ருத்தர தாண்டவம்

 

“அன்று நல்ல மழை பெய்துகொண்டிருந்தாலும் சாயங்கால பூஜைக்கு நல்ல கூட்டம். பூஜைகளை முடித்துவிட்டு கோவிலையும் மூடியபின் கோவில் வளாகத்திலேயிருக்கும் என் அறையில் இருந்தேன்.  இரவு 8 மணியளவில் வெளியே ஒரே சப்தம். பலர் கத்திய படி ஓடி வந்துகொண்டிருந்தனர்.  எட்டிபார்த்த நான் அப்படியே உறைந்துபோனேன். கோவிலின் பின்னால் உள்ள மலைசரிவில்  மேகங்கள் வெடித்து வானமே பொத்துக் கொண்டதுபோல பெரிய அளவில் வெள்ளம் வந்து கொண்டிருந்தது. வினாடியில் சுதாரித்து கோவிலுக்குள் ஒடுவதற்குள் வெள்ளம் வேகமாக கோவில் கம்பெளண்ட்  சுவரை உடைத்து பாய்ந்தது. கோவிலின் இரண்டுபக்கமும் ஆள் உயரத்திற்கு வெள்ளம்.  குருஆதி சங்கரரின் சமாதி இருந்த கோவில் உடைந்து அதிலிருந்த அவர் பளிங்கு சிலையும் மரகத லிங்கமும் அடித்து செல்வதை  பார்த்தேன். நாம் வாழ்வு இன்னும் சில நிமிடங்கள் தான் அது இந்த தெய்வ சன்னதியில் போகட்டும் என கோவிலிலே இருக்க தீர்மானித்தேன். என்னுடன் 8 பேர். வெளியே பெரிய இரைச்சலோடு வெள்ளம் போய் கொண்டிருந்தாலும் கோவிலின் உள்ளே மெல்லதான் நீர் உயர்ந்து கொண்டிருந்தது. இரவு முழுவதும் நின்று கொண்டே இருந்த நான் காலயில் சற்று மழை விட்டதும் வெளியே வந்து பார்த்தேன். வெள்ளம் வடிந்து கொண்டிருந்தது. ஆனால் கோவில் வாசலில் நிறைய பிணங்கள். ஊர் முழுவமே அழிந்து அடித்து செல்லபட்டிருந்தது. என்ன செய்வது என தெரியாமல் சற்று நடந்து பார்த்ததில் மலையின் மறுபக்தியில் மக்கள் நடமாட்டம் தெரிந்த்து. ஆனால் அங்கே போக  இடையில் ஒரு சின்ன ஓடையை கடக்க வேண்டும். எப்போது பாதம் தொட்டுமட்டுமே நீர் போகும் அதில் ஆள் உயரத்திற்கு தண்ணீர் போய்கொண்டிருந்தது துணிவுடன் மந்திரங்களை ஜபித்து கொண்டே நீந்தி கரைய அடைந்து 24 மணி நேரதவிப்புக்கு பின்னர்  ஹெலிகாப்டரில் வந்து அழைத்துபோனார்கள். 18 வருடமாக இந்த கோவிலில் பணி செய்கிறேன். பரம்பரையாக என் குடும்பத்தாரின் பணி இது. இதுவரை இத்தகைய கோரம் நிகழ்ந்ததாக சரித்திரமில்லை. ஏன் இப்போது சிவபெருமானுக்கு கோபம் வந்து சிவதாண்டவம் ஆடியிருக்கிறோ  தெரியவில்லை.” என்கிறார் கேதார் நாத் கோவிலின் அர்ச்சகர்களில் ஒருவரான ரவி பட். நிகழ்ந்ததை பார்த்து தப்பித்த சிலரில் ஒருவரான இவர்  பிபிசிக்கு அளித்த பேட்டியில் இதை சொல்லுகிறார். இப்போது டேராடுனுக்கு அருகிலிருக்கும் கிராமத்திலிருக்கும் ரவி பட்டின் கவலையெல்லாம் பெருமானுக்கு தினபூஜைகள் நைவேத்தியங்கள்  இல்லாது போய்விட்டதே என்பதுதான்.  

நம் நாட்டின் மிக பழமையான சிவன் கோவில்களில் ஒன்று கேதார்நாத். 12 ஜோதிர்லிங்களில் மிக முக்கியமானதாக கருதப்படும் இந்த கோவில் இமயமலைதொடரில் ஒரு பகுதியில் இருக்கிறது. உத்தர்காண்ட் மாநிலத்தில் ருத்தரபிர்யாக் பகுதியில் அமைந்திருக்கும் கோவில் ஒவ்வொரு ஆண்டும் ஏப்பரல் முதல் தீபாவளி வரைதான் திறந்திருக்கும். மீதி நாட்களில் பனிகொட்டிகொண்டிருக்கும் காலம் எனபதால் கோவில் மூடபட்டுவிடும்,கேதார் ஊரே காலியாகி மலை அடிவாரத்திற்கு இடம் பெயர்ந்துவிடும். பல லட்சகணகான யாத்திரிகர்கள் வரும் இந்த கோவிலுக்கு நேரடியான போக்குவரத்து வசதிகள் கிடையாது. கெளரி குண்ட் என்ற பகுதிவரை கார் பஸ் போகும் அங்கிருந்து  18 கீமீ மலையில் நடக்க  வேண்டும். குதிரை, பல்லக்கு களிலும் போகலாம்.  இமயமலையின் பல பகுதிகளில்  அருமையான ரோடுகளை போட்டு நிர்வகிக்கும் இந்திய ராணுவத்தின் ஒரு அமைப்பான பார்டர் ரோடு ஆர்க்னேஷேனின் தலமை அலுவலகம் டேராடுனில் இருந்தாலும்  என்ன காரணத்தோலோ இந்த இடத்தில் வாகனம் போகும்வகையில் ரோடுகள் அமைக்க படவில்லை. முழுவதும் நடந்து ஏற  முடியாது போய்விடுமோ என்ற பயத்தில் பலர் குதிரையில்பயணம் செய்வார்கள். 1000க்கும் மேல் குதிரைகள் இருக்கின்றன. ஒவ்வொரு குதிரையுடன் ஒரு  12 வயது பையன் “கைடு” ஆக வருவார். கோவிலை அடைய 4 மனிநேரம் ஆகும். அவர் கார்வாலி மொழியில் பேசிகொண்டே வருவார். பேசுவது நம்முடனா குதிரையுடனா என்பது புரியாது. தரிசனம் முடிந்து திரும்பி வரும்வரை காத்திருந்து சரியாக நம்மை அடையாளம் கண்டு  பாதுகாப்பாக அழைத்து வருவார்கள். இந்த வெள்ளத்தில்  இந்த குதிரைகளும், அந்தகைடுகளும் பெருமளவில் காணமல் போயிருக்கிறார்கள்

கோவில் சிறியது. எந்தவிதமான சாரளமும் இல்லாமல் கற்கள் அடுக்கிகட்டபட்ட கோவில்  அந்த கடும் குளிரிலும் காலை 4 மணிக்கு பூஜை துவங்கும்  உள்ளே சன்னதியில் அம்ர்ந்து நீங்களே அபிஷேகம் ஆராதனை செய்யலாம். உள்ளே இட வசதிகுறைவினால் வெளியில் நடுங்கும் குளிரில் காத்திருக்க வேண்டும், கோவில் ஒரு மலைச்சரிவில்  அமைந்திருக்கிறது.

கோவிலை சுற்றி  எழுப்ப பட்டிருக்கும் சுவரில் திருநாவுகரசரின் உருவமும் இந்ததலத்தை பற்றிய அவரது பாடல் வரிகள் தமிழிலும், ஹிந்தியிலும் சம்ஸ்கிருத்திலும் பொறிக்க பட்ட கல்வெட்டுகள். தமிழ்நாட்டு நகரத்தார் உபயம்.  சற்று தள்ளி ஆதி சங்கரர் தன் ஒரே சொத்தான தண்டத்தை துறந்து இமயத்தின் உச்சியை நோக்கி நடந்த இடத்தை குறிக்கும் வகையில் ஒரு கைமட்டும் தண்டத்துடன்  எழுப்பட்ட சின்னம். இவையெல்லாம் இருந்த இடம் அடையளாம் தெரியவில்லை. ஆனால் இந்த 8 நூற்ராண்டு கோவில் மட்டும் அப்படியே நிற்பது ஆச்சரியம்  

கோவில் அருகில் பெரிய அளவில் நதி கிடையாது.  (ஒரு காலத்தில் இருந்திருக்கிறது) ஒவ்வொரு ஆண்டும் மழைக்காலங்களை இந்த பகுதி சந்திக்கிறது. இதற்கு முன்பும்கூட பலமுறை இமயமலையில் பெரும் மழை கொட்டித் தீர்த்திருக்கிறது அப்படியிருக்கும்போது இந்த கோவிலில் வெள்ளம் எப்படி சூழ்ந்தது ?  1000 ஆண்டுகாலம் இல்லாமல் எப்படி இந்த பயங்கர  விபத்து  இப்போது நிகழந்தது?

மழையும் வெள்ளமும் இயற்கையின் சீற்றமாமக இருக்கலாம் ஆனால் ஆனால் இந்தப் பேரழிவுக்கான பழியை இயற்கை மீதுபோடுவது தவறு. . இது Man Made Disaster க்கு  மனிதர்களின் செயலே காரணம் என்கிறார்  உத்தர்கண்ட் பகுதி சுற்றுச் சூழல் ஆராய்ச்சியாளர் மகராஜ் பண்டிட்.

உத்தர்கண்ட் மாநிலம் உருவான காலத்திலிருந்தே அவர்கள் சந்தித்த மிகபெரிய பிர்ச்சனை மின்பற்றாகுறை. ஜீவ நதியான அலக்நந்தா (கங்கை) இருந்தும் மாநிலத்தின் மின் தேவைக்கு அண்டைமாநிலங்களை நாட்வேண்டியிருந்தது. மாறிவந்த அரசுகள் தொடர்ந்து  சிரு சிறு அளவில் மலைப்பகுதிகளில் மின் உற்பத்தி நிலையங்களை  அமைக்க துவங்கின. இன்னும் 90நிலையங்களுக்கு திட்டமிடபட்டிருக்கிறது. இந்த மின் நிலையங்களின்  தேவைக்கு ஏற்ற பல இடங்களில் நதிகளின் போக்குகள் திருப்பிவிடபட்டன. கங்கையின் மற்ற முக்கிய துணையாறுகளான பாகீரதி 80 சதவீதமும், அலக்நந்தா 65 சதவீதமும் பாதை மாற்றப்பட்டுள்ளன, மின் திட்டங்கள் மற்றும் அணைக்கட்டுகளுக்காக. மற்ற சிறிய ஆறுகள் 90 சதவீதம் அதன் போக்கிலிருந்து திருப்பிவிடப்பட்டுள்ளன..

