க்காமல் பாடும் பாடகிக்கு மறதி நோய் வந்திருந்ததை ஆத்மா மிகுந்த வருத்தத்துடன் சொல்லக் கேட்டபோது மனம் உடைந்து போனது நிஜம்.
அதைவிடச் சோகம் வானொலி, தொலைக்காட்சியில் ஏதாவது கர்நாடக இசையைக் கேட்டால், "அதை நிறுத்து'' என ஆத்மாவிடம் சொல்லியிருந்ததுதான்.
உடல் நிலை மோசமானதால் 2004, டிசம்பர் 2-ஆம் தேதி இஸபெல்லா மருத்துவமனையில் சேர்க்கப்படுகிறார் எம்.எஸ். பத்து நாள் போராட்டத்தில் மருத்துவர்கள் தோற்றார்கள். விதி வென்றது. மல்லிகை தேசத்தில் பிறந்து மலர்ந்த அந்த தாமரை கடைசி விநாடியில் ஆத்மாவின் கையைப் பிடித்துக்கொண்டே வாடி விழுந்தது.
புனேவிலிருக்கும் திலிப் ராய் என்ற ஆன்மிக குருவின் ஆசிரமத்தில் எம்.எஸ். தங்கிப் பாடியபோது ஒரு நிகழ்ச்சியில் அவர் எம்.எஸ்ஸுக்காக எழுதிப் பாடிய கவிதை இது.
"இடையறாது பாடிக் கொண்டே
எங்களை அழகிலிருந்து
ஆனந்தத்திற்கு இட்டுச் செல்
ராதா கிருஷ்ண ஜோதியின்
நிரந்தர தீபமாய்
சுடர்விட்டுக் கொண்டே இரு''
எவ்வளவு அருமையான வார்த்தைகள். ஆசிரியர் கல்கி, வீணை பவானி என்ற கதையில், "பவானியை மற்ற மனிதர்களைப் படைத்ததைப்போல பிரம்மா படைக்கவில்லை. மோகனத்தையும் செஞ்சுருட்டியையும் சேர்த்துப் படைத்திருக்கிறார். பவானி செத்துப் போகும்போது அவளுடைய உடம்பு அப்படியே கரைந்து உருகி ராகங்களாகக் காற்றில் போகும்'
என்று வர்ணித்திருப்பார். அமரர் கல்கியின் இந்த வரிகள் எம்.எஸ்ஸுக்கானது என்றால் தவறில்லை.
பல்வேறு ராகங்களாகக் காற்றில் கரைந்து போன எம்.எஸ்., நமக்காகத் தினமும் காற்றிலே வரும் கீதமாக ஒலித்துக் கொண்டுதானேயிருக்கிறார்?
"காற்றினிலேவரும்கீதம்: இசையரசியின் வாழ்க்கைப் பயணம்' என்ற நூலில் ரமணன்.
தொகுப்பு: கேசி
------------------------_--------------- - - ----------- ------
கருணை
'/%3E%3Cpath d='M16.0001 7.9996c0 4.418-3.5815 7.9996-7.9995 7.9996S.001 12.4176.001 7.9996 3.5825 0 8.0006 0C12.4186 0 16 3.5815 16 7.9996Z' fill='url(%23paint1_radial_15251_63610)'/%3E%3Cpath d='M16.0001 7.9996c0 4.418-3.5815 7.9996-7.9995 7.9996S.001 12.4176.001 7.9996 3.5825 0 8.0006 0C12.4186 0 16 3.5815 16 7.9996Z' fill='url(%23paint2_radial_15251_63610)' fill-opacity='.5'/%3E%3Cpath d='M7.3014 3.8662a.6974.6974 0 0 1 .6974-.6977c.6742 0 1.2207.5465 1.2207 1.2206v1.7464a.101.101 0 0 0 .101.101h1.7953c.992 0 1.7232.9273 1.4917 1.892l-.4572 1.9047a2.301 2.301 0 0 1-2.2374 1.764H6.9185a.5752.5752 0 0 1-.5752-.5752V7.7384c0-.4168.097-.8278.2834-1.2005l.2856-.5712a3.6878 3.6878 0 0 0 .3893-1.6509l-.0002-.4496ZM4.367 7a.767.767 0 0 0-.7669.767v3.2598a.767.767 0 0 0 .767.767h.767a.3835.3835 0 0 0 .3835-.3835V7.3835A.3835.3835 0 0 0 5.134 7h-.767Z' fill='%23fff'/%3E%3Cdefs%3E%3CradialGradient