முகநூல் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
முகநூல் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
23/5/17
இன்றைய உலகம் சந்திக்கும் இணையப் போர்
அண்மையில் ஒரே நாளில் 150 நாடுகளில்பல்கலைகழகங்கள்,மருத்துவ மனைகள் தொழிற்சாலைகளின் 200000 கணினிகள் ஒரு ரான்ஸ்ம்வேர் வைரஸால் தாக்கப்பட்டு உலகமே அதிர்ச்சியில் உறைந்தது. பல கணணிகள் செயல் இழந்தன. சில பூட்டப்பட்டன, சிலவற்றில் இருந்தது அத்தனையும் அழிக்கப்பட்டிருந்தன அமெரிக்காவின் மிகப்பெரிய நிறுவனமான ஃபெட் எகஸ்பிரஸ், ஸ்பெயினின் மொபையல் நிறுவனங்கள், இங்கிலாந்தின் மருத்துவமனை நெட் ஒர்க் ஜெர்மனியின் ரெயில்வே நெட் ஒர்க், பிரான்ஸின் ரென்னால்ட் கார் நிறுவனம் ரஷ்ய உள்துறை அமைச்சகம் ஜப்பானில் பல தனியார் கணணிகள் சினாவில் 40,000 நிறுவனங்கள் எல்லாம் ஒரே நேரத்தில் இந்த ரான்சம் வேரால் தாக்கப்பட்டிருக்கிறது. கணனி பிறந்த போதே இம்மாதிரி ஆபத்துகளும் பிறந்துவிட்டன, ஆனால் . உலக வரலாற்றில் மிகப்பெரிய ரான்சம்வேர் தாக்குதல் என்று “எஃப் செக்யூர்” என்ற உலகின் முன்னணி கணணி பாதுகாப்பு நிறுவனம் இதைக் குறிப்பிடுகின்றது.
மால்வேர், ஸ்பைவேர் கேள்விப்பட்டிருக்கிறோம். அதென்ன ரான்சம்வேர்? கணினிகளில் நுழைந்த சில விநாடிகளிலே ஒட்டுமொத்த கணினியையும் தனது கட்டுப்பாட்டில் கொண்டு வந்து விடுகின்ற இந்த மால்வேரின் பெயர் ரான்சம்வேர்
. நிஜ உலகில் கடத்தல்காரர்கள் யாரையாவது பிடித்து வைத்துக்கொண்டு பணம் தந்தால்தான் விடுவிக்க முடியும் என மிரட்டுவது போல, இணைய உலகில் ஹேக்கர்கள் என்பவர்கள், பயனாளிகளின் கணினி உள்ளிட்ட சாதனங்கள் அல்லது அவற்றில் உள்ள முக்கியமான கோப்புகளைத் தங்கள் கட்டுப்பாட்டில் எடுத்துக்கொண்டு, அதை விடுவிக்கப் பணம் தர வேண்டும் என மிரட்ட இதைப் பயன்படுத்துவதால் இந்தப்பெயர். .
நிஜ உலகக் கடத்தலுக்கும், இந்த வகைக் கடத்தலுக்கும் என்ன வேறுபாடு என்றால் இதில் விஷமிகள் எதையும் கடத்திச்செல்வதில்லை. மாறாகப் பயனாளிகளின் கணினிக்குள் அத்துமீறி நுழைந்து அதைப் பயன்படுத்த முடியாமல் செய்து விடுகின்றனர்.
இது புதிய மோசடி அல்ல. ஆனால் சமீப காலத்தில் இதன் தீவிரம் அதிகமாகிப் பாதிக்கப்படுபவர்களின் எண்ணிக்கையும் அதிகமாகியிருக்கிறது ரான்சம்வேரில் பல வகைகள் இருக்கின்றன. கணினிக்குள் நுழைந்து அதைப் பயன்படுத்த முடியாமல் பூட்டுப்போட்டு விட்டுப் பணம் கேட்டு மிரட்டுவது ஒரு ரகம். இன்னொரு ரகம், முக்கியமான கோப்புகளை ‘என்கிரிப்ட்' செய்து விட்டு அதை விடுவிக்கப் பணம் கேட்டு மிரட்டுவது. கணினி என்றில்லை, ஸ்மார்ட்போன் உள்ளிட்ட சாதனங்களையும் இப்படிக் கட்டுப்பாட்டில் எடுத்துக்கொண்டு ஹேக்கர்ஸ் மிரட்டிப் பணம் பறிக்கும் முயற்சியில் ஈடுபடுகின்றனர். பெரிய வர்த்தக நிறுவனங்களே இவ்வாறு குறி வைக்கப்படுகின்றன. என்றாலும் தனிமனிதர்களும் தப்பவில்லை. இந்த ரான்சம்வேர் தாக்கிய கணினியில் , ‘பிட்காயின்’ என்கிற டிஜிட்டல் கரன்சி வடிவத்தில் குறிப்பிட்ட $300 (ரூ.19200) அக்கவுன்ட்டில் பணம் செலுத்தினால் மட்டுமே மேற்கொண்டு இயக்கமுடியும். இல்லையெனில், தகவல்கள் அழிக்கப்படும் என மிரட்டும் வகையிலான அறிவிப்பு 28 மொழிகளில் வருகிறது. ஏன் இந்த பிட்காயின் என்றால் இதில் அனுப்புபவர்களை எளிதில் அடையாளம் காணமுடியாது. வேறு வழியில்லாமல் இதை ஏற்றுகொண்டுவர்கள் பலர். இப்போது இது அசுர வடிவம் எடுத்திருக்கிறது
இந்த ஆண்டின் முதல் மூன்று மாதங்களில் இந்த வகைத் தாக்குதல்கள் மூன்று மடங்கு அதிகரித்திருப்பதாக ஒரு அறிக்கை தெரிவிக்கிறது.
இதுமாதிரி ஏதோ ஒன்று வரப்போகிறது என்று சில வாரங்களுக்குமுன் செய்தி கசிந்தது.. ஆனால் இந்த விஸ்வரூபத்தை எவரும் எதிர்பார்க்கவில்லை. பல நாடுகளுடன் ஒப்பிடும்போது இந்தியா அதிகம் பாதிக்கப் படவில்லை(இந்தக் கட்டுரை எழுதும் வரை) சில பெரிய மென்பொருள் நிறுவனங்கள் பாதிக்கப்பட்டிருக்கின்றன ஆனால் அது அவர்கள் தொழில் ரகசியங்களையும் வியாபாரத்தையும் பாதிக்கும் என்பதால் அறிவிக்கவில்லை என்றும் சொல்லுகிறார்கள். வங்கிகளுக்கு பாதிப்பில்லை என்று இந்தியாவின் மிகப்பெரிய வங்கியான ஸ்டேட் பாங்க் அறிவித்திருக்கிறார்கள்.
யார் இதைச் செய்திருக்கிறார்கள்?
“ ரஷ்ய அரசின் உள்துறை” என்கிறது அமெரிக்கா. “எதுவானாலும் எங்களைக் குற்றம் சொல்லுவதே இவர்களுக்கு வேலயையாய் போச்சு செய்திருப்பது அவர்களுடைய உளவுத்துறைதான்” என்று அறிவித்திருக்கிறார் ரஷ்ய அதிபர் புட்டின்.
