தரம்சாலா-தபோவனம்-தலாய்லாமா 5

தரம்சாலா நகருக்கு வெளியே 12 கிமீ தொலைவில் மெல்யோடு Mcleod Ganj, மலையின் நடுப்பகுதியில் அமைந்திருக்கிறது தலாய்லாமா கோவில் வளாகம். இதை Tsuglagkhang Complex என்கிறது நுழைவுப்பலகை. (இதனுள்ளே திபேத்திய கலாசாரா ஆய்வு மையமும் இருப்பதால் வளாகத்தை கல்வி நிலையமாக பதிவு செய்திருக்கிறார்கள்). வளாகும் இருக்குமிடம் மினி லாசா(திபேத்தின் தலைநகர்) போலிருக்கிறது. எங்கு திபேத்திய முகம், லாமாக்கள், திபேத்திய கலைப்பொருட்கள் விற்பனைசெய்யும் கடைகள். அரை நூற்றாண்டுகளுக்கு மேல் இங்கு திபேத்தியர்கள் வாழ்ந்திருப்பதால் இளம் தலைமுறையினர் இந்தியும் பேசுகிறார்கள்.

திபேத்திய புரட்சியின் போராட்டங்களை சித்தரிக்கும் காட்சிகளும் தியாகிகளின் படங்களும் வரவேற்கும் நுழைவாயில். அந்த வளாகத்தில் தான் தலாய்லா வழிபடும் புத்தரின் கோவிலும் அவர் வாழுமிடமும் இருக்கிறது.

ஒரு மலைப்பகுதியாக இருப்பதானால் நான்கு தளங்களாக படிகள் அமைத்து பெரிய. பெரிய கட்டிடங்களை நிறுவிவியிருக்கிறார்கள். இதில் இரண்டும் மூன்றாம் தளங்களில் புத்தர் கோவிலும், 4 வது தளத்தில் தலாய் லாமா வாழும் அரண்மனையும் இருக்கிறது. (அரண்மனை என்று சொல்லக்கூடாது என்றார்கள்)

அந்த இடத்தை அடையவே பல செக்யூரிட்டி கெடிபிடிகள். பல கேள்விகள். தலாய்லாமாவின் செயலகம் நம் பிரதமர் அலுவகம் போல பல மட்ட அதிகார அடுக்களுடன் இருக்கிறது. திபேத்துக்கு வெளியே நிறுவப்பட்டிருக்கும் திபேத்திய அரசின் தலைமை அலுவகம் என்ற அந்தஸ்த்தை பெற்றிருக்கும் இடம்.

செகரட்டரியை சந்திக்க வேண்டும் என்று சொன்னவுடன் எந்த செகரட்டரி? இங்கு 5 பேர் இருக்கிறார்கள் என்றார்கள், நமக்கு வந்த மெயிலை காட்டிய பின் அமரச்சொல்லி உள்ளே போனார் அந்த ராணுவத் தோரணையிலிருந்த அதிகாரி. 10 நமிட காத்திருப்புக்கு பின் நம் உடமைகளை மட்டுமில்லை நம்மையும் ஸ்கேன் செய்யும் அமெரிக்க இயந்திரவாசலை கடந்தபின் தலைமைசெயலரின் அறைக்கு அழைத்துச்செல்லுகிரார் மற்றொரு அதிகாரி.

காவி உடை அணிந்திருக்கும் லாமாக்கள் மத்தியில் பளீரென்று ஃபுல் சூட்டில் இருக்கிறார் தலமைச் செயலாளார் Chhime Rigzin Chhoekyapa, (சரியாக உச்சரிக்கத்தெரியாதால் சொக்கப்பா என்று நினைவுபடுத்திக்கொள்ளவேண்டும்). நல்ல ஆங்கில உச்சரிப்பில் மெல்லப்பேசுகிறார். அவர் மேஜையில் நான் சில ஆண்டுகளுக்கு முன் THE WEEK பின்னர் கல்கியில் எழுதிய உலக அமைதிக்காக தலாய் லாமா நடத்தும் காலசக்கர பூஜை பற்றிய கட்டுரைகளின் பிரதிகள் (கட்டுரையின் லிங்க் பதிவின் இறுதியிலும் முதல் பின்னுட்டத்திலும்)