id='paint1_radial_15251_63610' cx='0' cy='0' r='1' gradientUnits='userSpaceOnUse' gradientTransform='rotate(90 .0005 8) scale(7.99958)'%3E%3Cstop offset='.5618' stop-color='%230866FF' stop-opacity='0'/%3E%3Cstop offset='1' stop-color='%230866FF' stop-opacity='.1'/%3E%3C/radialGradient%3E%3CradialGradient id='paint2_radial_15251_63610' cx='0' cy='0' r='1' gradientUnits='userSpaceOnUse' gradientTransform='rotate(45 -4.5257 10.9237) scale(10.1818)'%3E%3Cstop offset='.3143' stop-color='%2302ADFC'/%3E%3Cstop offset='1' stop-color='%2302ADFC' stop-opacity='0'/%3E%3C/radialGradient%3E%3ClinearGradient id='paint0_linear_15251_63610' x1='2.3989' y1='2.3999' x2='13.5983' y2='13.5993' gradientUnits='userSpaceOnUse'%3E%3Cstop stop-color='%2302ADFC'/%3E%3Cstop offset='.5' stop-color='%230866FF'/%3E%3Cstop offset='1' stop-color='%232B7EFF'/%3E%3C/linearGradient%3E%3C/defs%3E%3C/svg%3E){kind=small}
'%3E%3Cpath d='M15.9963 8c0 4.4179-3.5811 7.9993-7.9986 7.9993-4.4176 0-7.9987-3.5814-7.9987-7.9992 0-4.4179 3.5811-7.9992 7.9987-7.9992 4.4175 0 7.9986 3.5813 7.9986 7.9992Z' fill='url(%23paint0_linear_15251_63610)'/%3E%3Cpath d='M15.9973 7.9992c0 4.4178-3.5811 7.9992-7.9987 7.9992C3.5811 15.9984 0 12.417 0 7.9992S3.5811 0 7.9986 0c4.4176 0 7.9987 3.5814 7.9987 7.9992Z' fill='url(%23paint1_radial_15251_63610)'/%3E%3Cpath d='M7.9996 5.9081c-.3528-.8845-1.1936-1.507-2.1748-1.507-1.4323 0-2.4254 1.328-2.4254 2.6797 0 2.2718 2.3938 4.0094 4.0816 5.1589.3168.2157.7205.2157 1.0373 0 1.6878-1.1495 4.0815-2.8871 4.0815-5.159 0-1.3517-.993-2.6796-2.4254-2.6796-.9811 0-1.822.6225-2.1748 1.507Z' fill='%23fff'/%3E%3C/g%3E%3Cdefs%3E%3CradialGradient id='paint1_radial_15251_63610' cx='0' cy='0' r='1' gradientUnits='userSpaceOnUse' gradientTransform='matrix(0 7.9992 -7.99863 0 7.9986 7.9992)'%3E%3Cstop offset='.5637' stop-color='%23E11731' stop-opacity='0'/%3E%3Cstop offset='1' stop-color='%23E11731' stop-opacity='.1'/%3E%3C/radialGradient%3E%3ClinearGradient id='paint0_linear_15251_63610' x1='2.3986' y1='2.4007' x2='13.5975' y2='13.5993' gradientUnits='userSpaceOnUse'%3E%3Cstop stop-color='%23FF74AE'/%3E%3Cstop offset='.5001' stop-color='%23FA2E3E'/%3E%3Cstop offset='1' stop-color='%23FF5758'/%3E%3C/linearGradient%3E%3CclipPath id='clip0_15251_63610'%3E%3Cpath fill='%23fff' d='M-.001.0009h15.9992v15.9984H-.001z'/%3E%3C/clipPath%3E%3C/defs%3E%3C/svg%3E){kind=small}
கடைசிக் கோடு
முகநூலில் கருணாகரனின் பதிவு 20/07/2 மீள்
கருத்துகள் இல்லை :
கருத்துரையிடுக
உங்கள் கருத்துக்கள்