அமெரிக்காவின் தேசிய பாதுகாப்பு முகமை (என்.எஸ்.ஏ.) விண்டோஸ் கணனிகளுக்குள் நுழைய, உருவாக்கிய,இணையவழி தாக்குதல் ‘டூல்’களை (கருவிகளை) கொண்டு இது நடந்திருக்கிறது. பாதுகாப்புத்துறை. அசட்டையாக இருந்ததால், அது திருடப்பட்டு எதிரிகளின் கைகளுக்கு போய், இப்படியான தாக்குதல் சாத்தியமாகியுள்ளது என தனது டிவிட்டரில் குறிப்பிட்டுள்ளார் எட்வர்ட் ஸ்னோடன் இவர் அமெரிக்காவின் சூப்பர் கில்லாடி ஹேக்கர்.
பெரிய நிறுவனங்களும், மருத்துமனை, அரசு அலுவலகங்கள் தாக்கப்பட்டிருப்பதால் இது வெறும் பணம் பிடுங்கும் சமாசாரம் இல்லை. “எங்களால் உங்கள் கணினிகளை உடைக்க முடியும் என்று காட்டும் செயல். அது தீவிரவாதிகளா? அல்லது அடுத்தவர் துன்பத்தைக் கண்டு சந்தோஷிக்கும் கொடூரமான ஒரு குழு வா?” என்பதைக் கண்டுபிடிக்க வேண்டும் என்று நியூயார்க் டைம்ஸ் எழுதியிருக்கிறது.
பாதிக்கப்பட்டவர்களுக்கு பாதுகாப்பே இல்லையா ?
ஹேக்கர்களுக்கு இணையாக அதைச் சமாளிக்கும் வித்தைகளைத் தெரிந்தவர்களும் நிறைந்தது இணைய உலகம். தாக்குதல் நிகழ்ந்த சில மணி நேரங்களிலேயே ஐரோப்பிய காவல்துறையான “யூரோபோல்” ஒரு அறிவிப்பை வெளியிட்டது. “ நோ-மோர் ரான்சம்” என்ற தளத்தை உருவாக்கி உடனடியாக தொடர்புகொள்ளுங்கள் பூட்டப்பட்ட உங்கள் கம்யூட்டரை திறக்கும் சாவியை நாங்கள் தருகிறோம். என்று அறிவித்திருக்கிறது. நெதர்லாந்து காவல்துறை மற்றும் இன்டெல் செக்யூரிட்டி மற்றும் காஸ்பெர்ஸ்கி லேப் ஆகியவையும் இதில் இணைந்துள்ளன.தாக்குதலுக்கு இலக்கானவர்களுக்குத் தேவையான உதவியை இந்தத் தளம் அளிக்கிறது. ரான்சம்வேர் தாக்குதல் தொடர்பான தகவல்கள் இந்தத் தளத்தில் தொடர்ந்து ‘அப்டேட்' செய்யப்பட்டு வருகிறது
எது எப்படியோ? உலகின் எந்த கணணிக்குள் நுழையும் ஒரு சக்தி பிறந்திருக்கிறது என்பதும் அது சிலரின் இன்று விரல் நுனியில் இருக்கிறது என்பது வெளிச்சத்துக்கு வந்திருக்கிறது. அது தேவதைகளின் விரலா, அல்லது அசுரர்களுடையதா என்பது நாம் கணணியைத் திறக்கும் நேரத்தில் நமது அதிர்ஷ்டத்தைப் பொருத்த விஷயம்
இம்மாதிரி தாக்குதலிலிருந்து காத்துக்கொள்ள நாம் என்ன செய்ய வேண்டும்?
1. கணினியின் இயங்கு தளமான (ஆபரேடிங் சிஸ்டம்) விண்டோஸ் பழைய வெர்சனாக இருந்தால் அதை தற்போது உள்ள புதிய வெர்சனுக்கு (விண்டோஸ் 10) ஏற்றது போல அப்டேட் செய்து கொள்ள வேண்டும்.
2. ஒருவேளை நீங்கள் பழைய ஆபரேடிங் சிஸ்டமை (விண்டோஸ் XP, 7, விஸ்டா) பயன்படுத்தி வந்தால், தற்போது மைக்ரோசாப்ட் நிறுவனம் அதற்கான அவசர பாதுகாப்பு இணைப்பை உருவாக்கியுள்ளது. அதை டவுன்லோடு செய்து இன்ஸ்டால் செய்து கொள்ளுங்கள்.
3. கணினியில் இன்ஸ்டால் செய்யப்பட்டுள்ள ஆண்டி வைரஸ் உள்ளிட்ட முக்கிய சாப்ட்வேர்களை தற்போது வரை சரியான அப்டேட்களை செய்து கொள்ள வேண்டும்.
4. கணினியில் இணைய வசதிகளை கொண்டிருக்கும் பட்சத்தில் முக்கியமாக பயர்வால் (firewall) வசதியை கண்டிப்பாக ஆக்டிவ் செய்ய வேண்டும். ஆக்டிவாக இருந்தாலும் இணைய வழி ஊடுருவலை தடுக்கும் வகையில் பயர்வால் அமைப்புகளை (setting) மாற்றி வைத்துக் கொள்ளுங்கள்.
5. சர்வரில் இருந்து தகவல்களை அனுப்பும் அமைப்பை தற்காலிகமாக செயலிழக்கச் செய்யுமாறு மைக்ரோசாப்ட் நிறுவனம் அறிவுறுத்தியுள்ளது.
6. கணினியில் உள்ள தேவையான தகவல்களை பேக்அப் (Backup) செய்து கொள்ள வேண்டும். இதன் மூலம் தகவல்களின் இழப்பைத் தடுக்கலாம்.
7. முன் அறிமுகம் இல்லாத நபர்களிடமிருந்து வரும் இ-மெயில் தகவல்களை திறந்து வாசிக்க முயற்சிக்க வேண்டாம். விளம்பரம் உள்ளிட்ட தேவையற்ற இ-மெயில்களிடமிருந்து விலகியிருப்பது நல்லது.
8 ஈ மெயில்களில் எதேனும் இணையதளத்தின் லிங்க் கொடுக்கபடிருந்தால் அதை மெயிலில் இருந்து கிளிக் செய்து திறக்க வேண்டாம். அவசியமானால் அந்தத் தளத்தை நேரடியாகத் திறக்கலாம். ஆபத்தானதால் உங்கள் கணனி எச்சரிக்கும்
தினசரி கணினியை ஆப் செய்தபின்
1. கணினியின் சர்வர் மற்றும் நெட்வொர்க் ஸ்விட்சுகளின் இணைப்பைத் துண்டிக்க வேண்டும்.
2. வை-பை இணைப்பு, லேன் (LAN) இணைப்பு, ரூட்டர்கள் ஆகியவற்றைத் துண்டித்து ஆப் செய்து வைக்க வேண்டும்.
3. ஸ்மார்ட் டி.வி, டேப்லட், மொபைல் போன்கள் ஆகியவற்றையும் ஆப் செய்து வைக்க வேண்டும்.
4. கணினி, மொபைல் ஆகியவற்றில் ப்ளூ டூத், ஹாட்ஸ்பாட் ஆகியவற்றை ஆன் செய்ய வேண்டாம்.