 அவற்றில் ஒன்று கேதார் கோவிலுக்கு அருகில் சென்ற மந்தாகினியின் பிரிவு, 10 ஆண்டுகளுக்கு முன்னரே இது செய்யபட்டுவிட்டது கேதார்நாத் மூன்று மலைகளுக்கிடையே இருக்கும் சிறு பள்ளதாக்கு, ஒன்றின் உச்சிக்கு பெயர் ”கேதார் டோம்”. இது ஒரு பனிச்சிகரம். இந்த சிகரம்தான் உடைந்து அதன் கீழே உள்ள சர்பால் ஏரியில் விழுந்தது. இது கோவிலுக்கு 6 கீமீ தொலைவில் இருக்கிறது, அன்று ஏற்கனவே பேய் மழை பெய்து கொண்டிருந்தாதால் ஏரி நிரம்பிக்கொண்டிருந்தது. பல ஆயிர கன அடி தண்ணீராக  பனிசிகரம் கேதார் டோம் இந்தஏரியில் விழுந்தவுடன் ஏறி உடைந்தது. வெளியேறிய நீர் ஒரு ”இமாலய சுனாமி “யை உருவாக்கியதால், மந்தாகினி ஆறு தனது பழைய பாதையைதே தேடி பெரும் வேகத்தில் வழியிலிருந்து மனிதர்கள், கட்டடங்கள், வாகனங்கள் அத்தனையையும் வாரிசு சுருட்டி வீசிவிட்டு ஓடியது. அதன் விளைவாக  மலையின் கீழ்பகுதியாக இருக்கும் ரிஷிகேஷில் கங்கை கரையில் இருக்கும்  14 அடி உயர சிவன் சிலை முழுகும் அளவிற்கு தன்சீற்றத்தை காட்டியது

கரையின் இருபுறமும் வெள்ளம் அழித்த கட்டிடங்களில் 90%க்கு மேல் அனுமதி பெறாதவை, அரசியல் வாதிகளுக்கு சொந்தமானவை. ரோடு அருகில் ஒருசின்ன இடத்தை வாங்கி அதையொட்டி இருக்கும் மலைச்சரிவிலும் ஆற்று படுகைகளிலும் ராட்சத கான்கீரிட் தூண்களை எழுப்பி அதன் மீது விரிந்த பரப்பில் உருவாக்கிய கட்டிடங்கள்.  இந்த பேரழிவில் சிக்கிய யாத்திரிகர்களையும் அவர்களை மாநில அரசுகள் மீட்டதைபற்றியும் மீடியாக்கள்  எழுதிதள்ளுகின்றன.  ஆனால் மிக அதிக அளவில் பாதிக்கபட்டிருபது அந்த மலைச்சரிவின் 200கிராமங்களின் மக்கள்.. அவர்களில் பலருக்கு வாழ்வாதரம் இந்த கோவில்தான். மாநில மக்கள் தொகை ஒரு கோடி, வரும் டூரிஸ்ட்கள் 2.5 கோடி. பலருக்கு 6 மாதசீஸன் வருமானத்தில் ஒராண்டு வாழக்கை. அடுத்த 3 ஆண்டுகளுக்கு இவர்களுக்கு வாழ வேறு வழியில்லை.

இயற்கையின் சீற்றம் ஒவ்வொருமுறையும் நமக்கு  ஒரு பாடம் சொல்லிதரும். இம்முறை நதிகள் சொல்லியிருப்பது காடுகளை அழித்து, எங்கள் போக்கை மாற்றினால் ஒரு நாள்-  பெரும் அழிவிற்கு பின்  நாங்களே  அதை சரிசெய்து கொள்வோம்.  \

அழகிய காதலிக்காக ஒரு ஆழ்கிணறு

 2

 குஜராத் பயணம் 2 

குஜராத் மொழியில் வாவ் என்று சொன்னால் படிக்கட்டுகளுடன் உள்ள ஆழ் கிணறு என்று அர்த்தம். அஹமதாபாத் நகருக்கு அருகில் 18 கீமீ தொலைவில் இருக்கும் அடலாஜி என்ற கிராமத்தில் இருக்கும் இந்த கிணற்றை பார்ப்பவர்கள் பிரமித்துபோய் ஆச்சரியத்தில் சொல்லுவது “ "வாவ்”. கலைநயம் மிளிரும் தூண்களுடன் நிற்கும் ஐந்து பெரிய தளங்கள். மலர்கள், பறவைகள் யானைகள் என்று அழகான சிற்பங்களுடன் அதன் பக்க சுவர்கள், வழவழப்பான அதன் தரைகள்,. இவ்வளவும் பூமிக்கு அடியில். 300 அடிகள் ஆழத்திற்கு அமைக்கபட்டிருக்கிறது. எண்கோண வடிவில் பிரமாண்டமாக அமைக்க பட்டிருக்கும் இதன் மூன்று பக்கங்களிலும் இருக்கும் அகலமான படிகள் கிழே முதல் தளத்திற்கு இட்டு செல்லுகிறது. அங்கிருந்து கிழே தண்ணீர் இருக்கும் பகுதிக்கு இறங்க வசதியாக  அமைக்கபட்டிருக்கும் 344 படிக்கட்டுகளின் பக்க சுவர்களை இணைத்து வட்டவடிவில் தளங்கள். எளிதாக நூறுபேர் அமரலாம். அவற்றிலிருந்து கிழே கிணற்று நீரை பாதுகாப்புடன் பார்க்க சுற்று சுவர்கள், மாடங்கள். தள சுவர்களில் சமஸ்கிருத எழுத்துக்களில் ஸ்லோகங்கள், சிற்பங்கள் இந்த கிணற்றின் கதை எல்லாம். இதை ஒரு கிணறாக மட்டுமில்லாமல் மக்கள் கூடும் பலவகை பயன்பாட்டிருக்கு உதவும் ஒரு சமூதாய கூடமாக அமைக்கபட்டிருப்பது புரிகிறது  இதைஎல்லாம் விட ஆச்சரியம். 300 அடை ஆழத்தில் அண்டர்கிரவுண்ட்டில் இருக்கிறோம் என்பதை மறக்க செய்யும் வெளிச்சமும் காற்றும்.வெளியே அனலாக கொதிக்கும் ஏப்பரல் மாத அஹமதாபாத்தின் தாக்கமே இல்லாமல் இதமான சுழல்.

கட்டிட கலையில் மிக சவலானது நிலத்தடியில் கட்டிடம் எழுப்பவது. அதுவும் சரியான இடத்தில் ஒரு வற்றாத ஆழ்கிணற்றின் நீர் நிலையை கண்டுபிடித்து (இன்றும் அதில் தண்ணீர் இருக்கிறது) அதில் பருவகாலத்தில் அதிகபட்ச நீர் நிறையும்இடத்தைகணக்கிட்டு  மேல் நோக்கி கலைநுணுக்கத்துடன் தளங்களைஎழுப்பி இணைத்திருப்பது ஒரு சாதனை.. 15ஆம் நூற்றாண்டிலேயேஇதை இந்திய கட்டிடகலைஞர்கள் சாதித்திருக்கிறார்கள் என்பதற்கு சாட்சியாக நிற்கும் இது,  தாஜ்மஹாலைப்போல ஒரு காதல் சின்னம் என்பதை அதன் சுவர்களிலிருக்கும் கல்வெட்டுக்கள் சொல்வது  நம் ஆச்சரியத்தை இன்னும் அதிகமாக்குகிறது.

15ம் நூற்றாண்டில் இந்த பகுதியை ஆண்ட மன்னன் ராணா வீர்சிங். அவரது காதலித்து மணம் புரிந்த கொண்டது ரூபா என்ற அழகிய கிராமப் பெண்ணை..தன்னைப்போல தன் ஊர் மக்கள் தண்ணீருக்காக நீண்ட தூரம் நடப்பதை தவிர்க்க தங்கள் காதலின் நினைவு பரிசாக தன் கிராம மக்களுக்கு ஒரு அழகான கிணற்றை நிர்மாணிக்க வேண்டினார் ருபா. மகிழ்ச்சியுடன் சம்மதித்த மன்னர் உடனே செய்ய துவங்கினார். ஆனால் 3 வது மாட பணிகள் நடந்து கொண்டிருந்தபோது, அந்த காலகட்டத்தில் வேகமாக பரவி வந்த முகமதியர் படைஎடுப்பினால் பக்கத்து நாட்டு முகமதிய மன்னன் தொடுத்த போரில் ராணா வீர்சிங்  கொல்லபட்டு நாடு முகமதியர் வசமாகிறது. முகமதிய மன்னர் ராணி ரூபாவின் அழகில் மயங்கி தன் காதலை அவரிடம் சொல்ல,ராணி ரூபா சொன்ன ஒரே நிபந்தனை இந்த கிணற்றின் பணியை முடித்து மக்களுக்கு கொடுங்கள் நான் உங்கள் மனைவியாகிறேன் என்பது தான்.

கட்டிட பணி தொடர்கிறது. ரஜபுத்திர கட்டிடகலைபாணியில் துவக்கபட்ட கிணற்றின் கடைசி இரு மாடங்கள் முகமதியர் பாணியில் முடிக்கபடுகிறது. மக்களுக்கு அர்பணிக்கும் விழாவின் மறுநாள் திருமணம் என்ற நிலையில் ரஜபுத்திர பெண் ரூபா அந்த கிணற்றை வலம் வந்து அதில் விழுந்து தன் உயிரை போக்கி கொள்ளுகிறார். அதற்கு சில நாட்கள் முன்பு அருகிலிருக்கு ஸ்வாமி நாராயணன் கோவிலின் தலமையிடம் தான் செய்ய போகும் காரியத்தையும் தன் மரணத்திற்கு பின் கிணற்று நீரை புனிதபடுத்த வேண்டிய சடங்குகளைசெய்யது மக்கள் பயன்படுத்தஉதவ வேண்டும் என்று வேண்டியிருக்கிறார். (இது அந்த கோவிலிலும் பதிவு செய்யபட்டிருக்கிறது). தான் ஏமாற்றபட்டவிட்ட கோபத்தில் முகம்மதிய மன்னன் இதை இடித்து தள்ளாமல் விட்டதைவிட ஆச்சரியம் தகுந்த பாதுகாப்புடன் மக்கள் அதை பயன்படுத்த அனுமதித்ததுதான். அவரின் ஒருதலைகாதலின் சின்னமாக இருக்கட்டும் என விட்டிருக்கலாம் என சில சரித்திர ஆசிரியர்கள் எழுதியிருக்கிறார்கள்.

அழகான, ஆழமான இந்த கிணறு இரண்டு மன்னர்களும் காதலித்தது ஒரு பெண்ணை மட்டுமில்லை கட்டிடகலையையும் தான் எனபதை நமக்கு சொல்லுகிறது.