“உங்கள் தாய்மொழியில் காலச்சக்கரம் பற்றி எழுதியிருக்கிறீர்கள் நன்றி” என்று அன்புடன் வரவேற்று டீ கொடுத்து (சகிக்கலை) உபசரித்து சொன்ன விஷயம் தலாய்லாமாவை சந்திக்க இயலாது என்பது தான். “உங்களுக்காக இன்று 10 நிமிடம் திட்டமிட்டிருந்தோம். ஆனல் அவர் உடல் நிலை சரியாகயில்லாதால் (வயது 90) அடுத்த 20 நாட்களக்கு அவரது சந்திப்புகள் ஒத்தி வைக்கப்பட்டிருக்கிறது. அடுத்த மாதம் முயற்சி செய்யுங்கள் என்றார்.

எமாற்றமாகயிருந்த போதிலும் சந்திக்க இயலாது என்பதை போனிலோ, மெயிலிலோ சொல்லாமல் வரவேற்று பேசி சொன்னது ஒரு பத்திரிகையாளனுக்கு கிடைத்த கெளரவம்.

கோவிலைப் பார்த்துச்செல்லுங்கள் என்று ஒரு லாமாவை உடன் அனுப்பினார். ஆங்கிலம் பேசும் அந்த லாமா( எல்லா லாமக்களும் ஆங்கிலம் பேசுவதில்லை) நிறைய தகவல்கள் சொன்னார். இரண்டாம் தளத்திலிருக்கும் தலாய்லாமா வணங்கும் தெய்வங்களின் உருவங்கள் முன்னால் அவர் அமர்ந்து ஆன்மீக உரை, வழங்கும், பிரார்த்தனை செய்யும் மண்டபத்துக்குள் கூட்டிச் சென்றார். துணியால் மூடப்பட்டிருக்கு பெரிய தங்க சிம்மாசனம்.

தொடர்ந்து முதல் தளத்தில் தலாய்லாமா வணங்கும் புத்தர்கோவில், முதலில் வெளிப்பிரகாரத்தை சுற்றி நடந்து பிரார்த்தனை சக்கரங்களை clockwise ஆக சுற்றி நம் வேண்டுதலைச் சொன்ன பின்னர்தான் கோவிலுக்குள் செல்லவேண்டும் என்பதை சொல்லிக்கொடுத்தார். உள்ளே பளபளக்கும் தங்க வண்ணத்தில் தியான நிலையில் புத்தர். பின்னால் சுவற்றில் பல காட்சிகள்

இரண்டாம் தலாய்லாமா தோற்றுவித்த நாம்கியால்(Namgyal) கோவில் புரட்சியில் அழிந்து விட்டதால் இந்த 14ம் தலாய் லாமா அதை இங்கு வழிபாட்டுக்காக எழுப்பியிருப்பதாகச் சொன்னார் நம்மை அழைத்துவந்தலாமா.. நீங்கள் விரும்பும் வரை பிரார்த்திக்கலாம் எனச் சொல்லி அவர் விடை பெற்றுகொண்டார்.

பளிசென்று சுத்தமாகயிருந்தாலும் புத்தர் பிரமாண்டமாகயிருந்தாலும் ஒரு தெய்வ சன்னதியை அங்கு உணர முடியவில்லை. பூஜை ஆராதனை எதுவும் கிடையாது. ஒரு எரியும் விளக்கு கூட இல்லை. வரும் டூரிஸ்ட்கள் புத்தரின் அருகில் நின்று செல்பி எடுத்துக்கொள்கிறாகள். அதிக செல்பி படங்களில் சிக்கியவர் இந்த புத்தராகத்தானிருப்பார் என்னை நினைத்துக்கொண்டோம்

. புத்தருக்கு வேண்டுதலுடன் படைத்த பிஸ்கட் சாக்லேட், வாட்டர் பாட்டில்கள், சோப்புகள் போன்ற அந்த சிலையின் முன்னே அழகாக அடுக்கி வைக்கபட்டிருக்கின்றன.