எல்லா வற்றிற்கும் மேலாக இந்த வைரஸ் தாக்குதலில் இருந்து தப்பிக்க சிறிது நாட்களுக்கு இணைய இணைப்பை பயன்படுத்தாமல் இருக்கலாம்.
V,Ramanan
13-03-2017
4/5/17
600 புன்னகை மன்னர்கள்
கவர்ச்சியில்லாத உடலமைப்பு, பொருந்தாத உடைகள், நைந்து போனகாலணிகள், பழைய தொப்பி, வளைந்த ஒரு பிரம்புக்கைத்தடி கோணல் நடையுடனான நடிகர் என்று சொல்லி முடிக்கும்முன்னரே நம் மனதில் நிற்கும் உருவம் சார்லி சாப்ளின். திரைப்படங்கள் பேச ஆரம்பிக்கும் முன்னரே அதில் நடித்த இவரது நடிப்புப் பேசப்பட்டது. நான்கு தலைமுறைகளுக்கு அறிமுகமாகியிருக்கும் இந்தக் கலைஞரின் 128 வது பிறந்த நாள் அண்மையில் மிகப் புதுமையான முறையில் ஜெனிவாவில் கொண்டாடப்பட்டது.
அந்த விழாவிற்கு வந்த 662 பேர்களும், பெண்கள், குழந்தைகள் உள்பட அனைவரும் சார்லி சாப்பிளினின் டிரேட் மார்க் உடையான ஹிட்லர் மீசை,கருப்பு கோட்டு, தொப்பி, பிரம்பு உடன் வந்திருந்தார்கள். இந்த 128 வது பிறந்த நாள் மட்டும் அப்படி என்ன விசேஷம் என்கிறீர்களா? இருக்கிறது
.
சுவிட்ஸ்ர்லாந்தில் ஜெனிவா நகருக்கு அருகிலிருக்கும் ஒரு அழகான ஏரிக்கரையிலிருக்கும் வீட்டில் தான் சார்லி சாப்ளின் வாழ்க்கையின் கடைசி 25 ஆண்டுகள் வாழ்ந்தார். ஏழ்மைநிலையிலிருந்து மிகுந்த கஷ்டங்களுக்கிடையே கலைஞனாக, படத்தயாரிப்பாளாரக, இசை அமைப்பாளராக வளர்ந்து உலகையே திரும்பிபார்க்கவைத்த சார்லி சாப்ளினுக்கு அமெரிக்கா சென்று அங்கு வாழ ஆசை. ஆனால் 1950 களில் ரஷ்யாவிற்கும் அமெரிக்காவிற்கும் இடையில் நிகழ்ந்து கொண்டிருந்த பனிப்போரினால், கம்னியூஸ்ட்களாக இருப்பார்கள் எனச் சந்தேகப்படுபவர்களுக்கு விசாக்கள் மறுக்கப்பட்டது. சார்லி இடதுசாரி சிந்தனை கொண்டவர் எனக் கருதப்பட்டதால் அவருக்கும் விசா மறுக்கப்பட்டது. அதனால் அமெரிக்காவிற்கு எக்காலத்திலும் வரமாட்டேன் எனச் சபதம் செய்த சாப்பிளின் ஐரோப்பாவில் சுவிஸ்ஸர்லாந்தில் 14 ஏக்கர் பரப்பில் அழகான தோட்டத்துடன் கூடிய ஒரு அரண்மனை வாங்கி வசித்துவந்தார்.
அந்த இடம் அவருடைய மறைவுக்குப் பின் இப்போது சாரலியின் கருவூலமாக்கப் பட்டிருக்கிறது . ஒற்றுமையில்லாத சார்லியின் வாரிசுகளுமிடருந்து (அவருக்கு 11 குழந்தைகள்) நீண்ட நாள் போராட்டத்திற்கு பின் பெறப்பட்ட அந்த அரண்மனையை பெரும் செலவில் புதுப்பித்து சார்லி சாப்ளின் சம்பந்தப்பட்ட அனைத்து விஷயங்களையும் சேகரித்து ஒரு கருவூலமாக உருவாக்கியிருக்கிறார்கள் சார்லியின் ரசிகர்கள் கொண்ட ஒரு குழு.
அவர் நடித்த முதல் படத்திலிருந்து கடைசிப்படம் வரை உள்ள ஸ்டில்கள், சில செட்டுகள், அவரது அறை படித்த புத்தகங்கள், சந்திப்புகளின் படங்கள் விருதுகள், அவரைக் கவர்ந்தவர்களின் தத்ரூப மெழுகுச்சிலை எனப் பலவிஷயங்களால் நிரம்பியிருக்கிறது அந்த இல்லம். அவரைக் கவர்ந்தவர்களின் உருவங்களில் சர்ச்சிலுக்கு அருகில் காந்தி. சார்லி சாப்பிளினுக்கு 8 நாடுகளில் நிறுவப்பட்டிருக்கும் சிலைகளின் படங்களும் இங்கே காட்சிப்படுத்தப்பட்டிருக்கிறது . ஆண்டுக்கு 5 லட்சம் சுற்றுலாப்பயணிகளை கவர்கிறது இந்த இடம்.
கடந்த ஆண்டு திறந்து வைக்கப்பட்ட இதை உருவாக்கப் பிடித்த காலம் 10 ஆண்டுகள். காட்சிக்காகப் படங்கள் சேர்ப்பது மட்டுமில்லாமல் சில அரசாங்கங்கள் உள்பட சமந்தப்பட்டவர்களிடம், , காட்சிப் பொருட்களை பயன்படுத்திக்கொள்ளும் உரிமைகளைப் பெற்றிருக்கிறார்கள். ‘செட்’களை அந்தக் கலைஞர்களைக்கொண்டே உருவாக்கியிருக்கிறார்கள். உள்ளே இருக்கும் அரங்கத்தில் பிலிம் சுருளை ஓட விட்டு பழைய ப்ரொஜ்க்டரில் சார்லியின் பேசாத படங்களை ஓட்டிக் காட்டுகிறார்கள். இத்தனை ஏற்பாடுகளையும் செய்ய வேண்டியிருந்ததானால் தான் 10 ஆண்டுகள்
.இந்த மியூசியம்தான் அவர்களது முதலாமாண்டு விழாவைக்கொண்டா சார்லியின் ரசிகர்களுக்கு “அவரைப்போல உடையணிந்து வாருங்கள்” என விடுத்த அழைப்பின் விளைவுதான் 600க்கும் மேற்பட்ட சாப்ளின்கள்.
அவர்களைத்தவிர குழந்தைகளும் குடும்பத்தினரும் சார்லின் சாப்ளினின் உடையில் வருவார்கள் என்பது நாங்களே எதிர்பார்க்காத ஒன்று என்கிறார். திருமதி பிலிப்பி மெய்லன் என்ற கட்டிட கலைஞர். இவர்தான் இந்த குருவூலத்தை உருவாக்கிய குழுவின் தலைவர்.