படங்களை ஸ்லைட் ஷோவில் பார்க்கலாம் 

பெரிய அண்ணன் பார்த்து கொண்டிருக்கிறார்,

உங்கள் ஈ மெயில், பேஸ்புக், டிவிட்டர், பிளாக்இண்டர்நெட்டில் அனுப்படும் போட்டோக்கள், ஸைக்ப்பில் பேசுவது, யூடூபில் பார்ப்பது, அனுப்புவது எதுவாக இருந்தாலும் அமெரிக்க உளவுதுறையால் எப்போது வேண்டுமானாலும் உங்கள் இண்ட்ர்னெட்டின் சர்வரிலிருந்து நேரிடையாக பெற்று பார்க்க முடியும். தொடர்ந்து கண்காணிக்கவும் முடியும்.  அதற்கான அதிகாரமும்  அத்தனை வசதிகளும் அவர்களிடமிருக்கிறது. .  ஆப்பிள், மைக்ரோசாப்ட். குகூள், யாகூ போன்ற எல்லா நிறுவனங்களும் இதற்கு உதவ ஒப்பந்தம் செய்து  கொண்டிருக்கின்றன,இந்த திட்டத்திற்கு பிரிசம்”PRISM என்று பெயர்  ”உலகம் முழுவமுள்ள தனி மனிதர்களின்  சுதந்திரத்தில் தலையிடும் மிகப்பெரிய குறுக்கீடு, மனித உரிமை மீறல் இது என்ற அதிர்ச்சியான தகவலை கடந்த வாரம் அமெரிக்காவின் புகழ் பெற்ற தினசரி கார்டியன்” வெளியிட்டிருக்கிறது கார்டியன் இதழ் அதன் நம்பகமான செய்திகளுக்கும், ஆணித்தரமான தலையங்களுக்கும் பெயர் பெற்றது. தொடர்ந்து வாஷிங்டன் போஸ்ட் தினசரியும்  இது பற்றி ஒரு கட்டுரையை வெளியிட்டிருக்கிறது.

NSA நேஷனல் தேசீய ஏஜென்ஸி என்பது அமெரிக்க உளவு துறையின் 

ஒரு அங்கம் 1952லேயே துவக்கபட்ட இது முதல் 20 ஆண்டுகள் எங்கிருந்து இயங்குகிறது எனபதே தெரியாத அளவிற்கு ரகசியமானதாக இருந்தது. NSA என்றால் ”நோ ஸ்ச் ஏஜென்சி” என்று கூட கிண்டல் செய்யபட்டது. 1975ல் ”இது வெளிநாடுகளில் அமெரிக்க பாதுகாப்புக்கு ஏதிராக நடவடிக்கைகளில் ஈடுபடும் சந்தேகத்திற்குரிய நபர்களின் செய்தி தொடர்புகளை கண்காணிக்கிறது. அமெரிக்க மக்களின் தனிநபர் சுதந்திரத்தில் தலையீடுவதில்லை” என்று இதன் அன்றைய தலைவர்  அமெரிக்க நாடளுமன்றத்தில் ஆஜாராகி தெரிவித்தார். ஆனால் இந்த நிறுவனம்தான்  இப்போது அமெரிக்கா மட்டுமில்லை உலகம் முழுவதும் உள்ள அத்தனை பேரின் அந்தரங்களுக்குள்  ஊடூருவும் சர்வ வல்லமை பெற்றிருக்கிறது.. இது அமெரிக்க அதிபரின் அனுமதியையும் பெற்றிருக்கிறது என்கிறது கார்டியன். NSA இன்று ஆண்டுக்கு 20 கோடி டாலர் பட்ஜெட்டில் 1000பேருக்கு மேல் பணியாற்றும்-(பலர் ராணுவ சேவை எனற போர்வையில்) - நிறுவனம். பல வெளிநாடுகளில் அலுவலகங்கள் எனஇன்று உலகின் மிகப்பெரிய கண்காணிப்பு நிறுவனமாக பிரமாண்டமாக வளர்ந்திருக்கிறது. இதன் கண்காணிப்பு பட்டியலில் 5 வது இடத்தில் இருப்பது இந்தியா. கடந்த மார்ச் மாதம்மட்டும்  இவர்கள் ஆராய்ந்திருப்பது 63 லட்சம் இந்திய செய்திகளை!

அமெரிக்க சட்டத்தின் படிஒரு அமெரிக்கரின் அல்லது வெளிநாட்டாவரின் போன் அல்லது எந்த ஒரு செய்தி தொடர்புகளை கண்காணிக்க வேண்டுமானால் அரசு அதற்கென மட்டுமே இயங்கும் ஒரு கோர்ட்டில் ரகசிய ஆணையை வாரண்ட்டாக பெற வேண்டும். இது செனட் கமிட்டிக்கு தெரிவிக்கபடும். ஆனால் இப்போது இது NSA வின் நடவடிக்கைகளுக்கு பொருந்தாது என அமெரிக்க அதிபர் விசேஷ அதிகாரம் அளித்திருக்கிறார். அதனால் அவர்கள் எப்போது வேண்டுமானலும் யாருடைய கணக்கையும் கண்காணிக்க முடியும். இந்த அதிகாரம் புஷ் அதிபராக இருந்தபோது வழங்கபட்டது. ஒபாமா அதன் ஆயூட்காலத்தை இப்போது நீடித்திருக்கிறார். ஒபாமா தன் முதல் தேர்தலில்”புஷ் நிர்வாகத்தில் அமெரிக்க மக்களின் தனி உரிமைகளில் அரசாங்கத்தின் தலையீடுகளை” கண்டித்தவர்.

 செய்தி வெளியாகி ஊடகங்கள் கலக்கி கொண்டிருந்தபோது , ”பிரிஸமா ?” அப்படி ஒன்றும் எங்களுக்கு தெரியாதே!. நாங்கள் கோர்ட் கேட்கும் தகவல்களை மட்டுமே கொடுப்போம். எங்கள் வாடிக்கையாளர்களின் செய்திகளை நாங்கள் யாருடனும் பகிர்ந்து கொள்வதில்லை என எல்லா இண்ட்ர்நெட் சேவை நிறுவனங்களும் தெரிவித்தன. எல்லா கம்பெனிகளின் அறிக்கைகளூம் ஒரே மாதிரியான வாசகங்களை கொண்டிருப்பதிலிருந்தே உண்மை புரிய வில்லையா? என கேட்கிறது வாஷிங்டன் போஸ்ட்.  கார்டியன் வெளியிட்ட செய்திகள் முழுவது உண்மையில்லை என சொல்லும் NSA வின் தலைவர் கண்காணிக்க படுவதை மறுக்க வில்லை.  அமெரிக்க அதிபர் ஓபாமா ”தேச நலனுக்காக செய்யபடும் விஷயங்களில் எந்த நிர்வாகமும் 100% வீத பாதுகாப்பும், 100% தனிஉரிமையையும் 0% யாருக்கு தொல்லையில்லாத வாழக்கையை எல்லோருக்கும் அளிக்க முடியாது” என்று  சொல்லியிருப்பது அவரின் ஆசியுடன் தான் இந்த விஷயங்கள் நடைபெறுகிறது என்பதை உறுதி செய்கிறது. பிரிஸம் பிரிவினருக்கு பயிற்சி அளிக்க தயாரிக்க பட்டிருந்த 41 ஸ்லைட்(power point slides) கள் கார்டியனிடம் சிக்கியதால் வெளிச்சதிற்கு வந்த விஷயம் இது. எப்படி இந்த அதி ரகசிய ஆவணம் லீக் ஆனது? என்பதை விசாரிக்க உயர்மட்ட குழு அமைக்கபட்டிருக்கிறது. மக்கள் நலன் கருதி சொன்னது நான் தான் என எட்வர்ட் என்பவர் அறிவித்திருக்கிறார். இவர் முன்னாள் ஊழியர்.

இணையஉலக வாசிகள் அதிர்ந்துபோயிருக்கிறார்கள். அமெரிக்காவில் எதிர்க்ட்சிகள் நாடளுமன்றத்தில் எழுப்ப காத்திருக்கின்றன. மீடியாக்கள்எதிர் குரல் எழுப்பிகொண்டிருக்கின்றன. இந்தியாவில் அகில இந்திய சேவை வழங்குவோர் சங்கம், அமைச்சர் கபில் சிபிலை சந்தித்து பிரச்சனை குறித்து பேசவிருக்கிறார்கள்.

ஏது எப்படியோ இனி மெயில் எழுதும்போது பேஸ்புக் கமெண்ட் போடும்போது ஜாக்கிரதையாக (தலைவர் ஒபாமா வாழ்க?) எழுதுங்கள்.  பெரிய அண்ணன் பார்த்து கொண்டிருக்கிறார்,    

இன்னும் ஒரு காந்தியாக..

குஜராத் பயணம் 1

     

அஹமதாபாத்திலிருந்து காரில்போய் பஞ்ச துவாரக்களையும் அதில் ஒன்று ராஜ்ஸ்த்தான் எல்லயில் இருப்பதால் அதனருகிலிருக்கும் புஷ்கர் பார்க்க  7 நாள் பயண திட்டம். துவாரகா அருகில் இருக்கும் சோமநாத் கோவிலை பார்க்க போகும் 7 மணிநேர பயனத்திற்கு முன் அஹமதாபாத்தில் சில மணிகளை செலவிட்டு போகலாம் என்று முதலில் போன இடம் அண்ணல் காந்தி அடிகள் வாழ்ந்த சபர்மதி சேவாஸ்ரம். அந்த இடத்தை மீயூசியமாக மாற்றியிருக்கிறார்கள்.

ஓடுவேயந்த தாழ்வாரம் வடிவில்  கான்கீட்டில் வடிவமைக்கபட்ட 6 பட்டை வடிவ கூடம். இயற்கையான வெளிச்சம் வரும்படியான சுழலில் நிறைய படங்கள் காந்தியின் இந்த தேசத்தின் கதையை சொல்லுகிறது. நிறைய நேரமும், பொறுமையும் சரித்திர நேசிக்கும் தன்மையும் வேண்டும். சில படங்கள் இதுவரை நாம் எங்குமே பார்க்காதது. காந்தியின், அவர்பற்றிய புத்தகங்கள் நிறைந்த நூலகம் இருக்கிறது. ஆராய்சியளர்களுக்கு மட்டும்தான் அனுமதியாம்.

வெளியே பெரிய தோட்டம். காந்திகாலத்தில் பெரிய திடலாக இருந்திருக்கும் போல. ஆஸ்ரமத்தை ஒட்டிய படி சமர்மதி நதி போகிறது. இப்போது அதை லண்டன் தேம்ஸ் அளவிற்கு அழகுபடுத்த  முதல்வர் மோடி திட்டமிட்டிருக்கும் வேலைகள் நடப்பதால் நதி எங்கியோ திருப்ப பட்டு காய்ந்து கிடக்கிறது. அதை நோக்கியிருக்கும் பிராத்தனை திடல். இது காந்தியின் வாழக்கையில் முக்கிய இடம். பல விஷயங்கள் அறிவிக்கபட்ட இடம் என்ற குறிப்பை நிறுத்தியிருக்கிறர்கள். அவர் வாழ்ந்த ஹிருத்ய குஞ் வீட்டை பார்த்தவுடன் அதை முதன்முதலில் பார்த்த ஆட்டன்ப்ரோவின் காந்தி படம் நினைவிற்கு வந்தது.உள்ளே பார்த்தபோது இந்த சின்ன இடத்திலிருந்தா இந்த மனிதன் உலகத்தையே கவனிக்க செய்தார் என ஆச்சரியமாக இருந்தது. நுழையுமிட்த்தில் ஒருவர் ராட்டையில் நூல் நூற்றுகொண்டிருந்தார். ஸ்ரீவில்லிப்தூர் வீட்டில் என் தாத்தா டாக்டர் நாராயண அய்யர் தினமும் நூற்று அந்த நூலை கதர் கடையில் கொடுத்து கதர் துணி வாங்கி அதை தானே சட்டையாக தைத்துபோட்டுகொள்வது நினைவலைகளாக தொட்டுபோனது. வெளியே

சற்று தள்ளி வினோபாவே வாழந்த இடத்தை  பார்த்த்தும் ஒரு கணம் மூச்சே நின்றுவிட்டது. எவ்வளவு எளிமையான வாழ்க்கையை நமது தலைவர்கள் வாழ்ந்து காட்டியிருக்கிறார்கள்?.