ஒரு மலைச்சரிவில் இறங்குகிறோம் என்றே தெரியாதவண்ணம் படிகளில் இறங்கி வெளியே வந்து அறைக்கு திரும்புகிறோம்.

நாளை காலை இங்கிருந்து சிம்லா போகதிட்டம். பல ஆண்டுகளுக்கு முன் நாங்கள் ஹனிமூன் சென்ற இடம் சிம்லா. இங்கிருந்து 40 நிமிட விமானபயணத்தில் போய்விடலாம் என்பதால் இப்போது சிம்லா எப்படியிருக்கிறது என்று பார்க்க விரும்பி அங்கு போக திட்டமிட்டிருந்தோம்.

காலையில் விமான நிலையம் சென்ற எங்களுக்கு ஒரு ஆச்சரியம் காத்திருந்தது.

(https://www.chuvadugal.com/2014/07/blog-post_31.html சுட்டியில் காலசக்கர வழிபாடு கட்டுரையைப் படிக்கலாம்)

+7

All reactions:

19You, Vidya Subramaniam, Manthiramoorthi Alagu and 16 others

தரம்சாலா-தபோவனம்-தலாய்லாமா 5

ஹிமாச்சல் பிரதேஷ்ஷில் தஹூல்தஹூர் என்ற இமயமலைத்தொடரின் கங்கரா பள்ளத்தாக்கில் அமைந்திருக்கிறது தரம்சாலா. பனி, மழை, கடும் காற்று வெய்யில் என்று எல்லாம் வரிசையாக ஆண்டுதோறும் தாக்கும் காட்டுப்பகுதி இது.

புராணங்களில் தேவபூமி என்று வர்ணிக்கப்படும் இந்த காட்டுப்பகுதிக்கு 1977ல் ஸ்வாமி சின்மையானந்தா வந்தபோது இந்த இடத்தின் அதிர்வுகளை உணர்ந்து இங்கு தன் ஆஸ்ரமத்தை தொடங்க திட்டமிடுகின்றார். பல சவால்களை எதிர் கொண்டு ஒரு சிறிய குடிலில் தொடங்கப்பட்ட அந்த ஆஸ்ரமம். இன்று ஒருஅழகான சோலையாக பல வித மரங்கள், மலர்ச்செடிகளுடன் வளர்ந்திருக்கிறது. அங்கிருப்பது தான் இந்த மெகா சைஸ் ஆஞ்சனேயர். சின்மையானந்தா இந்த இடத்தில் ஆஸ்ரம கட்டிடங்களை எழுப்பும் போது பெரும் சூறாவளி காற்று தொடர்ந்து தாக்கி ஆஸ்ரமத்தின் கட்டமைப்புகளை அழித்தது. மேற்கூரைகள் பறந்தன. தொடர்ந்த முயற்சி செய்தும் பலனில்லை. அப்போது கேரளாவிலிருந்து (சின்மையானாந்தா கேரளத்தைச்சேர்ந்தவர் பூர்வாசிரமப் பெயர் பாலகிருஷ்ண மேனன்) வந்த தாந்திரிகள். பிரசன்னம் பார்த்து இந்த இடம் ஆஞ்நேயருடையது. அவருக்கு பூஜை செய்து கட்டிடப்பணிகளை தொடங்க வேண்டும் என்று சொல்லுகிறார்கள். அதன் விளைவாக எழுந்தது தான் ஆஸ்ரமத்தில் எங்கிருந்தாலும் நம்மை அன்புடன் பார்க்கும் இந்த பிரமாண்ட ஆஞ்நேயர். இன்றும் தினசரி இரண்டு வேளை பூஜை நடைபெறுகிறது.