வந்தவர்கள் அனைவரும் ஒரு நட்சத்திர வடிவில் நின்று சார்லிக்கு பிடித்த ஒரு பாடலைப் பாடினார்கள்
மிக அழகான சூழலில் ஏரிக்கரையிலிருக்கும் இந்த பூங்காவில் சார்லி சாப்பிளினுக்கு ஒரு சிலையும் இருக்கிறது. உலகில் சொந்த நாட்டில் சிலை நிறுவப்பட்டிருக்கும் ஒரே காமெடியன் சார்லி சாப்ளின் எனச்சொல்லுகிறது அதன் கீழ் உள்ளக் குறிப்பு.
அவர்களுக்குத்தெரியாதது
நாம் கலைவாணருக்கு சிலை நிறுவி கௌரவித்திருக்கும் விஷயம்
(கல்கி 7/4/2017)
(கல்கி 7/4/2017)
16/2/17
பாம்பு பிடிக்க 50 லட்சம் சம்பளம்
அமெரிக்காவின் புளோரிடா மாநிலத்தின்
தென்பகுதி அடர்ந்த காடுகள் நிறைந்தது. மிக
அறிய வனவிலங்குகள் வாழும் அந்தப் பகுதி பாதுகாக்கப்பட்ட பகுதியாக அறிவிக்கப்பட்டு வேட்டையாடுவது
தடை செய்யப்பட்டிருக்கிறது. அங்கு கடந்த சில
ஆண்டுகளாக எழுந்திருக்கும் ஒரு பிரச்னை அதிகரித்துக்கொண்டிருக்கும்
பெரிய மலைப்பாம்புகள். தாய்லாந்து வகையைச்சேர்ந்த இந்த மலைப்பாம்புகள் அமரிக்க வனங்களில்
வாழும் வகையில்லை. எப்போதோ யாரோ கொண்டுவந்த விட்டுப்போன இந்த பாம்பு இனம் இப்போது பல்கி பெருகிவிட்டது.
மிக அறிய வெள்ளைநிற வால்கள்
கொண்ட மான்கள் நீண்ட கொம்புகள் கொண்ட ஆடுகள்
போன்றவற்றை தினமும் சாப்பிட்டுக்கொண்டிருக்கின்றன
என்பதால் புளோரிடா வன விலங்குகள் பாதுகாப்பு
கமிஷன் அதிரடி நடவடிக்கைகளை எடுத்தது.. அதிக
நீளம் கொண்ட மலைப்பாம்புகளைப் பிடிப்பவர்களுக்கு. அதிக எண்ணிக்கைகளில் பாம்புகளை பிடிக்கும்
அணிக்குப் பரிசு எனப் போட்டிகளை அறிவித்தது.
பெருமளவில் ஆர்வலர்கள் கலந்துகொண்டனர். இதைத்தவிரப் பாம்பு பிடிப்பதற்கு ஸ்பெஷலிஸ்ட்களின் தனிப்டையெல்லாம் அமைத்தது.
ஆனாலும் பிரச்னையை சமாளிக்க முடியவில்லை. மலைப் பாம்புகள்
அதிகரித்துக்கொண்டிருந்தது அந்த மாநிலத்திலுள்ள
புளோரிட பல்கலைகழகத்திலிருக்கும் விலங்கியல்
பேராசியர் ஃபிராங்க் மஸோட்டி ( Frank Mazzotti). இந்தியப் பாம்புகள் பற்றி ஆராய்ந்தவர். அவர் சொன்ன யோசனை; இதைப் பிடிக்க சரியான ஆட்கள்
தென்னிந்தியாவில் நீலகிரி காடுகளிலிருக்கும் இருளர்கள் என்ற இனத்தவர்கள் தான். அவர்களை அழைத்துவந்து நம் ஆட்களுக்குப் பயிற்சி கொடுங்கள்
என்பது. பல் மட்டங்களில் விவாதிக்கப்பட்ட பின் இந்த யோசனை ஏற்கப்பட்டது. ஆனால் எழுந்த
சிக்கல் இவர்களுக்கு விசா. . அதிகம் படிக்காத அந்த இனத்தவருக்கு பாம்புகளின்
பாஷை தெரியுமே தவிர ஆங்கிலம் தெரியாது. மேலும் அமெரிக்கா விசா வழங்க அனுமதிக்கப்பட்டிருக்கும் அமெரிக்காவில் இல்லாத தொழில் விற்பன்னர்கள் பட்டியலில் பாம்பு பிடிப்பவர்கள்
இல்லதால் விசா கிடைக்காது, இதற்காக புளோரிடா மாநில அரசு விசேஷ அனுமதி அளித்து மொழிபெயர்ப்பாளர்களுடன்
மாசி சடையன் மற்றும் வடி வேல் கோபால் என்ற இரண்டு
இருளர்கள் இந்தப் பணிக்காக அமெரிக்காவிற்கு அழைக்கப்பட்டனர். இவர்கள் புளோரிடா பல்கலைக்கழக வனவிலங்கு உயிரின
ஆய்வாளர் பிராங்க் மஸோட்டி தலை மை யிலான குழுவினருக்கு மலைப் பாம்புகளை பிடிக்கும்
பயிற்சி அளித்து வருகின்றனர்.
வந்து இறங்கிய முதல் வாரத்திலேயே இவர்கள் பிடித்த பாம்புகள் 13.
அருகிலுள்ள முதலை ஏரி தேசிய வன விலங்கு
சரணாலயத்தில் 4 மலைப் பாம்புகளை ஒரே நாளில் பிடித்துவிட்டனர். . அவற்றில் ஒன்று 16 அடி நீளப் பெண் மலைப் பாம்பு இதனால் உள்ளூர் சானல்கள் போட்டிபோட்டுக்கொண்டு இவர்களைப் பேட்டி
காண்கின்றனர். இவர்கள் பிடித்து மயக்கமான நிலையிலிருக்கும்
பாம்புடன் பல்கலைக்கழக மாணவர்கள் போட்டோக்கள்
எடுத்துக் கொள்கின்றனர்.
மோப்ப நாய்களின் மூலம் பாம்புகள்
இருக்குமிட கண்டறியப்பட்டவுடன். மிகசாதரணமான Y
வடிவ கம்புகளின் உதவியால் அதை மடக்கி
பிடிப்பதை ஆச்சரியத்துடன் பார்க்கிறார்கள் அமெரிக்க பாம்பு பிடிக்கும் ஸ்பெஷலிஸ்ட்கள் அவர்களுக்குத் தான் மாசியும் வடிவேலும் பயிற்சி அளிக்கப்போகிறார்கள். இவர்களது
ஒன்றை மாதப் பணிக்கு சம்பளம் 50 லட்சம் என ஒப்பந்தம்.
விமானகட்டணம் தங்கும் செலவுகள் அமெரிக்க அரசினுடையது. இதே பிரச்னையை சந்திக்கும் வேறு சில மாநிலங்களும்
இவர்களின் உதவியை நாடியிருக்கின்றனர். இவர்கள்
திறமையை கண்டு வியக்கும் அமெரிக்க வனவிலங்கு பாதுகாப்பு கமிஷன் நிரந்த வேலைக் கொடுத்தாலும்
ஆச்சரியப்படுவதற்கில்லை.