ஓவ்வொரு இந்தியனும் இதை பார்க்கவேண்டும் தன் குழந்தைகளுக்கு காட்டவேண்டும் என தோன்றுகிறது. பணம்கொட்டும் குஜராத் மாநிலம் இதை இன்னும் வெளிநாடுகளில் இருக்கும் நினைவுதலங்கள் போல சிறப்பாக அமைக்கலாம். ஒலி ஓளிகாட்சி,காதில் மாட்டிக்கொள்ளும் வசதியுடன் விளக்க உரை தரும் சிடிபேளையர்கள், கதைகள் சொல்லும் கைடுகள் என நிறைய செய்யலாம். காந்தி சம்பந்த பட்ட சினிமாபடங்களை காட்டும் காட்சிகூடம் அமைக்கலாம். காந்தியை பிடிக்காத பிஜேபிகாரகள் செய்யாவிட்டால் கூட   ஒரு காந்தியாக வரப்போகும் ராகுல் காந்தியாவது செய்யவாரா?செய்ய வேண்டுமம்
அஹமதபாத்தை ரொம்பவும்  மாற்றிகொண்டிருக்கிறார்கள்.பஸ்க்கு தனிபாதை-டிராக்,

நகரின் நடுவே ஒடும் நதியை அழகாக்குவது, பரோடாவை இணக்க எக்ஸ்பிரஸ்வே எல்லாம். இதில் கார்களுக்கும் பஸ்களுக்கும் மட்டுமே அனுமதி. மீனிமம் ஸ்பீடு 100கிமீ.ரோடில் நடந்தால் 1000 ருபாய் பைன் அல்லது ஜெயில். அஹமதாபாத்திலும் சோம்நாத் போகும் வழியில் பார்த்தவைகளில் சில படங்களை இந்த பக்கத்தின் மேலுள்ள பயாஸ்கோப்பை கிளிக் செய்து open in new window வை கிளிக் செய்தால்  ஸ்லைட் ஷோவில் பார்க்கலாம்

கண்ணன் கடந்த பாதையிலே

GANDHI AND GODSE

மாலனின் ஜனகன மண வை  சாந்தி சிவராமன் 

ஆங்கித்தில் மொழிபெயர்த்திருக்கிறார்.Indian Writing   வெளியிட்டிருக்கிறது.

மூலத்தை அப்படியே பிரதிபலிக்கும் நல்ல மொழிபெயர்ப்பு.

“ஏர்போர்ஸ் ஒன்” என்பது அமெரிக்க  ஜனாதிபதிகள் மட்டும் பயன் படுத்தும் விமானம். சகலவசதிகளுடனும் மிகுந்த பாதுகாப்பு ஏற்பாடுகளுடனும்  இருக்கும் இந்த விமானத்தை அமெரிக்க அதிபர்கள் தங்கள் உள்நாட்டு வெளிநாட்டு பயணங்களுக்கு  பயன்படுத்துவார்கள். அதிபர் குடும்பத்தினர், அவரது விருந்தினர்கள் மட்டுமே பயணிக்கும் இந்த பெரிய விமானத்தில் குறைவான இருக்கைகள் அதிகமான வசதிகள். அதிபருக்கு வெள்ளமாளிகை “ஓவல் ஆபிஸ்” போல ஒரு  அறை,குடும்பத்தினருக்கு தனி அறைகள், ஜிம்,  அதிகாரிகள் கூட்டத்திற்கான கான்பிரன்ஸ்ரூம்,தொலைதொடர்பு வசதிகளுடன் பத்திரிகையாளர்கள் அறை, அதிபரின் குரூப் ரத்ததின் சேமிப்புடன் ஒரு குட்டி ஆஸ்பத்திரி  என எல்லாம் இருக்கும்.

அவசியமானால் பறந்துகொண்டிருக்கும்போதே மற்றொருவிமானத்திலிருந்து பெட்ரோல் நிரப்ப வசதி,  தரையிலிருந்து பாயும் ஏவுகணைகள் விமானத்தை தாக்க முடியாத பக்க சுவர்கள் போன்ற பாதுகாப்பு வசதிகள்,  வாஷிங்டனிலுள்ள வெள்ளை மாளிகையுடன் எப்போது தொடர்பிலிருக்கும் ஹாட்லைன். உலகின் எந்த நாட்டு அதிபரையும்  தொடர்புகொள்ளும் வசதியுள்ள டெலிபோன்கள் போன்ற சகல வசதிகளுடன் கூடிய  ஒரு பறக்கும் ”வெள்ளை மாளிகை” இது

1990லிருந்து அமெரிக்காவின் முன்னாள் அதிபர்கள் ஜெரால்ட் ஃபோர்ட், ஜிம்மி கார்ட்டர், ரொனல்ட் ரீகன், ஜார்ஜ் எஸ்.புஷ், பில் கிளிண்டன், ஜார்ஜ் டபிள்யு.புஷ் ஆகியோர் பயணம் செய்த போயிங்  DC9-32 வகையை சேர்ந்த இந்த ஏர்போர்ஸ் ஒன் விமானத்தை  இப்போது ஏலம் போடபோகிறார்கள். இதைவிட இன்னும் அதிகமான பாதுகாப்பு  மற்ற வசதிகளுடன் கூடிய புதிய விமானத்தை அதிபர் ஒபாமாவின் பயன்பட்டிற்காக வாங்கியிருப்பது தான் காரணம். இம்மாதிரி அதிபரின் ஏர்போர்ஸ் ஒன்  விமானத்தை ஏலம்போடுவது இதுதான் முதல்முறை.  ஆன்லைனில் நடைபெறும் இந்த ஏலத்திற்கு 50000 டாலர்கள் குறைந்த பட்ச தொகை என்று நிர்ணயத்திருக்கிறார்கள்.  ”நாங்கள் இப்படி ஒரு சரித்திர சம்பங்களுக்கு சாட்சியான அரிய பொருளை அடிக்கடி விற்பதில்லை. வாய்ப்பை பயன்படுத்திக்கொள்ளுங்கள் என விளம்பரபடுத்தி எவரும் பங்குகொள்ளகூடிய ”ஆன்லைன்” ஏலத்தை அறிவித்திருக்கிறது GSA(Govt. Service Agency). இவர்கள் தான் அமெரிக்க அரசாங்க அலுவலக சொத்துகளை பராமரிப்பவர்கள்.   ஏலத்தில் கேட்கபடும் அதிக தொகைக்கு விமானம் விற்கபடும்.. அரிசோனா மாநிலத்தில் போனிக்ஸ் விமான நிலையத்தில்  நிற்கும் இந்த விமானத்தை அப்படியே அங்கிருந்து எடுத்து செல்லும் பொறுப்பு வாங்குகிறவர்களுடையது

விமானத்தை வாங்கியவர்கள் ”ஏர் போர்ஸ் ஒன்” என்ற பெயரையோ அல்லது அதிபரின் சின்னத்தையோ பயன்படுத்தமுடியாது. ஏனென்றால் ஏர்போர்ஸ் ஒன் என்பது அமெரிக்க அதிபர் பயணம் செய்யும்  விமானத்தின் அடையாள எண்.  அதிபர் அந்த விமானத்தில் இருந்தால் மட்டுமே அந்த பெயரால் அழைக்கபடும் என்கிறது அமெரிக்க விமானதுறை சட்டம். .இது மிக அதிகமான் செலவில்  தயாரிக்கபட்ட விமானம் என்பதால் இதன் உதிரிபாகங்கள் அதைதயாரித்த நிறுவனத்திடம் மட்டுமே கிடைக்கும் அதுவும் மிக அதிக விலையில்தான் இருக்கும் அந்த விலைக்கு புது ஜெட் விமானமே வாங்கிவிடலாமாம். அப்படியானால் யார் வாங்குபவர்கள்? வாங்கி  என்ன செய்வார்கள்.?

”அருமையான கிச்சன் வசதி இருப்பதால் அதை அப்படியே நிறுத்தி ரெஸ்டோரண்ட் நடத்தலாம்..” ஆபிஸ் அருகில் நிறுத்தி கான்பிரன்ஸ் போன்ற தங்கள் அலுவ்லக மீட்டிங்களுக்கு பயன்படுத்தலாம். பணக்காரர்கள் தங்கள் வீட்டு வாசலில் நிறுத்தி “ நான் சின்ன பையானாக இருந்த போது இதில்தான் நம் பிரெஸிடெண்ட் போவார் என்று பேரகுழந்தைகளுக்கு காட்டலாம் என்ற ரீதியில்  இணைய தளத்திலும் பேஸ் புக்கிலும் பல ஐடியாக்கள் கொட்டுகின்றன. விமானத்திற்கு விலையை சொல்லுபவர்களை விட விதவிதமான யோசனைகள்  சொல்பவர்கள் தான் அதிகமாகிக்கொண்டிருக்கிறார்கள். ம்ம். யார்வீட்டு வாசலில்  இது நிற்கபோகிறதோ?

எத்தனை நாள்தான் ஏமாற்றுவார்கள்..

ஜூன் மாத ஆழம் இதழில் எழுதியிருப்பது 

சில ஆண்டுகளுக்கு ஒருமுறை வரவேண்டிய நேரத்தில் வராது ஏமாற்றி, ஏராளாமான இன்னல்களை விளைவிப்பது  நம் நாட்டின் பருவ மழைகள். ஆனால் ஆண்டு தோறும் நாட்டின் ஏதாவது ஒரு மாநிலத்தில் வெடித்து கிளம்புவது நிதி நிறுவனங்களின் மோசடிகள்.இத்தகைய நிதி மோசடித் திட்டங்களில் மோசடி செய்யப்பட்ட பணம் திரும்பக் கிடைத்ததில்லை.  ஒவ்வொரு முறையும் மோசடி செய்த தனி நபர்களின் சூழ்ச்சி, தந்திரம் அல்லது ஏமாற்றப்பட்டவர்களின் ஏமாளித்தனம், அல்லது மோசடியை தடுக்கும் பொறுப்பில் உள்ள அரசு அமைப்புகளின் கவனமின்மை என்று புதுப்புது காரணங்கள் சொல்லபடும். 3 நாட்கள் முதல் பக்கத்தில் தலைப்பு செய்தியாகி, சட்டமன்றத்தில் ரகளையாகி கவன ஈர்ப்பு தீர்மானத்துக்குபின், கமிஷன் அமைப்பதும் ஒழுங்குமுறை சட்டங்களை வலுவாக்கி இனிமேல் இப்படி நடக்க விடாமல் தடுத்து விடுவதாக அரசு சொல்வதும்,வாடிக்கையாகி போன விஷயம்.  ஆனாலும் தொடர்ந்து சாதாரண மக்களின் சேமிப்புகளை சூரையாடும் நிதித் துறை மோசடிகள் மீண்டும் மீண்டும் தலையெடுக்கின்றன.