இந்தப் பள்ளதாக்கில் பல கோவில்கள். அவற்றில் 200 கீமி சுற்றளவில் ஐந்து சக்தி பீடங்கள் முக்கியமானவையாகக் கருதப்படுகின்றன. ஜவ்வாலாஜி,பிரேஜ்ஸ்வரி,சிந்தப்பூரணி நைனா தேவி என்ற இந்த சக்திப்பீடங்களின் இன்றைய கட்டமைப்பு, வசதிகள் எல்லாம் திருவிழாக்காலங்களில் வரும் பெருங்கூட்டத்தைச் சொல்லுகிறது.

படு சுத்தமாக பளிச்சென்று மார்பிளிட்ட பிஹாரங்கள்,,தங்க வண்ணக் கூரைகள். மெல்லிய சாரலாக நீர் தூவும் கூலர்கள் எல்லாம் இருந்தாலும் சன்னதிகள் ஒருசிலர் மட்டுமே நுழையக்கூடிய அளவில் சிறியதாகியிருக்கிறது. சன்னதியில் அலங்கரிக்கப்ட்ட தேவி வடிவ உருவம் எதுவுமில்லாமல் இயற்கையாக எழுந்த சுயம்பு கற்கள் மட்டுமே. இவற்றை “பிண்டி” என்று அழைக்கின்றனர்.

ஜவாலஜி தேவி கோவிலில் மட்டும் ஒரு பாறையின் இடுக்கிலிருந்து இரண்டு இடங்களில் பல நூற்றாண்டுகளாக தொடர்ந்து இயற்கையாகவே எரிந்து கொண்டிருக்கும் ஒரு நெருப்புச்சுடர் தான் தேவி. அதற்குத்தான் பூஜை வேண்டுதல் எல்லாம்.

அந்த இளம் நீல வண்ணச்சுடர் எப்படி தொடர்ந்து எரிந்துகொண்டிருக்கிறது என்பது தான் ஆச்சரியம்

“இப்படி எல்லா தேவிகளையும் எல்லோராலும் ஒரே நாளில் பிராத்திக்க முடியாது. நீங்கள் ஆசி பெற்றவர்கள்” என்று சொன்னார் எங்களை அழைத்துப்போன காரின் டிரைவர் இந்தக் கோவில்களுக்கு வருவதால் நாள் முழுவது சாப்பிடாமலிருந்தார் அவர் .

இந்தப்பயணத்துக்குத் திட்டமிட்டபோது தலைலாமாவைச் சந்திக்க அனுமதியும் நேரமும் கேட்டிருந்தேன். தர்மசாலா வந்த பின் தொடர்பு கொள்ளுங்கள். இப்போது எதுவும் உறுதியாகச் சொல்ல முடியாது என்று பதில் வந்திருந்தது.

நாளை தலாய்லாமாவின் கோவிலில் அவருடைய செகரட்டரியை சந்தித்து பேசச் சொல்லி ஆஸ்ரமத்துக்கு தகவல் வந்திருந்தது.

நாளை போகவேண்டும்

+2

All reactions:

72Vidya Subramaniam, Manthiramoorthi Alagu and 70 others

தர்ம்சாலா-தபோவனம்-தலாய்லாமா 6

6 எங்கள் இரண்டு பேருக்கு மட்டும் ஒரு விமானம்

வெள்ளிப்பனிமலைகளின் பின்னணியில் வெள்ளைக்கூடாரங்களின் போர்டிகோவுடன் இருக்கிறதும் தரம்சாலா விமான நிலையம். பெயர் Kangra-Gaggal Airport சுற்றிலும் மலைகள் நிறைந்திருப்பதால் Gaggal கிராமத்தில் ஒரு சமதளப்பகுதியைத் தேடி கண்டுபிடித்து விமான நிலையத்தை அமைதிருக்கிறார்கள் Kangra என்பது இந்த மாவட்டத்தின் பெயர்.விமானநிலையம் மிகச்சிறியது. மாநிலத்தலைநகர் என்பதால் அரசாங்கப்பயணிகள் தான் அதிகம் இப்போது ஐபிஎல் மேட்சுக்க்ள் நடப்பதால் (அழகான ஸ்டேடியம்) அந்த சமயங்களில் பிஸியாகயிருக்குமாம். விமான நிலையம் இருக்கும் மாடுகள் மேய்ந்து கொண்டிருக்கும் கிராமத்தில் வேறு கட்டிடங்கள் ஹோட்டல்கள் எதுமில்லாதது ஆச்சரியம். .