கல்கி 19/02/17
கல்கி 19/02/17
3/2/17
ஒரு எழுத்தாளின் படைப்பு நேசிக்கப் படுகிறது
முதல் புத்தகம் என்னுடைய "கங்கைக் கரை ரகசியங்கள்." மிக விரிவான, தெளிவான விமர்சனம். ஒரு முன்னுரையைப் போல. அதை அவருடைய முகநூலிலும் வெளியிட்டிருக்கிறார். விமர்சனத்தின் வீச்சு அவருடைய பதிவுக்கு வந்தபின்னூட்டாங்களில் தெரிகிறது. ஒரே இரவில் 100பேர் லைக் செய்து 26 பேர் கருத்துகளைப்பதிவு செய்திருக்கிறார்கள். சந்தோஷமாக இருக்கிறது ஒரு எழுத்தாளனின் படைப்புநேசிக்கபடும்போது எழும் சந்தோஷம்
Sumitha Ramesh
Sumitha Ramesh added 3 new photos — with Ramanan Vsv.
இலக்கியம் என்பதை தேர்வு செய்ததும் ஏனோ முதலில் கையிலிருந்த இந்தப்புத்தகம் தான் எழுத, படிக்க ஈர்த்தது !
கதை, சிறுகதை, நாவல், கவிதைத்தொகுப்புகள் என்றிருக்க..சமூகம் சார்ந்த , எதோ ஒரு ஈர்ப்பை..இன்னமும், இனி வரும் காலங்களிலும் புனிதத்தை தன்பெயரில் கொண்டுள்ள கங்கையைப்பற்றிய புத்தகம் என்றதும் கைகள் தானாக தழுவியது இதனை !
யார் எழுதியது..என்ன மாதிரியான புத்தகம் இது ?
பயணக்கட்டுரைகளின் தொகுப்புதான் இந்த நூல் ! பயணக்கட்டுரைகளில் சில ,
நேராக உள்ளதை உள்ளபடி சொல்லும் கட்டுரைகள், சில பயணத்தின் போதே பார்த்தது , எண்ணக்கிடங்கில் விளைந்தது என நம் மனதிலும் விதைக்கும் கட்டுரைகள் ! இரண்டாவது ரகம் இந்தப்புத்தகம்.மொத்தமே 112 பக்கங்கள்.
ஆனால் ஒவ்வொரு வரிகளும் பலமுறை படிக்க வைப்பவை. அப்படியென்ன ஸ்பெஷல்..?
மேலே படிங்களேன் !
இந்த கங்கைக்கரை ரகசியங்கள் அப்படித்தான் நம்முள்ளும் பல ரகசியங்கள், ஆசைகள்..வேட்கைகளை விதைக்கின்றன, எழும் எண்ணக்கேள்விகளுக்கு விடைகளையும் அளிக்கின்றன.
காலைப்பொழுது , கடலாக விரிந்திருக்கும் அறுபது அடி ஆழம் கொண்ட நதி, படித்துறைகளில் நாக்குகளாய் நாவாய்கள்
இப்படித்தான் இழுத்துப்போடுகிறது இழைந்தோடும் வர்ணனை. மெல்ல எழுத்தாளரின் கைப்பிடித்து சிறுப்பிள்ளையாய்
அவர் கால்களுடனே..பயணிக்க நாமும் ஆரம்பிக்க , பிரமிப்பை தன் தோள்களில் ஏற்றிக்காட்ட , கைப்பிடித்து தோழமையுடன் எண்ண அலைகளோடு அழைத்துச்செல்கிறார்.
கங்கைக்கரை என்றதுமே நினைவில் வருவது காசி நகரம் தான் !
கிரேக்க், எகிப்திய, பாரசீக நாகரீகங்கள் அழிந்து உருமாறியப்போதும் மாறாத இந்திய நாகரீகத்தின் அந்த தொன்மையினைப் பாதுகாப்பது சக்தியை, ஆற்றலை பிரதிஷ்டை எனும் கருவியாகக்கொண்டு எழுப்பப்பட்ட ஆலயங்கள், அதனால் உருவான நகரங்கள் தான் என்கிறார் ஆசிரியர்.
காசி..சிவனே வாழ்ந்த ஊர், அவரது சூலாயுதத்தின் நேர்க்கோட்டில் அமைந்த ஊர்.. 25,000 கோயில்களைக்கொண்ட ஊர் தற்போது 648 கோயில்களாகவும் மையப்புள்ளிகளாக மூன்று கோயில் கள், வடக்கே ஆம்கார் ஈஸ்வர், மையத்தில் விஸ்வ நாதர் , தெற்கில் கேதார் ஈஸ்வர் என அனைத்துக்கோயில்களுமே ஐந்தடுக்குப்பாதையில் அமைந்திருப்பதாக விளக்குகிறார் ஆசிரியர் அதற்கான மேற்கோள்களுடன் !
ஈஷா யோகமையம் ஏற்பாடு செய்யும் யாத்திரை யில் பங்கேற்பவர், அதன் சிறப்பான செயல்பாடுகளையும், நடு நடுவே தனக்கான சந்தேகங்களை நம் மன மொழியைப்போலவே எதிரொலிக்கும் விதமாக சத்குரு ஜக்கி குரு வாசுதேவ் அவர்களிடன் கேட்டு நமக்குமான பதில்களைப்பெற்றுத்தருகிறார்.
காசி நகரம் கங்கையின் கரையில் உள்ளதையும் , கங்கையின் அழகையும் வாய்ப்புக்கிடைக்கும் போதெல்லாம் ஆசிரியரதுப்பார்வையில் அவர் மயங்கியதை நமக்கும் கடத்தி மயங்கச்செய்கிற்து அவர் நடை!
எல்லாக்கோவில்களுக்கும் செல்லும் குறுகலான பாதை, அதிகாலையில் செல்லும்போது ஏற்படும் அசௌகர்யங்கள், அங்கே நகரத்தார் கட்டிவைத்த நாட்டார் கோட் சத்தர் , அவர்கள் செய்யும் பால் வழங்கும் திருப்பணி, கட்டிவைத்த கோயில்கள் என முதல் நாள் பார்த்ததில் பகிர்கிறார்.
3 நாட்கள்..இதில் விஸ்வ நாதர் ஆலயம் பற்றிய பகிர்வில் அவரது சிலிர்ப்பையும், அங்கு ஏற்படும் அதிர்வையும் நாமும் உணரமுடிகிறது ! சைக்கிள் ரிக்ஷா , படகுக்காரர்களின் தன்மை, அணுகும் விதம் என அணைத்து செல்லும் நடையில் பல காட்கள் எனப்படும் படித்துறைகளிலும் அவருடன் ஏறி நாம் இறங்குகிறோம் !
குளித்து எழுகிறோம் !
காசி , வாரணாசி என்ற அழைக்கப்படுவதில்..பனாரஸ் என்பது தனி நகரம் என்றும் அங்கு பட்டுத்தறி நெய்யும் நெசவாளர்களின் வாழ்வில் வண்ணங்கள் இல்லை எனவும் பதிகிறார்!
அச்சச்சோ என நாமும் இரக்கம் கொள்ள உடனே படகுப்பயணம் , அங்கிருந்து..மணிகர்ணிகா காட் என தாவும் எழுத்துக்களால்..மாறினாலும் கனத்துப்போகிறோம் !