 இப்போது கொல்கத்தாவை மையமாகக் கொண்டு மேற்கு வங்காளத்திலும், வடகிழக்கு மாநிலங்களிலும் செயல்பட்டு வந்த சாரதா குரூப்பைச் சேர்ந்த நிறுவனங்கள் பொதுமக்களிடமிருந்து பல ஆயிரம் கோடி ரூபாய் மதிப்பில் நிதி திரட்டி பின் அதை ”மறைய” வைத்து திவால் ஆகியிருக்கின்றன. இந்த நிறுவனத்தின் செயல்பாட்டில் அரசியல்வாதிகள், ஊடக தொழிலதிபர்கள், அதிகார இடைத்தரகர்கள், வழக்கறிஞர்கள் என்று பல தரப்பட்டவர்களுக்கு  தொடர்பு இருப்பது தற்போது அம்பலமாகியிருக்கிறது. முதலீடு செய்தவர்கள் இழந்த மொத்ததொகை எவ்வளவு என்பது இன்னும் கண்டுபிடிக்கபடவில்லை. கைதான இதன் அதிபர் சொன்ன பல தகவல்களில் ஒன்று நிறுவனத்தை நடத்தும் போது ஏற்கனவே ரூ 2,000 கோடிக்கு கமிஷன், போனஸ், மார்கெட்டிங் அலவன்ஸ் என்று பணம் வழங்கியிருக்கிறேன் என்பது.  இந்த தொகை திரட்டிய மொத்த பணத்தில் 30% என்று வைத்துக் கொண்டால் மட்டும் மொத்தம் சுமார் ரூ 6,000 கோடி திரட்டியிருக்கிறது இந்த நிறுவனம்.  இது இந்தியாவில் இதுவரை  ஒரு தனியார் நிதி நிறுவனம் திரட்டிய நிதி ஆதாரங்களிலேயே மிக அதிகமானது.

இவர்களால் எப்படி இது முடிந்தது?     

          

சாரதா குழுமத்தை உருவாக்கியவரும் சேர்மனாக பொறுப்பு வகித்தவருமான சுதிப்தா சென், 2008 வரை மிக சாதரண அளவில் இயங்கிகொண்டிருந்த ஒரு ரியல் ஏஸ்டேட் நிறுவனத்தின் உரிமையாளார். நிலம் வாங்கி விற்பது, சிறிய அளவிலான  அடுக்குமாடிகட்டிடங்கள் நிறுவது போன்ற நிறுவனத்தை நடத்தி கொண்டிருந்த இவரின் கனவுகள் பிராமாண்டமானவை. சகாரா குழுமம் போல தன் நிறுவனத்தை வளர்க்க பேராசை கொண்டு அதற்கான முயற்சிகளில் ஈடுபட்டிருந்தார். கட்டிட தொழிலுக்கு அதிக அளவில் பணம் தேவைப்பட, அப்போது  அவர் துவக்கியது சாரதா சிட்பண்ட். அன்னை சாராதாதேவி மீது மிகுந்த மதிப்பு கொண்டவராகவும் அவரது கோட்பாடுகளின் படி ஏழைகளுக்கு உதவுவது தன் நோக்கம் என அறிவித்துகொண்டிருந்தார்.  இவரே எதிர் பார்க்காத அளவில் சிட் பண்ட்டில் பணம் வரவு அதிகமாகி கொண்டிருந்தது. இந்நிலையில்  அவருக்கு கிடைத்த நண்பர்கள் ரத்தன் திப்பு, ஷிவ்நாராயணதாஸ். இவர்கள் மல்டிமார்கெட்டிங் என்ற வலைப்பின்னல் மூலமாக நெட் ஒர்க்கிங்களை உருவாக்கி பணம் உற்பத்தி செய்யும் கில்லாடிகள். இவர்கள் ஆலோசனைப்படி சாராதா சிட்பண்ட் முகவர்களின் மூலமே மிகப்பெரிய நெட் ஒர்க்கிங்கை உருவாக்கி பல ஆயிரம் கோடிகளை பெற்று ரியல் எஸ்டேட் பிஸினை வளர்க்கலாம், அதற்கு தங்களுக்கு  30%^ கமிஷன் எனற திட்டத்தை சுதிப்தா சென்னுக்கு ”விற்று” அவர்களும் பார்ட்னர்களாக இணைந்து சாரதா ரியாலிட்டிஸ் என்ற நிறுவனத்தையும் சில நாட்களிலேயே சாராதா என்ற  துவக்க பெயருடன் 160 கம்பெனிகளையும் ஆரம்பித்துவிட்டார்கள். ஆடம்பரமான அலுவலகங்கள், ஆர்பாட்டமான விளம்பரங்கள்  அமைச்சர்கள் பங்கேற்ற துவக்க விழாக்கள் என குறுகிய காலத்தில் பிரம்மாண்டமான வளர்ச்சி என்ற தோற்றத்தை ஏற்படுட்த்திவிட்டார்கள்.

தங்களிடம் மூதலீடு செய்யப்படும் பணத்தை ரியல் ஏஸ்டேட், ஏற்றுமதி, ஹோட்டல்கள் போன்ற துறையில் பயன்படுத்தி சேமிப்பாளர்களுக்கு பெருமளவு லாபம் தரப்போவதாக ஆடம்பரமான விளமபர அறிக்கைகளை சுதிப்தா சென் சேர்மன் என்ற பெயருடன்  ஒரு மிகப்பெரிய முதலீட்டார்கள் “மாநாட்டில்” வெளியிட்டார்கள்.  15 முதல் 120 மாதங்கள் வரையிலான திட்டங்களில் ரூ 10,000 முதல் ரூ 1 லட்சம் வரை முதலீடு செய்பவர்களுக்கு 12 முதல் 24 சதவீதம் வட்டி தருவதாக வாக்குறுதி அளித்திருந்தார்கள். ""மாதம்தோறும் ரூ.2,000 செலுத்தினால் 15-ஆவது மாதத்தில் ரூ.35,000 கிடைக்கும். ஒரு லட்சம் ரூபாய் வைப்புநிதியாகச் செலுத்தினால் மாதம் ரூ.2,000 வட்டி கிடைக்கும்''. இப்படித்தான் சொன்னார்கள்; சொன்னதைப் போலவே சிலருக்கு சிலகாலம் கொடுத்தார்கள்! வைப்புத் தொகை முதிர்ச்சி அடைந்த பிறகு சேமிப்பாளர் விரும்பினால் பணத்துக்குப் பதிலாக நிலம் அல்லது அடுக்குமாடிபிளாட் வாங்கிக் கொள்ளலாம். என்ற அறிவிப்பும் செய்யபட்டிருந்தது. கிழக்கு, வடகிழக்கு இந்தியாவின் பல நகரங்களில் ஒன்றன்பின் ஒன்றாக கிளை அலுவலகங்கள் திறக்கப்பட்டன. . மேற்கு வங்காளம், வடகிழக்கு மாநிலங்கள், ஒரிசா, ஜார்கண்ட், மாநிலங்களில் 4 ஆண்டுகளில் 300க்கும் மேற்பட்ட அலுவலகங்கள் திறக்கபட்டிருக்கின்றன.

 சாராதா சிட்பண்ட் என்ற நிறுவனம் இந்த குழுமத்தின் நிறுவனங்களில் ஒன்றே தவிர இந்த முதலீடுகளுக்கும் அந்த சிட்பண்ட்க்கும் எந்த சம்பந்தமும் இல்லை என்பதை விளமபரங்களில் தெளிவாக சொல்லபடவில்லை. பணத்தை முதலீடு செய்பவர்கள் புதிய வைப்பாளர்களை கொண்டு வந்தால் புதிய வைப்புத் தொகையில் ஒரு குறிப்பிட்ட சதவீதம் அவர்களுக்கு கிடைக்கும். அவர்கள் அறிமுகப் படுத்திய முதலீட்டாளர்கள் அறிமுகப்படுத்தும் ஒவ்வொருவரின் வைப்புத் தொகைக்கும் இவர்களுக்கும் கமிஷன் வரும். மல்டிலெவல் மார்கெட்டிங் என்ற இந்த முறையில் , முதலில் பணம் போட்டவர்களுக்கு வட்டி கொடுக்க பிறகு முதலீடு செய்பவர்களின் பணத்தை பயன்படுத்துவது என்ற இந்த முறைக்கு பொன்சி என்று பெயர். இந்தமுறை சேமிப்புகள் தடை செய்யபட்ட ஒன்று, சட்டபடி குற்றமாகும். ஆனாலும்  இந்த திட்டங்களை இவர்கள் பிரபலப்படுத்தியிருக்கிறார்கள்.

ஓய்வு பெற்ற முதியோர்கள், நடுத்தர வர்க்கத்தினர், சிறு வணிகர்கள், உழைக்கும் மக்கள் என்று பல தரப்பினரும் தமது சேமிப்புகளை அதிக லாபம் கிடைக்கும் இந்த திட்டத்தில் முதலீடு செய்திருக்கின்றனர். பல ஆயிரம் கோடி அளவிலான நிதி கொட்ட ஆரம்பித்திருக்கிறது. முதலீட்டாளர்களுக்கு வைப்புத் தொகை, முதிர்ச்சியடையும் நாள், முதிர்ச்சித் தொகை இவற்றை குறிப்பிட்டு சுதிப்தா சென்னின் பெயரை முத்திரையாக பதித்து கொடுக்கும் நிதி சான்றிதழ்களை சேமிப்பாளார்கள் மகிழ்ச்சியுடன் வாங்கிகொண்டார்கள் இந்த நிலையில் கடந்த ஏப்பரல் இரண்டாம் வாரத்தில்  கம்பெனி சில நாட்களுக்கு முன் வழங்கிய காசோலைகள் பணம் இல்லாமல் திரும்பின. இதையடுத்து, பணம் கட்டியவர்கள் சீட்டு கம்பெனி அலுவலகங்களை முற்றுகையிட்டனர். இதற்கிடையே சுகிப்தா சென் தலைமறைவாகிவிட்டார்.

பல ஆயிரக்கணக்கான சாதாரண மக்கள் தங்கள் சேமிப்பை ஒரே நாளில் இழந்த சோகம்  வங்காள மாநிலத்தை மட்டுமில்லை தேசத்தையே தாக்கியது. இதுவரை 5 சேமிப்பாளர்களின் தற்கொலைகள் பதிவு செய்யபட்டிருக்கிறது. தன் மகன் இப்படி மக்களை ஏமாற்றிய  ஒரு நிறுவனத்தில் ஏஜெண்ட்டாக இருந்த அவலத்தை பொறுக்காமல் தற்கொலை செய்துகொண்டிருக்கிறார் ஒரு தந்தை  தங்கள் ஓய்வு ஊதியத்தை முழுவதும் இழந்த முதியவர்கள் பலர் மனநிலை பாதிக்கபட்டிருக்கின்றனர்.