நாங்கள் கவண்ட்டரில் போர்டிங் கார்ட் வாங்க காத்திருந்தபோது “ இன்று நீங்கள் இரண்டு பயணிகள் மட்டுமே இருப்பதால்…. என்று சொல்லிவிட்டு சிஸ்டத்தை ஆராய்ந்து கொண்டிருந்தார் அந்தப்பெண். சரி இன்று விமான சர்வீஸ் கேன்ஸல் என்று சொல்லி திருப்பியனப்பப் போகிறார். வந்த டாக்ஸியை வேறு திருப்பி அனுப்பி விட்டோமே? என்ற கவலை தொடங்கிய நிலையில் போர்ட்டிங் பாஸைக்கொடுத்து உங்கள் இருவருக்கும் மட்டும் இன்று விமானம் சிம்லா செல்லுகிறது. வாழ்த்துகள் என்றார்.

எங்கள் இருவருக்கும் மட்டும் ஒரு தனி விமானம் என்ற கேட்டவுடன் சிலிர்த்தது.

விமானத்தை பயணத்துக்கு ரெடி செய்து கொண்டிருந்த ஊழியர்கள் வாழ்த்து தெரிவிக்க விமானத்தில் ஏறியவுடன் எங்களுக்கு பின் வந்த கேப்டன் “குட் மார்னிங். எங்கே என் ஷம்பெயின்? சார்ட்டர் ஃபளைட்டில் கேப்டனுக்கும் க்குருவுக்கும் ஷாம்பெயின் கொடுப்பது வழக்கமாயிறே” என்றார்.

“விதிகளின் படி பைலட்கள் பயணத்தில் மது அருந்தக்கூடாது. சிம்லாவில் இறங்கியவுடன் ஷம்பெயின் சாப்பிடாத நாங்கள் விரும்பிச் சாப்பிடும் ஆப்பிள் ஜுஸ் சாப்பிடலாம்” என்றேன். மிக சத்தமாகச் சிரித்து “நான் ஷம்பெயின் கேட்டதற்கு கிடைத்த பதில்களில் இதுதான் பெஸ்ட்” என்றபடி காக்பிட்டுக்கு போனார்.

காலி சீட்டுகள் நிறைந்த அந்த விமானத்தில் நாங்களும் ஒரே ஒரு ஹோஸ்ட்டஸ் மட்டும் தான். பொதுவாக உணவு வழங்கப்படாத அந்த பயணத்தில் அன்று எங்களுக்கு காலை உணவு கொடுத்தார் அவர். . நிறைய பேசிக்கொண்டே வந்தார். பல ஆண்டுகளுக்கு முன் ஹனிமூன் போன சிம்லாவுக்கு இன்று மறுபடியும் போகிறோம் என்றது அவருக்கு ஒரே ஆச்சரியம். மொத்தப் பயணநேரம் 40 நிமிடம்தான்..

ஆனால் சிம்லா விமான நிலையத்திலிருந்து நகருக்குள் போக இரண்டு மணி நேரம் ஆனது. ,சிம்லா மிக மிக மாறியிருப்பதை உணர முடிந்தது. பசுமையான பைன்மரங்கள் நிறைந்த பள்ளதாக்குகள் முழுவதும் இப்போது கொத்து கொத்துகாக கான்கீர்ட் பூக்கள் மலர்ந்திருக்கிறது. வீடுகள் பள்ளதாக்குகளில் இருப்பதால் கார்களை - பென்ஸ்களைக் கூட குறுகிய சாலையின் ஓரங்களில் நிறுத்திவிட்டு மக்கள் சரிவான சிறு பாதைகளில் நடக்கிறார்கள் இந்த நெருக்கமான சாலைகளில் ஒருபுறம் முழுவதும் நிறைந்த பார்க்கிங் செய்யப்பட்ட கார்களினால் , சிம்லாவின் குறுகிய மலைச்சாலகள் இன்னும் சிறிதாகி அதில் செல்ல நீண்ட நேரமாகிறது.