ஒரு நாளைக்கு குறைந்தது 50 இறந்த உடல்கள் (இப்படித்தான் குறிப்பிடுகிறார்..பிணங்கள் என்றில்லை) வர..பாதி எரிந்த உடல்கள் அடியே தள்ளப்பட, இதனை 6 உதவியாளர்களுடன் நிர்வகிக்கும் சத்திய நாராயண சௌத்ரி என்பவரது நிலையையும் குறிப்பிட.. ஆவென திறந்த வாய் மூட மறுக்கின்றன.
பனாரஸ் மன்னர்களுக்கான குளியல் கட்டம் அதில் கங்கை உள் நுழைவதென அனைத்துப்படித்துறைகள் , அதன் கரையில் அமைந்துள்ளக்கோயில்கள் என விவரிக்கப்பட்டு அங்கு ஆங்கிலேயர், முகலாயர் , புத்த மத ஈடுபாட்டினையும் சொல்லி..புத்தருக்கும் காசிக்குமான தொடர்பு, அவர் ஞானம் பெற எப்படி வந்தார் என்ற தகவல்களுடன்
மெதுவாக அவருடன் நாமும் சார நாத் பயணிக்கிறோம்.
அங்குள்ள காட்சியகம் அதிலுள்ள உண்மைகள் , அதைச்சார்ந்த தகவல்கள், புகைப்படங்கள் என ஆசம் ஆசம் என்ச்சொல்லி நம்மை நகர வைக்கின்றன பக்கங்கள் .
சார நாத் அடுத்து புத்த கயா..!
சார நாத்ல் புத்தர் சமணர்களுடன் இணைந்து தவமிருந்து, வெறும் உடல் மட்டும் மெலிந்து ஞானத்திற்காக போதி மரம் தேடி கயா க்கு செல்கிறார். அதை விளக்கும் காரணங்கள்,
செல்லும் வழியில் தம்மை பாதித்த விஷயங்கள் என அனைத்தையும் ரசிக்கும் விதத்தில் அள்ளித் தருகிறார்.
புத்தகயா அமைந்துள்ளது காசியிலிருந்து 250கிமீ தள்ளியுள்ளது எனவும் அங்கு அமைந்துள்ள புத்த விஹார்கள், புத்த சபாக்கள், அங்கு ஒவ்வொரு விஹார்கள் , வழிபடும் முறை..ஏன் புனிதத்தன்மைப்பெறுகிறது அங்கெல்லாம் புத்தர் என்ன போதித்தார் என தகவல்களைப்படிக்க முடிகிறது!
நாளந்தா.. கிமுவில் ஆரம்பிக்கப்பட்ட பல்கலைக்கழகம் வானியல், மருத்துவம், மொழி, ஆன்மீகம் சார்ந்த படிப்புகள்..மாணக்கர்களைக்கொண்டிருந்ததை வரிகளால் விளக்கி , படங்களுடன் நம் மனதில் பதியமாகிறது!
கில்ஜி படையினரால் அழிக்கப்பட்ட பல்கலைக்கழகம் படிக்கும் போதே கண்ணீர்துளிக்க, நாகரீகமே தெரியாத உலகில்..சிகரமாக வாழ்ந்திருக்கிறோமே என்ற உணர்வை எழுப்புகிறது!
கில்ஜி யின் அழிப்பினால்..தொடர்ந்து பாதிக்கப்பட்ட காசி நகரம், நம் மன்னர்கள் கோட்டைகள், கயா, நாளந்தா என மனம் புரண்டு அழுகிறது படிக்கும் போது !
சமணர்கள் தவம் செய்த, புத்தரின் புனித இடமாகவும் அவர் சீடர்களுக்கு போதித்த இடமும் ஆன ஏழு மலைகளுக்கிடைப்பட்ட ராஜ் கீர் என்ற இடமும் முன்னர் மகத நாட்டின் தலை நகர் அதற்கான விவரிப்புகள் அங்கு செல்லும் வழி என நகைச்சுவை இழையோட நமக்கும் தெரிவிக்கிறார்.
மீண்டும் பாட்னா வருகை, அங்குள்ள தானியம் சேமிக்கும் கோடவுன், படகு சவாரி, கங்கைக்குளியல் என நாமும் களிக்கிறோம்!
கடைசியாக எதோ மிஸ்ஸிங் போலவே என நாம் நினைக்கும் போதே..கங்கையின் ஆர்த்தியும் கண்களில் காமிக்கப்பட்டு..புத்தகம் நிறைவுறுகிறது !
வழுவழுப்பான கவிதா பப்ளிகேஷனில் வெளிவந்துள்ள இந்தப்புத்தகம் கல்கியில் தொடராக வெளிவந்ததன் தொகுப்பாக வெளியிடப்பட்டுள்ளது.
மிக அழகான படங்களுக்கும், வர்ணனைகளுக்கும், வரிகளுக்கும், சிந்தனைகளுக்கும் சொந்தக்காரரன அந்த ஆசிரியர், எழுத்தாளர் திரு. ரமணன் அவர்கள்.
Ramanan Vsv அவர்கள்.
இவர் வங்கியில் உயர்பதவி வகித்தவர், சமூகம்,அரசியல், வரலாறு என பல ஜான்ர்களில் விரிவாக தன் படைப்புக்களை புத்தகங்களாக வெளியிட்டிருக்கிறார்.
அவரது முன்னுரை, பதிப்பாளரது பதிப்புரை..நம் ஆவலைத்தூண்டி உள் தள்ளிட..நிறைவான நெகிழ்வான பயண அனுபவத்தைப்பெறுகிறோம் !
ஆனாலும்..நாமும் பார்க்கவேண்டுமே இந்த இடங்களை என்ற ஆர்வமும் அதிகமாகி, இவரைப்போலவே இணைந்தப்பல விஷயங்களைக்கூச்சமின்றி கேட்டு தெளிவுறவேண்டும் என நினைக்கிறது மனம் !
கங்கைக்கரை ரகசியங்கள் , கங்கை காசியை உணர்ந்துக்கொள்ளவேண்டிய பார்க்கவேண்டிய சக்தி அதிர்வுகளின் ஆணி வேராக அறிய வைக்கும் பயணப்படத்தூண்டும் புத்தகம் .
அகோரிகள், கங்கையில் மிதக்கும் பிணங்கள் பற்றி நாம் டாகுமெண்ட் ரி க்களில் பார்த்தவை இதில் இல்லாமல் போனாலும் கங்கையின் வாசத்தை புராதனத்தை , அறிவை நிறைவைத்தருகிறது !
கங்கைக்கரை ரகசியங்கள் பற்றிய ரகசியத்தை உங்களுடன் பகிர்ந்த நான் நாளை ..வேறொரு புத்தகத்துடன் சந்திக்கிறேன் !
கவிதா பதிப்பகம், ஏப்ரல் 2016 ல் வெளியிட்டுள்ள இப்புத்தகத்தின் விலை 140 ரூ.
-----------------
இலக்கியம் என்பதை தேர்வு செய்ததும் ஏனோ முதலில் கையிலிருந்த இந்தப்புத்தகம் தான் எழுத, படிக்க ஈர்த்தது !
கதை, சிறுகதை, நாவல், கவிதைத்தொகுப்புகள் என்றிருக்க..சமூகம் சார்ந்த , எதோ ஒரு ஈர்ப்பை..இன்னமும், இனி வரும் காலங்களிலும் புனிதத்தை தன்பெயரில் கொண்டுள்ள கங்கையைப்பற்றிய புத்தகம் என்றதும் கைகள் தானாக தழுவியது இதனை !