வங்காள போலீசாரின் வேண்டுகோளின்படி , காஷ்மீர் போலீஸார் குல்மார்க்கில் ஒரு ஆடம்பர ரிசார்ட்டில்  ”பதுங்கி” இருந்த சுகிப்தா சென் மற்றும் சீட்டு கம்பெனி நிர்வாகிகளூம் கைது செய்யப்பட்டு. அவர்கள் 3 பேரும் கொல்கத்தாவுக்கு விமானம் மூலம் கொண்டு வரப்பட்டு விசாரணை நடத்தப்பட்டது. இந்த விசாரணயில் சி.பி.ஐக்கு சுகிப்தா சென் எழுதிய 18 பக்க கடிதம் ஒன்றை கொடுத்து ஆச்சரியபடுத்தினார் சென். . இதில், தன்னை மிரட்டி பணம் பறித்த அரசியல்வாதிகள் உட்பட 22 பேரின் பெயர்களை அவர் குறிப்பிட்டுள்ளார். திரிணாமுல் காங்கிரசை சேர்ந்த எம்.பி.க்கள் சினிஜாய் போஸ், குணால் கோஷ் ஆகியோர் தன்னை மிரட்டி பணம் பறித்ததோடு சீட்டு கம்பெனியையும் சுரண்டியதாக கூறியுள்ளார். இது வங்காளத்திலும் டெல்லியிலும் பல அரசியல் வாதிகளை  தூக்கமிழக்கசெய்திருக்கிறது. தன் கட்சிகாரர்கள் பெயர் இருப்பதால் மம்தாவிற்கு இது இன்னும் ஒரு தலைவலியாக சேர்ந்திருக்கிறது.

அரசியலாகும் மக்களின் சோகம்

எந்த விஷயமானாலும் அதை அரசியலாக்கி தங்கள் தனித்தன்மையை காட்டுவதில் நம் அரசியல் வாதிகளை  எவரும்  மிஞ்ச  முடியாது. புகாரைத் தொடர்ந்து, பாதிக்கப்பட்ட சிறு முதலீட்டாளர்களுக்காக ரூ.500 கோடி நிவாரண நிதியை அரசு வழங்கும் என்று முதலமைச்சர் மம்தா பானர்ஜி அறிவித்துள்ளார். புகையிலை மீது இப்போதுள்ள 25 சதவீத விற்பனை வரியை 10 சதவீதம் மேலும் அதிகரிப்பதன் மூலம் 150 கோடி ரூபாய் கூடுதலாக வசூலிக்கப்படும். இதன் மூலம் சிறு முதலீட்டாளர்களுக்குத் தேவைப்படும் நிதி திரட்டப்படும் என்று அறிவித்துள்ளார். தன் கட்சிகார்களை காப்பற்றும் முயற்சி என சிபிஎம் இதை வார்ணிக்கிறது.

“இது எந்த வகையிலும் நியாயமானது அல்ல. சுனாமி, புயல் போன்ற பேரிடர் காலங்களில் பாதிக்கப்பட்ட மக்களுக்காகவும், பெருவிபத்துகளில், ஏன் சாலை விபத்துகளில்கூட பாதிக்கப்பட்ட மக்களுக்காகவும் அரசு நிவாரண உதவித் தொகை வழங்குவது இன்றியமையாதது. அதிக வட்டிக்கு ஆசைப்பட்டு, "சாரதா' சீட்டு நிதி நிறுவனத்தில் முதலீடு செய்து பணத்தை இழந்தவர்களுக்கெல்லாம் பணத்தைத் திருப்பி அளிப்பது, தவறான முன்னுதாரணமாகிவிடும் "பல பேருடைய பணத்தை ஒரு சிலர் ஏமாற்றி ஏப்பம் விடுவார்கள். அதனால் ஏற்படும் இழப்பை அரசு கஜானாவிலிருந்து எடுத்து ஈடு செய்வார்கள்' என்றால் எப்படி? பேராசைப் பட்டவர்கள் பெரு நஷ்டம் அடைந்தால்தான், இதுபோன்ற ஏமாற்று நிறுவனங்கள் மீண்டும் மீண்டும் உருவாகாமல் இருக்கும். "சாரதா சிட்பண்ட்' நிறுவன அதிபர் மட்டுமல்ல, அத்துடன் தொடர்புடைய திரிணமூல் காங்கிரஸ் தலைவர்கள் உள்ளிட்ட அனைவரும் சட்டத்தின் முன் நிறுத்தப்படுவதுதான் நியாயம்.”  என்று தினமணி தன் தலையங்கத்தில்  பெரும்பாலன மக்களின் எண்ணத்தை பிரதிபலித்திருந்தது..

"சாரதா' சீட்டுநிதி நிறுவன முறைகேடுகள் பத்திரிகைகளில் வராமல் இருக்க வேண்டும் என்பதற்காக, தானே ஒரு தொலைக்காட்சி சேனலை ரூ.10 கோடிக்கு வாங்கி, ரூ.40 கோடியில் மேம்படுத்தியிருக்கிறார் சுதீப்த சென். ஒரு பத்திரிகையை வாங்கி நடத்தியிருக்கிறார். இந்த ஊடகங்களில் "சிறப்பு சேவைக்காக' திரிணமூல் காங்கிரஸ் கட்சியைச் சேர்ந்தவர்களுக்கு பதவிகள் தந்து "பல லட்சம் ரூபாய்' மாத ஊதியம் அளிக்கப்பட்டுள்ளது.

சென்னின் நிறுவனம் வளரவளர அவருக்கும் அவரது குழுவிற்கும் அரசியல் ரீதியான பாதுகாப்பு தேவையாகிவிட்டது. அதற்காக அவர்கள நாட, அவர்கள் இந்த பணம் காய்க்கும் மரத்தின் விளைச்சலில் பங்கு கேட்க ஆரமபித்துவிட்டார்கள். தன் கடிதத்தில் சென் எதற்காக, யாருக்கு எவ்வளவு செலவழித்தேன் என பட்டியல் இட்டு கொடுத்திருக்கிறார். ரகசியம் என்று தலைப்பிட்டு சிபிஐ டைரக்டருக்கு எழுதபட்டிருக்கும் கடிதத்தின் இந்த பகுதி  மட்டும் கொல்கத்தாவின் எல்லா செய்திதாள் அலுவலகத்திற்கும் வந்தது. தன்னை பற்றியும், சாராதா குழுமம் பற்றியும் தவறான முறையில் பத்திரிகைகளில் செய்திகள் வெளியாகமல் இருக்க அதன் அதிபர்களுக்கும் ஆசிரியர்களுக்கும் பணம் கொடுத்தது, ஊடகங்களில் செல்வாக்கு பெற தனியாக பத்திரிகைகளூம், டிவி சானல்கள் ஆரம்பிப்பது போன்றவைகளுக்கு உதவ அரசியல் வாதிகளுக்கு பணம். ஒரு அரசியல் வாதியின் செல்வாக்கை பெற அவரது நஷ்டமான கம்பெனியை நல்ல விலை கொடுத்து வாங்கியது,  செபி அமைப்பு சாராதா நிறுவனங்கள் பற்றி கேள்விகள் எழுப்பிய பின்னர் அவர்களை சமாளிக்க செபியின் தலவர் யூகே சின்ஹாவின் நண்பர்களை அறிமுகபடுத்த உள்ளூர் கால்பந்தாட்ட குழு தலைவருக்கு பணம்   என்று இது போன்று அடிதடி மிரட்டல்கள் முதல் அரசு அதிகார மிரட்டல்கள் வரை சமாளிப்பதற்காக சுமார் ரூ 270 கோடி ரூபாய் செலவழித்திருக்கிறேன் என்று எழுதி கையெழுத்துடன் சிபிஐக்கு அனுப்பிவிட்டு அதன் நகலை தன்னை கைது செய்த போலீஸிடம் கொடுத்திருக்கிறார் சென். 270 கோடிகளுக்கு சென் கணக்கு சொல்லும் அதே கடிதத்தில் தன் கைவசம் இருக்கும் சொத்துக்கள்  வெறும் 30 கோடிகள் என்றும் பட்டியல் தந்திருக்கிறார். முடிந்தால் விற்று எடுத்து கொள்ளுங்கள் என்பது  இதற்கு அர்த்தம்  மீதி என்ன வாயிற்று? எங்கே  யாருடைய பாதுகாப்பில் பதுக்க பட்டிருக்கிறது?  ஆண்டவனுக்கும் சென்னுக்கும் மாத்திரமே தெரிந்த விஷயம் இது. கடிதம் ஒரு நல்ல வழக்கறிஞர்கள் குழுவினால் தயாரிக்கபட்டிருக்க வேண்டும் என்கிறது வங்காள போலீஸ். இந்த கடிதத்தில் சொல்லபட்டிருக்கும் ஒரு விஷயம் தமிழ்நாடு சம்பந்தபட்டது.

திருமதி மனோரஞ்சனா சின்ஹ் என்பவர் பாசிடிவ் குரூப்ஸ் நிறுவனத்தை சென்னுக்கு விற்பதற்காக தொடர்பு கொண்டாராம். இவரது நிறுவனமான GNN  இந்தியா என்ற நிறுவனத்திற்கு சென்னிடம் 25 கோடி கடன் வாங்கியிருந்தார். அவரை சென்னையில் உள்ள வழக்கறிஞர் திருமதி நளினி சிதம்பரத்தின் அலுவலகத்திற்கு அழைத்துப் போனதாகவும்.  கன்சல்டன்சி கட்டணமாக ஆண்டுக்கு ரூ 1 கோடி என்று  நிர்ணயக்கபட்டது என்
றும்  ப சிதம்பரத்தின் மனைவி நளினி சிதம்பரத்தின் ஆதரவு இருந்தால் மத்திய அரசுடனான சிக்கல்களை எளிதாக தீர்த்துக் கொள்ளலாம் என்று மனோரஞ்சனா சின்ஹ் சொன்னாதால் இதை செய்தேன் என்றும் சொல்லியிருக்கிறார். மேலும் வடகிழக்கு பகுதியில் தான் ஒரு சானல் ஆரம்பிக்க உதவும்படி திருமதி நளினி கேட்டதாகவும் சென் சொல்லியிருக்கிறார். நளினி  சிதம்பரம் இதை மறுத்து அறிக்கை வெளிட்டிருக்கிறார்.  திருமதி மனோரஞ்சனா கம்பெனி லாபோர்டில்  ஒரு வழக்குகாக தன்னை நியமித்திருந்தாகவும், சாராதா குழுமம் மனோரஞ்சனாவின் டிவி கம்பெனியில் முதலீடு செய்ய விரும்பியபோது , அத்தகைய முதலீடு நல்லதல்ல என்று தன் கட்சிகாரருக்கு ஆலோசனை வழங்கியதாகவும் திருமதி நளினி தெரிவிக்கிறார். நிர்ணயக்கபட்ட கன்சல்டன்சி  கட்டணம் பற்றி எதுவும் சொல்லவில்லை.

இனி என்ன நடக்கும்?