அந்த நகரின் முக்கிய பகுதி 'மால்' என்று அழைக்கப்படும் சமதளப்பகுதி. அங்கிருந்து எந்தப்பக்கம் பார்த்தாலும் அழகான சிம்லாவின் பனி மிதக்கும் பள்ளதாக்குகள் தெரியும். மாலின் இரண்டு புறமும் காலரி மாதிரி அமைப்பில் மக்கள் அமர்ந்து சீசனை அனுபவிக்க வசதியிருந்தது.. அந்த மால்தான் இப்போது நம் கொடைக்கானல், ஊட்டி போல கிராமத் திருவிழா மைதானமாக மாறியிருக்கிறது. பலூன், பொம்மைகள் விலை மலிந்த மேக்கப் சாதனங்கள், பிளாஸ்ட்டிக் பொருட்களின் கூடாரக்கடைகள் கடைகள்- கூட்டம் கூச்சல்.

நடுவில் சிலையாக பாவம் வாஜ்பாய். அவர் முகத்தில் கோபம் தெரிவது போல எனக்குத்தோன்றியது. ஓரே ஆறுதல் மாலின் நடுவில் பிராமாண்டமாக தேசியக் கொடி பறப்பது.

பல ஆண்டுகளுக்கு முன் நாங்கள் பார்த்த லிப்ட் இப்போது பெரிதாக விரிவடைந்திருக்கிறது. சிம்லா மலைப்பாதைகளாலான நகரமாதலால் அந்த நகர் தொடங்குமிடத்திலிருந்து நகரின் அதிக பட்ச உயரத்திலிருக்குமிடத்துக்கு உள்ளுர் மக்கள் ஓவ்வொருமுறையும் ஏறி, இறங்கி சிரமப்பட வேண்டாம் என்று ஒரு மலையின் அடிவாரத்திலிருந்து மேல்பகுதிக்குச்செல்ல 50 ஆண்டுகளுக்கு முன் ஒரு லிப்ட் அமைத்திருந்தார்கள்

இன்று அதன் அருகில் ஒரு புதிய ராட்சத ஸைஸ் லிப்ட். 26 பேர் போகலாம் 1.5 நிமிடத்தில் பயணம் முடிகிறது. நுழைய, வெளியேற பெரிய பாதைகள், பாலங்களுடன் டூரிஸ்ட் அட்ராக்ஷனாகி டிக்கெட் வசூலிக்கிறார்கள். (உள்ளுர் காரர்கள் திட்டுகிறார்கள்)

இந்த சந்தை சந்தடிகளிலிருந்து விலகி சற்று அமைதியாகயிருக்குமிடத்துக்குப் போக முடிவு செய்து ஆராய்ந்ததில் இமயத்தின் பனிப்பாறைகளிலின் சுனைகளிலிருந்து உருவாகி திபேத்தின் வழியாக சட்லட்ஜ் நதி, சிம்லா பள்ளதாக்குகள் வழியாகத்தான் இந்தியாவுக்கும் நுழைந்து பஞ்சாப் மாநிலத்துக்குள் போகிறது என்பதைப் பார்த்து அதைப் போய்ப் பார்க்க வேண்டும் என்று திட்டமிட்டோம். .

பொதுவாக வரும் டூரிஸ்ட்கள் போவதில்லை. அட்வென்ட்சர் டூரிஸ்ட்கள் டெரக்கிங் போகிறவர்களுக்கான இடம் என்றார்கள்,

பராவாயில்லை பார்த்துவிடுவோம் என்று கிளம்பினோம்.

+4

All reactions:

81You, Vidya Subramaniam, Manthiramoorthi Alagu and 78 others

25

1

Like

Comment

Send

Share