யார் எழுதியது..என்ன மாதிரியான புத்தகம் இது ?
பயணக்கட்டுரைகளின் தொகுப்புதான் இந்த நூல் ! பயணக்கட்டுரைகளில் சில ,
நேராக உள்ளதை உள்ளபடி சொல்லும் கட்டுரைகள், சில பயணத்தின் போதே பார்த்தது , எண்ணக்கிடங்கில் விளைந்தது என நம் மனதிலும் விதைக்கும் கட்டுரைகள் ! இரண்டாவது ரகம் இந்தப்புத்தகம்.மொத்தமே 112 பக்கங்கள்.
ஆனால் ஒவ்வொரு வரிகளும் பலமுறை படிக்க வைப்பவை. அப்படியென்ன ஸ்பெஷல்..?
நேராக உள்ளதை உள்ளபடி சொல்லும் கட்டுரைகள், சில பயணத்தின் போதே பார்த்தது , எண்ணக்கிடங்கில் விளைந்தது என நம் மனதிலும் விதைக்கும் கட்டுரைகள் ! இரண்டாவது ரகம் இந்தப்புத்தகம்.மொத்தமே 112 பக்கங்கள்.
ஆனால் ஒவ்வொரு வரிகளும் பலமுறை படிக்க வைப்பவை. அப்படியென்ன ஸ்பெஷல்..?
மேலே படிங்களேன் !
இந்த கங்கைக்கரை ரகசியங்கள் அப்படித்தான் நம்முள்ளும் பல ரகசியங்கள், ஆசைகள்..வேட்கைகளை விதைக்கின்றன, எழும் எண்ணக்கேள்விகளுக்கு விடைகளையும் அளிக்கின்றன.
காலைப்பொழுது , கடலாக விரிந்திருக்கும் அறுபது அடி ஆழம் கொண்ட நதி, படித்துறைகளில் நாக்குகளாய் நாவாய்கள்
இப்படித்தான் இழுத்துப்போடுகிறது இழைந்தோடும் வர்ணனை. மெல்ல எழுத்தாளரின் கைப்பிடித்து சிறுப்பிள்ளையாய்
அவர் கால்களுடனே..பயணிக்க நாமும் ஆரம்பிக்க , பிரமிப்பை தன் தோள்களில் ஏற்றிக்காட்ட , கைப்பிடித்து தோழமையுடன் எண்ண அலைகளோடு அழைத்துச்செல்கிறார்.
இப்படித்தான் இழுத்துப்போடுகிறது இழைந்தோடும் வர்ணனை. மெல்ல எழுத்தாளரின் கைப்பிடித்து சிறுப்பிள்ளையாய்
அவர் கால்களுடனே..பயணிக்க நாமும் ஆரம்பிக்க , பிரமிப்பை தன் தோள்களில் ஏற்றிக்காட்ட , கைப்பிடித்து தோழமையுடன் எண்ண அலைகளோடு அழைத்துச்செல்கிறார்.
கங்கைக்கரை என்றதுமே நினைவில் வருவது காசி நகரம் தான் !
கிரேக்க், எகிப்திய, பாரசீக நாகரீகங்கள் அழிந்து உருமாறியப்போதும் மாறாத இந்திய நாகரீகத்தின் அந்த தொன்மையினைப் பாதுகாப்பது சக்தியை, ஆற்றலை பிரதிஷ்டை எனும் கருவியாகக்கொண்டு எழுப்பப்பட்ட ஆலயங்கள், அதனால் உருவான நகரங்கள் தான் என்கிறார் ஆசிரியர்.
காசி..சிவனே வாழ்ந்த ஊர், அவரது சூலாயுதத்தின் நேர்க்கோட்டில் அமைந்த ஊர்.. 25,000 கோயில்களைக்கொண்ட ஊர் தற்போது 648 கோயில்களாகவும் மையப்புள்ளிகளாக மூன்று கோயில் கள், வடக்கே ஆம்கார் ஈஸ்வர், மையத்தில் விஸ்வ நாதர் , தெற்கில் கேதார் ஈஸ்வர் என அனைத்துக்கோயில்களுமே ஐந்தடுக்குப்பாதையில் அமைந்திருப்பதாக விளக்குகிறார் ஆசிரியர் அதற்கான மேற்கோள்களுடன் !
ஈஷா யோகமையம் ஏற்பாடு செய்யும் யாத்திரை யில் பங்கேற்பவர், அதன் சிறப்பான செயல்பாடுகளையும், நடு நடுவே தனக்கான சந்தேகங்களை நம் மன மொழியைப்போலவே எதிரொலிக்கும் விதமாக சத்குரு ஜக்கி குரு வாசுதேவ் அவர்களிடன் கேட்டு நமக்குமான பதில்களைப்பெற்றுத்தருகிறார்.
காசி நகரம் கங்கையின் கரையில் உள்ளதையும் , கங்கையின் அழகையும் வாய்ப்புக்கிடைக்கும் போதெல்லாம் ஆசிரியரதுப்பார்வையில் அவர் மயங்கியதை நமக்கும் கடத்தி மயங்கச்செய்கிற்து அவர் நடை!
எல்லாக்கோவில்களுக்கும் செல்லும் குறுகலான பாதை, அதிகாலையில் செல்லும்போது ஏற்படும் அசௌகர்யங்கள், அங்கே நகரத்தார் கட்டிவைத்த நாட்டார் கோட் சத்தர் , அவர்கள் செய்யும் பால் வழங்கும் திருப்பணி, கட்டிவைத்த கோயில்கள் என முதல் நாள் பார்த்ததில் பகிர்கிறார்.
3 நாட்கள்..இதில் விஸ்வ நாதர் ஆலயம் பற்றிய பகிர்வில் அவரது சிலிர்ப்பையும், அங்கு ஏற்படும் அதிர்வையும் நாமும் உணரமுடிகிறது ! சைக்கிள் ரிக்ஷா , படகுக்காரர்களின் தன்மை, அணுகும் விதம் என அணைத்து செல்லும் நடையில் பல காட்கள் எனப்படும் படித்துறைகளிலும் அவருடன் ஏறி நாம் இறங்குகிறோம் !
குளித்து எழுகிறோம் !
காசி , வாரணாசி என்ற அழைக்கப்படுவதில்..பனாரஸ் என்பது தனி நகரம் என்றும் அங்கு பட்டுத்தறி நெய்யும் நெசவாளர்களின் வாழ்வில் வண்ணங்கள் இல்லை எனவும் பதிகிறார்!
அச்சச்சோ என நாமும் இரக்கம் கொள்ள உடனே படகுப்பயணம் , அங்கிருந்து..மணிகர்ணிகா காட் என தாவும் எழுத்துக்களால்..மாறினாலும் கனத்துப்போகிறோம் !
ஒரு நாளைக்கு குறைந்தது 50 இறந்த உடல்கள் (இப்படித்தான் குறிப்பிடுகிறார்..பிணங்கள் என்றில்லை) வர..பாதி எரிந்த உடல்கள் அடியே தள்ளப்பட, இதனை 6 உதவியாளர்களுடன் நிர்வகிக்கும் சத்திய நாராயண சௌத்ரி என்பவரது நிலையையும் குறிப்பிட.. ஆவென திறந்த வாய் மூட மறுக்கின்றன.