திரு சென்னை தவிர இருவர் மட்டுமே  கைது செய்யபட்டிருக்கும் நிலையில், நாட்டில் முதல் முறையாக கைதான உடனேயே ஒரு 28 பக்க கடித்தை கொடுத்து, அதில் ஆளும் கட்சியின் எம்.பி களின் பெயர்களையும் சொல்லி  போலீஸை திணர அடித்த கில்லாடி சென்&கோ எல்லாவற்றையும் எதிர்பார்த்தே செயலாற்றுவது போல் தோன்றுகிறது. மாநில அரசு முன்னாள் நீதிபதி தலமையில் விசாரணை கமிஷனை நியமித்திருக்கிறது. இதுவரை 6000 பேர் தாங்கள் ஏமாற்றபட்டதாக புகார் தந்திருக்கிறார்கள்.  செபி சாரதா நிறுவனங்களை மூட உத்தரவிட்டிருக்கிறது விசாரணை முடிந்து அந்த அறிக்கையின் அடிப்படையில்  வழக்கு பதிவு செய்யபடவே ஆண்டுகள் பல ஆகும். அப்புறம் வழக்கு, அப்பீல் என குறைந்த பட்சம் 15 ஆண்டுகள் ஆகும் அதற்குள் மீடியாக்களும் மோசடியால் பாதிக்கப்டாதவர்களும் விஷயத்தை மறந்தே போவார்கள். இந்த மோசடித் தொழில் வலைப்பின்னலில் அரசியல் வாதிகள்,வங்கிகள், அரசுத்துறைநிர்வாகிகள் போலீஸ் போன்ற துறைகளில் இருக்கும் சிலரும்  பங்குதாரர்களாக இருக்கிறார்கள். அதனாலேயே பரபரப்பான பத்திரிகை செய்தியினைத் தாண்டி இந்த குற்றவாளிகள் தண்டிக்கப்படபோவதில்லை என்பதோடு பறிகொடுத்த பணமும் மக்களுக்கு .திரும்பக் கிடைக்கபோவதில்லை..என்பது தான் நிதர்சனமான உண்மை. ஏற்கெனவே இதுபோன்ற தனியார் சீட்டு நிதி நிறுவனங்களில், வாழ்க்கை முழுதும் சேமித்த தொகையை வைப்புநிதியாக வைத்திழந்த சம்பவங்கள் தமிழ்நாட்டிலும்10 ஆண்டுகலுக்கு முன் நடைபெற்றது. அப்போது, அந்த நிறுவனங்களின் சொத்துகளைப் பறிமுதல் செய்தும், வங்கிக் கணக்குகளை முடக்கியும், புகார் தந்தவர்களுக்கு மிகச் சிறிய முதலீட்டுத்தொகை ஓரளவுக்குத் திரும்ப வழங்கப்பட்டது. அதிலும்கூட முழுமையாக நடைபெறவில்லை. அதேபோல் இதிலும் நடக்கும் வாய்ப்புகள்தான் அதிகம். அப்பாவி இந்தியனை ஏமாற்றும் இந்த சூப்பர் இந்தியன்களை  காப்பாற்ற சட்டங்களில் போதுமான ஓட்டைகள் இருக்கிறது...

சட்டம் என்ன சொல்லுகிறது?

இதுபோன்ற சீட்டு நிதி நிறுவனங்களுக்கு அனுமதி அளிப்பது மாநில அரசு அல்ல மத்திய அரசுதான் என்று மம்தா பானர்ஜி மத்திய அரசைக் குற்றம் சாட்டுகிறார். ஆனால் நீண்ட நாட்கள் இதற்கான  சரியான சட்டங்கள் இல்லாத நிலையில்  மத்திய அரசு “சீட்டு நிதி நிறுவன சட்டத்தை 1982ல் கொண்டுவந்தது. இச்சட்டத்தின்படி நாட்டில் உள்ள சீட்டு நிறுவனங்கள் மத்திய அரசின் நிதிதுறையில் பதிவு செய்து கொண்டு செயல்பட்டு வருகின்றன ஆனால் இந்த சட்டத்தில் உள்ள  மிகப்பெரிய ஓட்டை  சீட்டு நடத்தும் நிறுவனங்களைக் கண்காணிக்கும் பணி மத்திய அரசுக்குக் கிடையாது; அதனை அந்தந்த மாநில அரசுகள்தான் கட்டுப்படுத்த வேண்டும். இதனால் பதிவு செய்த பின்னர் இந்த நிறுவனங்கள் தவறு செய்தால் அதை கண்காணித்து தண்டிக்க வேண்டிய பொறுப்பு மாநில அரசையே சார்ந்தது.   சிட்பண்ட்களை நடத்தும் புத்திசாலிகள்  சிட் பண்ட்டுடன்  வங்கி அல்லாத நிதி நிறுவனம், டைரக்ட் செல்லிங்  பணபத்திரங்கள் விற்பது போன்ற பல விஷயங்களுக்கு மத்திய மாநில அரசின் பல்வேறு துறைகளில் அனுமதி வாங்கி வைத்திருப்பார்கள், பெரும்பாலும் இந்த துறைகள் அனுமதிகளைத்தான் வழங்குகின்றனவே தவிர கண்காணிக்கும் அதிகாரங்களை கொண்டவையில்லை.. அதனால் இந்த நிறுவனங்கள் பிரச்சனை வரும்போது தரும் தகவல்களை குழப்பி போலீஸையும் கோர்ட்டையும் திணர அடிப்பார்கள். இம்மாதிரி இப்போது நடந்துகொண்டிருக்கும் வழக்குகள் ஏராளம். இதைத் தவிர எந்த பதிவும் செய்யாமல் சிறிய அளவில் சிட்பண்ட்கள் நடத்தி ஏழைமக்களை ஏமாற்றி தலைமறைவாகிறவர்களும் மிக அதிகம். பதிவு செய்யாமல் சீட்டுகள் துவக்குவது  ஒரு குற்றமாகாது என்பது இவர்களுக்கு எளிதாக கைகொடுக்கும் ஒரு ஆயுதம்.. மேலும் பதிவு செய்த சிட்நிறுவனங்களுக்கென  மத்திய அரசின் சட்டம் ஒன்று இருந்தும் கண்காணிக்கும் பொறுப்பு மாநில அரசிடம் இருப்பதால்  ஓரளவு அரசியலும் விளையாடி சாதரண மனிதனின் சேமிப்பை பாதுகாக்க முடியாத அவல நிலை நீடிக்கிறது. கேரள மாநிலத்தில் அரசாங்கமே ஒரு சிட்பண்ட் நிறுவனத்தை ஒரு கார்ப்ரேஷனாக நடத்துவதோடு மாநிலத்தில் உள்ள  மற்ற சிட்பண்ட்டில் சேமிப்போருக்கு அந்த நிறுவங்களைப்பற்றிய தகவல்களையும் தருகிறது. மற்ற மாநிலங்கள் பின்பற்ற வேண்டிய ஒரு நல்ல மாடல் இது.

மக்கள் ஏன் சிட்பண்ட் களில் சேருகிறார்கள்?

குறுகிய காலத்தில், அதிக பயன் கிடைக்க கூடிய வகையிலான சலுகை திட்டங்களை, சீட்டு நிறுவனங்கள் அறிவிக்கின்றன. கேட்டதும், கடன் கிடைக்கிறது. ஆனால், வங்கிகளின் செயல்பாடுகள், நகர்ப்புறங்களிலேயே, முடங்கிவிடுகிறது.கிராமப்புற மக்கள், வங்கிகளுக்கு சென்று, கடன் பெறுவது என்பது, அவ்வளவு எளிதான விஷயமல்ல. ஆனால், இதுபோன்ற விஷயங்கள் எல்லாம், சீட்டு நிறுவனங்களில் இல்லை. இதனால், சீட்டு நிறுவனங்களை நோக்கி, மக்கள் படையெடுக்கின்றனர். முறையாக செயல்படும் சீட்டு நிறுவனங்கள் பல இருந்தாலும், மோசடி செய்யும் நிறுவனங்கள், அதிகரித்துவிட்டன. எனவே, வங்கிச் சேவை, அனைத்து தரப்பு மக்களுக்கும் கிடைக்கும் வகையில், மிக எளிதாக்கப்பட வேண்டும்.
என்கிறார் மேற்கு வங்கத்தை சேர்ந்த பிரபல பொறுளாதார நிபுணர் அஜிதா ராய் சவுத்திரி. கிராமபுற மக்களின் தேவைக்க ஏற்ப இன்னும் வங்கி சேவைகள் எளிதாகவேண்டும் இல்லாவிட்டால் இந்த நிலை தொடரத்தான் செய்யும் என்கிறார் இவர்.      சென்னையிலிருக்கும்  IFMR  என்ற  ஆராய்ச்சி நிறுவனம் சமீபத்தில் வெளியிட்டிருக்கும் ஆராய்ச்சி கட்டுரையில் நாட்டில் வங்கிகிளைகள் அதிகரித்து வந்தாலும்  இன்னும் பலர், 5முதல் 10 சதவீத குடும்பங்கள் சிட்பண்ட்களில்தான் சேமிக்கிறார்கள் என்ற தகவலை சொல்லுகிறது. கிராமபுறங்களில் இன்னும் 40% மக்களுக்கு வங்கி வசதிகள் இல்லை நாட்டில் உள்ள பதிவுசெய்யபட்ட சிட்பண்ட்களில் 30000 கோடிகளுக்கு பிசினஸ் நடைபெறுகிறது (பதிவு செய்யபடாதவைகள் மூலம் இன்னும் அதிகம்) நாட்டில் 10000 க்கும் மேற்பட்ட பதிவு செய்ய்பட்ட சிட்பண்ட் கம்பெனிகள் இருக்கின்றன அதில் சுமார் 2000 தமிழ்நாட்டில் இருக்கிறது. இவைகள் செய்யும் பிசினஸ் ஆண்டுக்கு 4000கோடிக்கும்மேல்.  2003லிருந்து 2010 வரை ஆண்டு தோறும் சிட்பண்ட்களில் சேமிப்போரின் எண்ணிக்கை அதிகரித்து வருவதையும் அதிலும் தென் இந்தியாவில் தமிழ்நாடு கேரளா, ஆந்திர மாநிலங்களில் தொடர்ந்து அதிகரிப்பதையும் சுட்டிகாட்டுகிறது. கேரளாவில் 9%க்கும்  அதிகமான குடும்பங்கள் சிட்களில் சேமிக்கின்றன. அதாவது 10க்கு ஒரு குடும்பம் சேமிக்க  சிட்பண்டைதான் அறிந்திருக்கின்றன.  வங்கிகளின் அலட்சிய போக்கு, எளிதில்கடன்வழங்காத நிலை போன்றவைகளும், எந்த நேரத்திலும் நெருக்கடியிலும் அணுக முடியும் என்ற  வசதிகளும் தான் இதற்கு காரணம் என்கிறது இந்த அறிக்கை.