பனாரஸ் மன்னர்களுக்கான குளியல் கட்டம் அதில் கங்கை உள் நுழைவதென அனைத்துப்படித்துறைகள் , அதன் கரையில் அமைந்துள்ளக்கோயில்கள் என விவரிக்கப்பட்டு அங்கு ஆங்கிலேயர், முகலாயர் , புத்த மத ஈடுபாட்டினையும் சொல்லி..புத்தருக்கும் காசிக்குமான தொடர்பு, அவர் ஞானம் பெற எப்படி வந்தார் என்ற தகவல்களுடன்
மெதுவாக அவருடன் நாமும் சார நாத் பயணிக்கிறோம்.
அங்குள்ள காட்சியகம் அதிலுள்ள உண்மைகள் , அதைச்சார்ந்த தகவல்கள், புகைப்படங்கள் என ஆசம் ஆசம் என்ச்சொல்லி நம்மை நகர வைக்கின்றன பக்கங்கள் .
அங்குள்ள காட்சியகம் அதிலுள்ள உண்மைகள் , அதைச்சார்ந்த தகவல்கள், புகைப்படங்கள் என ஆசம் ஆசம் என்ச்சொல்லி நம்மை நகர வைக்கின்றன பக்கங்கள் .
சார நாத் அடுத்து புத்த கயா..!
சார நாத்ல் புத்தர் சமணர்களுடன் இணைந்து தவமிருந்து, வெறும் உடல் மட்டும் மெலிந்து ஞானத்திற்காக போதி மரம் தேடி கயா க்கு செல்கிறார். அதை விளக்கும் காரணங்கள்,
செல்லும் வழியில் தம்மை பாதித்த விஷயங்கள் என அனைத்தையும் ரசிக்கும் விதத்தில் அள்ளித் தருகிறார்.
செல்லும் வழியில் தம்மை பாதித்த விஷயங்கள் என அனைத்தையும் ரசிக்கும் விதத்தில் அள்ளித் தருகிறார்.
புத்தகயா அமைந்துள்ளது காசியிலிருந்து 250கிமீ தள்ளியுள்ளது எனவும் அங்கு அமைந்துள்ள புத்த விஹார்கள், புத்த சபாக்கள், அங்கு ஒவ்வொரு விஹார்கள் , வழிபடும் முறை..ஏன் புனிதத்தன்மைப்பெறுகிறது அங்கெல்லாம் புத்தர் என்ன போதித்தார் என தகவல்களைப்படிக்க முடிகிறது!
நாளந்தா.. கிமுவில் ஆரம்பிக்கப்பட்ட பல்கலைக்கழகம் வானியல், மருத்துவம், மொழி, ஆன்மீகம் சார்ந்த படிப்புகள்..மாணக்கர்களைக்கொண்டிருந்ததை வரிகளால் விளக்கி , படங்களுடன் நம் மனதில் பதியமாகிறது!
கில்ஜி படையினரால் அழிக்கப்பட்ட பல்கலைக்கழகம் படிக்கும் போதே கண்ணீர்துளிக்க, நாகரீகமே தெரியாத உலகில்..சிகரமாக வாழ்ந்திருக்கிறோமே என்ற உணர்வை எழுப்புகிறது!
கில்ஜி யின் அழிப்பினால்..தொடர்ந்து பாதிக்கப்பட்ட காசி நகரம், நம் மன்னர்கள் கோட்டைகள், கயா, நாளந்தா என மனம் புரண்டு அழுகிறது படிக்கும் போது !
சமணர்கள் தவம் செய்த, புத்தரின் புனித இடமாகவும் அவர் சீடர்களுக்கு போதித்த இடமும் ஆன ஏழு மலைகளுக்கிடைப்பட்ட ராஜ் கீர் என்ற இடமும் முன்னர் மகத நாட்டின் தலை நகர் அதற்கான விவரிப்புகள் அங்கு செல்லும் வழி என நகைச்சுவை இழையோட நமக்கும் தெரிவிக்கிறார்.
மீண்டும் பாட்னா வருகை, அங்குள்ள தானியம் சேமிக்கும் கோடவுன், படகு சவாரி, கங்கைக்குளியல் என நாமும் களிக்கிறோம்!
கடைசியாக எதோ மிஸ்ஸிங் போலவே என நாம் நினைக்கும் போதே..கங்கையின் ஆர்த்தியும் கண்களில் காமிக்கப்பட்டு..புத்தகம் நிறைவுறுகிறது !
வழுவழுப்பான கவிதா பப்ளிகேஷனில் வெளிவந்துள்ள இந்தப்புத்தகம் கல்கியில் தொடராக வெளிவந்ததன் தொகுப்பாக வெளியிடப்பட்டுள்ளது.
மிக அழகான படங்களுக்கும், வர்ணனைகளுக்கும், வரிகளுக்கும், சிந்தனைகளுக்கும் சொந்தக்காரரன அந்த ஆசிரியர், எழுத்தாளர் திரு. ரமணன் அவர்கள்.
Ramanan Vsv அவர்கள்.
Ramanan Vsv அவர்கள்.
இவர் வங்கியில் உயர்பதவி வகித்தவர், சமூகம்,அரசியல், வரலாறு என பல ஜான்ர்களில் விரிவாக தன் படைப்புக்களை புத்தகங்களாக வெளியிட்டிருக்கிறார்.
அவரது முன்னுரை, பதிப்பாளரது பதிப்புரை..நம் ஆவலைத்தூண்டி உள் தள்ளிட..நிறைவான நெகிழ்வான பயண அனுபவத்தைப்பெறுகிறோம் !
ஆனாலும்..நாமும் பார்க்கவேண்டுமே இந்த இடங்களை என்ற ஆர்வமும் அதிகமாகி, இவரைப்போலவே இணைந்தப்பல விஷயங்களைக்கூச்சமின்றி கேட்டு தெளிவுறவேண்டும் என நினைக்கிறது மனம் !
கங்கைக்கரை ரகசியங்கள் , கங்கை காசியை உணர்ந்துக்கொள்ளவேண்டிய பார்க்கவேண்டிய சக்தி அதிர்வுகளின் ஆணி வேராக அறிய வைக்கும் பயணப்படத்தூண்டும் புத்தகம் .
அகோரிகள், கங்கையில் மிதக்கும் பிணங்கள் பற்றி நாம் டாகுமெண்ட் ரி க்களில் பார்த்தவை இதில் இல்லாமல் போனாலும் கங்கையின் வாசத்தை புராதனத்தை , அறிவை நிறைவைத்தருகிறது !
கங்கைக்கரை ரகசியங்கள் பற்றிய ரகசியத்தை உங்களுடன் பகிர்ந்த நான் நாளை ..வேறொரு புத்தகத்துடன் சந்திக்கிறேன் !
கவிதா பதிப்பகம், ஏப்ரல் 2016 ல் வெளியிட்டுள்ள இப்புத்தகத்தின் விலை 140 ரூ.
-----------------
Comments
இதற்கு குழுசேர்:
இடுகைகள்
(
Atom
)