 ஒவ்வொரு மாநிலத்திலும் குறைந்த பட்சம் 2 சிட்பண்ட் நிறுவனங்களாவது நீண்ட நாள் மக்களின் நம்பிக்கை பெற்று வெற்றிகரமாக இயங்கிவருகிறது. தமிழகத்தில் பாலுசேரி, ஸ்ரீராம் போன்ற நிறுவனங்கள், ஆந்திராவில் மார்கதரிசி போன்ற நிறுவனங்கள் தொடர்ந்து நல்ல முறையில் இயங்குகின்றன.  சீட்டு கம்பெனி ஒழுங்காக நடத்தபட்டால் சிட்பண்ட் நிறுவனங்கள் வீழ்ச்சி அடையவேமுடியாது. லாபம் குறைந்த அளவே கிடைத்தாலும் விதிமுறைகள் ஒழுங்காக பின்பற்றபட்டால் நஷ்டம் வர வாய்ப்பில்லை என்கிறார் திரு தியாகராஜன், இவர் 1974ல் துவக்கப் பட்டு இன்று 3000 கோடி அளவில்  வளர்ந்திருக்கும் ஸ்ரீராம் சிட்பண்ட்டின் நிறுவனர்.

 இப்போது இருக்கும் சிட்பண்ட் விதிகள் கடுமையானவை. போதுமானவை அவைகள் ஒழுங்காக கடைபிடிக்கபட்டாலே போதுமானது.  தமிழ் நாட்டில் எந்த பதிவு செய்யபட்ட சிட்பண்ட்டும் இதுவரை திவாலாகவில்லை. மேற்கு வங்கத்தில் திவாலான சாரதா ஒரு பதிவு செய்யப்படாத சிட்கம்பெனி அவர்கள் செய்தது மோசடி அவர்களையும் சிட்பண்ட் என மீடியாக்கள் வர்ணித்து  நல்ல சிட்பண்ட் நிறுவனங்களில் மூதலீடு செய்திருப்பவர்களையும்  அனாவசிய பீதிக்குள்ளாக்கிறார்கள் என்று மீடியாவை சாடுகிறார் திரு சிவராமகிருஷ்ணன். இவர் 1947லிருந்து தொடர்ந்து இயங்கிவரும் பாலு சேரி சிட்பண்ட் நிறுவனத்தின் உரிமையாளார். அகில இந்திய சிட்பண்ட்களின் சங்க செயலாளார்.

 அரசாங்கங்கள் என்ன செய்யலாம்?

போதுமான சட்டங்கள், கட்டுபாடுகள் இருக்கின்றன, நல்ல கம்பெனிகள் இயங்கின்றன, சிட்கள் மூலம் பல மக்கள் பயன்பெறுகிறார்கள் என்பதை புள்ளிவிபரங்கள் புரியவைத்தாலும்  2011 ஆண்டு மட்டும் மல்ட்டிலெவல் மார்கெட்டிங்கில் மணிப்பூரிலும், கேரளாவிலும், குறைந்தவிலைக்கு தங்கம் என்று ராஜஸ்தானிலும், மரங்களில் முதலீடு எனறு டெல்லியிலும்,இரட்டிப்புதொகைக்கான கடன் பத்திரம் என்று உத்திரபிரதேசத்திலும், ஈமு கோழிபண்ணைகள் என தமிழ் நட்டிலும் லட்சகணக்கான மக்கள் பல கோடிக்கணக்கான ரூபாய்களை, சேமித்தபணத்தை இழந்திருக்கிறார்கள்.  ஆசைகளை  தூண்டிவிட்டு மக்களின் அறியாமையை சுரண்டி காசாக்கும் இந்த கும்பல்களிடமிருந்து ஏழைமக்களை, சட்டம் பதிவு போன்றவைகளை அறியாத சாதாரண மக்களை தொடரும் இந்த துயரங்களிலிருந்து  காப்பாற்றவேண்டிய  தார்மீக கடமையை மாநில, மத்திய அரசுகள் செய்ய முடியாதா?  கிழ்கண்டவற்றை பின்பற்றினால்  எளிதாக செய்ய முடியும்.

1) பதிவு செய்யபடாமல் சிட்பண்ட்கள் நடத்துவது கிரிமினல் குற்றமாக்கபடவேண்டும். எல்லா மீடியாக்களையும் பயன்படுத்தி இதை பெரிய அளவில் கிராமபுறங்களில் விளம்பரபடுத்த வேண்டும். மாநில அரசுகள் கிராம மக்களின் வதிக்காக மட்டும் சிட் கார்ப்ப்ரேஷன்களை துவக்கி சிட்களை நடத்தி நிர்வகிக்கவேண்டும்

2)சிட்பண்ட்டாக பதிவு செய்யபட்ட நிறுவனங்கள் வேறு மாதிரியான நிதி நிறுவனங்களை ( மல்ட்டி லெவல் மார்கெட்டிங் மாதிரி )  எந்த வகையிலும் வடிவத்திலும்  நடத்த அனுமதிக்க கூடாது.

3) வங்கி அல்லாத நிதிநிறுவனங்கள் டெப்பாசிட்களுக்கும் கடன்களுக்கும் நிர்ணயக்கும் வட்டிவிகிதங்களை ரிசர்வ் வங்கியின் வழிமுறைகள் மூலம் கட்டுபடுத்த வேண்டும்.

செய்வார்களா?

உழவுக்கு வந்தனை செய்யும் மன்னர்

பாங்காங் நகரில் தாய்லாந்து மன்னரின் பிரமாண்டமான அரண்மனை வளாகத்தில் கிழக்கு புற மைதானத்தில் மக்கள் கூட்டம் காத்திருக்கிறது. மாலை 3 மணி. பெரிய நீலநிற பென்ஸ் காரில் வந்த இளவரசர் மஹாவஜ்ரலோங்கோன் ( Maha Vajiralongkorn ) தேசீய கிதம் முழங்க மரியாதைகளை ஏற்று மேடையில் அமர்கிறார்.

மேடையின் கீழே பளிச் வெள்ளையில் கம்பீரமாக இரண்டு பெரிய காளை மாடுகள் மஞ்சள்நிற ”பட்டு சட்டை” அணிந்து காத்திருக்கின்றன. அரண்மனையின் தலமை பண்டிட் மண்டியிட்டு  மன்னரிடம் நெல்மணிகள் நிறைந்த தங்க வெள்ளி பாத்திரங்களை நீட்டி ஏதோ சொல்லுகிறார். வாத்தியங்கள் முழங்க சங்கு ஒலிக்க காளை மாடுகளை இணைத்து நுகல் தடியில் ஒர் ஏர் பூட்டபடுகிறது. ஏரின் மேல் விவசாய கடவுள் உருவம் வைத்து பூஜிக்கபடுகிறது.

பின்னர்  சிவப்பு உடையணிந்த விவசாயிகள் அருகில் வர, அரண்மனை அந்தணர்கள் பின் தொடர மாடுகள் மைதானத்தின் மத்திய பகுதியை அடைகிறது

நாட்டின் விவசாயத்துறை முதல் அதிகாரி ஏர்பிடித்து நிலத்தை உழ துவங்குகிறார். நிஜமாகவே ஏர்தடியில் காலை அழுத்தி உழுகிறார். உழுதுகொண்டுபோகும் ஏரின் பின்னே  அரண்மனையில் தினசரி வேதம் சொலும் அந்தணர்கள் மந்திரம் சொல்லி புனிதநீர் தெளித்து வண்ணம் நடக்கிறார்கள். பஞ்சகச்சவேஷ்ட்டியின் மேல் வெள்ளைகோட்டும் கால்களில் சாக்ஸ் ஷூ வுடன் அரண்மனை அந்தஸ்த்தை குறிக்கும் நீண்ட சரிகை அங்கியையும் அணிந்திருக்கிறார்கள். 4கிராமிய பெண்கள் பாடியபடி நெல் மணிகள் நிறைந்த கூடையுடன் உடன் வருகிறார்கள். அதிலிருந்து எடுத்து முதன்மை பண்டிட் விதைகளை வீசித்தெளித்த வண்ணம் நடக்கிறார். அந்த கணத்தில் தாய்லாந்தின் இந்த ஆண்டின் நெல் விதைப்பு துவங்கி விட்டது.

நேரடி ஒளிபரப்பில் இந்த காட்சியை பார்த்தவுடன் நாட்டின் பல பகுதிகளிலும் இதே நேரத்திற்கு விவசாயிகள் தங்கள் நிலத்தில் நெல்விதைப்பை துவக்குகிறார்கள். சுற்றி சுற்றி 3 முறை நடைபெறும் இந்த உழுவுப் பணியில் மற்ற அதிகாரிகளும் பங்கேற்கிறார்கள்.

. ஒவ்வொரு ஆண்டும் அரண்மனை ஜோசியர்களாலால் நல்ல நாள் நேரம் பார்த்து குறிக்கபட்டு  இந்த  ”முதல் ஏர் செலுத்தும் உழவுவிழா” நாள் அறிவிக்கபட்டு அரண்மனை வளாகத்தில் கடந்த 200 வருடங்களாக கொண்டாடபடுகிறது. அன்று  தேசிய விடுமுறையும் அறிவிக்கபடுகிறது. இந்த ஆண்டு இது கடந்த மே மாதம் கொண்டாடபட்டது. பாங்காக் நகர் விழா கோலம் பூண்டிருந்தது. போஸ்ட்டர்கள் பேனர்களுக்கு அனுமதியில்லாத அந்த நகரில் இந்த விழாவினால்ஆங்காங்கே இளவரசரின் பிரமாண்ட சைஸ் படங்கள்

விழாவில் உழவு முடிந்தவுடன் அந்த காளை மாடுகளுக்கு உணவாக அரிசி, மொச்சை, உளுந்து,புல், நீர், அரிசியிலிருந்து தயாரிக்கபட்ட ஒயின் என 6 விதமான உணவுவகைகள் வாழைஇலை தொன்னைகளில் வைத்து காட்ட படுகிறது. முதல் மாடு முதலில் எதை சாப்பிடுகிறதோ அதன் மூலம் இந்த ஆண்டு எப்படி இருக்கும் என்று அரண்மனை அந்தணர்களால் கணித்து அறிவிக்கபடுகிறது. இம்முறை முதலில் புல்லை சாப்பிட்டதால் இந்த ஆண்டு  மழை சுமாராக இருந்தாலும் மிக அதிகமான நெல்விளைச்சல் இருக்கும் என கணிக்கபட்டு அறிவிக்கபட்டது. காளைகள் சாப்பிடும் வரை காத்திருந்த இளவரசர் இசை முழங்க அரண்மனைக்கு  திரும்புகிறார். அதுவரை கட்டுபாட்டுடன் இருந்த மக்கள் கயிற்றை  அறுத்துகொண்டு ஒடி வந்து தூவப்பட்ட நெல் மணிகளில் கிடைப்பதை பொறுக்கிஎடுக்கிறார்கள். அரண்மணை புரோகிதர்களால் பூஜிக்கபட்டு மன்னாரல் ஆசிர்வதிக்க பட்ட அந்த நெல் மணிகள் தங்கள் நிலத்தில் இடபட்டால் அல்லது வீட்டில் வைத்திருந்தால் சுபிட்சம் பெருகும் என்பது  அவர்களின் நம்பிக்கை.

உலகின் அரிசி உற்பத்தியில் 4 வது இடத்திலும் அரிசி ஏற்றுமதி செய்யும் நாடுகளில் இரண்டாவது இடத்திலும் இருக்கும் தாய்லாந்து  நாட்டின்  பொருளாதரத்தை நிர்ணயிக்கும் உழவு தொழிலுக்கு உண்மையாகவே வந்தனம் செய்கிறத  

கல்கி 2613